2 کورنتھین11
1امہِ پتہٕ، مےٚ چھےٚ امید زِ توٚہؠ روزیٚو صبرٕ سان مےٚ سٟتؠ میانہِ یِمہٕ کتھہٕ بوزان یِمہٕ میانہِ لِکھہٕ ھنا لوٚت وایہِ چھےٚ۔ بہٕ چُھس زانان زِ توٚہؠ چُھ صبرٕ سان مےٚ سٟتؠ۔2بہٕ ونہٕ لوٚت وایہِ کتھہٕ تکیازِ بہٕ چُھس تُہنٛد رٲچھ در۔ یتھٕ پٲٹھؠ زن خدا تُہنٛد رٲچھ در چُھ۔ پزر گو ییٚلہِ مےٚ توٚہہِ رٕژ شیٚچھ ؤنؠ زٲنؠ تو بہٕ اوسُس أکِس مٲلِس ہِیٚو یمؠ توٚہہِ بیٚیِس نفرس دِنُک وعدٕ کوٚر تس سنٛز خاندارِنؠ زٲنِتھ۔ یتھٕ پٲٹھؠ زن یہِ مول چُھ یژھان پننہِ کورِ چھرا امسےٕ أکِس نفرس سٟتؠ روزن۔ اوے چُھس بہٕ یژھان زِ توٚہؠ تھٲیو بس مسیحؔ ہس پٮ۪ٹھ پژھ۔3وۅنؠ گو بہٕ چُھس کھوٚژان زِ توٚہہِ گوٚژھ نہٕ کانٛہہ ناوِ والُن یتھٕ پٲٹھؠ زن شیطانن حواؔ ناوِ وٲج۔ بہٕ چُھس کھوٚژان زِ یُتھ ہیٚو نفر انہِ تہنٛدِس تتھ سونٛچس کھُر یُس مسیحؔ سنٛزِ فرمانبردٲری منٛز بسِتھ چُھ۔4بہٕ چُھس توٚہہِ متعلق پریشان تکیازِ بہٕ چُھس زانان زِ لوٗکھ یِن توٚہہِ سمکھنہِ تہٕ وننو یسوعسؔ متعلق، مگر یہِ چُھنہٕ سُہ یسوع یس متعلق اسہِ توٚہہِ ونُو۔ باقےٕ چُھو توٚہہِ روح پیش کران مگر یہِ چُھنہٕ سُہ پاک روح یُس اسہِ توٚہہِ پیش کوٚر۔ باقےٕ چُھو رٕژ شسچھ ونان مگر یہِ چھنہٕ سۅ رٕژ شیٚچھ یتھ پٮ۪ٹھ توٚہہِ گۅڈٕ یقین کوٚرُو۔ امہِ باوجود چُھو توٚہؠ صبرٕ سان ییٚلہِ لوٗکھ توٚہہِ یِمن چیزن متعلق ونان چھِ۔5بہٕ چُھس یژھان زِ توٚہؠ کٔرِو تتھ پٮ۪ٹھ یقین یہِ اسہِ توٚہہِ گۅڈٕ ووٚن تکیازِ بہٕ چُھس سونچان زِ مسیحؔ چُھ تِتھے پٲٹھؠ میانہِ ذریعہ عمل کران یتھٕ پٲٹھؠ سُہ تہنٛدِ ذریعہ عمل کران چُھ یِم یہِ ونان چھِ زِ تِم چھِ یسوع سٕنٛدؠ بہترین نمایندٕ۔6یوٚدوے زن مےٚ رٕتؠ پٲٹھؠ کتھہٕ کرنہِ ہٮ۪چھمژٕ چھیٚنہٕ امہِ باوجود چُھم ہیوٚچھمُت زِ پوٚز کیا چُھ۔ ییٚلہِ تہِ بہٕ ونہٕ یا کرٕ، بہٕ ہاوو پوٚز کیا چُھ۔7توٚہؠ چُھو زانان زِ مےٚ کوٚر نہٕ کانٛہہ اتُر توٚہہِ سٟتؠ توٚہہِ کانٛہہ پونٛسہٕ نہ منٛگِتھ خدایہِ سٕنٛدِ طرفہٕ رٕژ شیٚچھ واتناونہٕ باپتھ۔ یہِ کرنہٕ سٟتؠ بنوو مےٚ توٚہہِ مقابلہٕ پنُن پان کم پایہ توٚہؠ زیادٕ اہم زاننہٕ باپتھ۔8پزر گو یہِ زِ مےٚ میلؠ بدل ایماندار جمٲژو پٮ۪ٹھٕ پونٛسہٕ۔ مےٚ کٔرؠ تہنٛدؠ پونٛسہٕ قبول تاکہِ بہٕ ہیٚکہٕ تُہنٛز خدمت کٔرِتھ۔9مزید ییٚلہِ بہٕ توٚہہِ نِش اوسُس، مےٚ اوسنہٕ پننہِ ضرورتُک پرٮ۪تھ کانٛہہ چیز میسر۔ مگر مےٚ دیُت نہٕ توٚہہِ کانٛہہ عِذا یِمو ضرورژو باپتھ پونٛسہٕ منٛگِتھ۔ مےٚ ہیوٚک یہِ کٔرِتھ اوٕ کِنؠ زِ مکدُنیہ پٮ۪ٹھٕ مےٚ سٟتؠ یوٚت سفر کرن والیٚو ایماندار سٲتھیٚو دیُت مےٚ ضرورتُک پرٮ۪تھ کانٛہہ چیز۔ بے شک کرو نہٕ بہٕ توٚہؠ کُنہِ تہِ وِزِ تہٕ کُنہِ تہِ حالژ منٛز تنگ پننہِ باپتھ پونٛسہٕ منٛگِتھ۔10اخیہ صوبس منٛز کُنہِ جایہِ تہِ کانٛہہ تہِ روزن وول ہیٚکہِ نہٕ مےٚ تھزٕ کتھ وننہٕ نِشہ پتھ رٔٹِتھ۔ یتھ کتھہِ متعلق زِ مےٚ دیُت نہٕ توٚہہِ کانٛہہ عِذا۔ یہِ بہٕ توٚہہِ ونان چُھس تہِ چُھ تیوت پوٚز زنٛتہٕ مسیحؔ چُھ اتھ پانہٕ ونان۔11میون توٚہہِ کانٛہہ عِذا نہ دِنُک مطلب چُھنہٕ یہِ زِ مےٚ چھنہٕ تُہنٛد پرواہ۔ خدا چُھ گواہ زِ بہٕ کوتاہ چُھس تُہنٛد پرواہ کران۔12بلکہِ چُھ یِتہِ میون اکھ وجہ زِ بہٕ کیازِ کرَو نہٕ توٚہؠ ہٮ۪تھےٕ پریشان۔ تِتھٕ پٲٹھؠ دِمہٕ بہٕ کٲنٛسہِ تہِ ٲسس تھوٚپ یِم پانس متعلق تھزٕ تھزٕ کتھہٕ ونان چھِ یتھٕ پٲٹھؠ أسؠ پانس متعلق ونان چھِ۔ مےٚ چھےٚ خبر زِ کینٛہہ لوٗکھ چھِ یہِ کرُن یژھان۔13یِم لوٗکھ چھِنہٕ تِم یِم مسیحؔ ہن پنٕنؠ رسول یا نمایندٕ بنٲوِتھ سوزؠ۔ یِم لوٗکھ چھِ پننہِ کرنہٕ کراونہٕ سٟتؠ لوٗکن دھوکہٕ دِوان۔ یِم چھِ چھرا مسیحؔ سنٛزِ نمایندگی ہُنٛد برٮ۪م دِوان۔14یہُنٛد یہِ کرُن گژھِ نہٕ اسہِ حٲران کرُن۔ شیطان تہِ چُھ جلالہٕ وول روحٲنی وجود آسنُک برٮ۪م دِوان۔15اوے تہِ پزِ اسہِ یہِ کتھ تہِ ژٮ۪تس تھاوٕنؠ زِ تِم یِم تمِس یعنی شیطانس خدمت کران چھِ تہِ ہیٚکن لوٗکن رٕژِ یا صحیح وتہِ پٮ۪ٹھ تھاونچہِ خدمژ ہُنٛد برٮ۪م دِتھ۔ چھیکرس دِیہ تِمن خدا پوٗرِ پوٗر ماوضہ پننہِ کرنُک۔16بہٕ چُھس بیٚیہِ ونان یہِ مےٚ گۅڈے ووٚن۔ بہٕ چُھس یژھان زِ کانٛہہ زانہِ نہٕ مےٚ احمق۔ وۅنؠ گو یوٚدوے توٚہؠ مےٚ احمق زانان چُھو تیٚلہِ دِیو مےٚ کینٛژھا احمقٲزی کرنہٕ۔ یتھٕ پٲٹھؠ ہیٚکہٕ بہٕ تہِ کینٛہہ تھزٕ کتھہٕ پانس متعلق ؤنِتھ۔17یہِ بہٕ وۅنؠ ونُن چُھس یژھان چُھنہٕ تہِ یہِ بہٕ خداوند یسوع سنٛز نمایندگی کرنہٕ وِزِ ونان چُھس۔ بلکہِ چُھس بہٕ احمقٲزی سان یہِ ثٲبت کرنہٕ باپتھ کتھ کران زِ بہٕ تہِ ہیٚکہٕ پانس متعلق تھزِ تھزٕ کتھہٕ کٔرِتھ۔18بیٚہِ تہِ واریاہ لوٗکھ چھِ انسٲنؠ تقاضو کِنؠ تھزٕ تھزٕ کتھہٕ کران۔ اوے ونہٕ بہٕ تہِ پانس متعلق تھزٕ تھزٕ کتھہٕ۔19بہٕ چُھس زانان زِ توٚہؠ تھٲیِو مےٚ کن۔ اوٕ کِنؠ زِ توٚہؠ چُھو پانس دانا لوٗکھ گنٛزران۔ اوے چُھو توٚہؠ لوت واے عمل کرن والیٚن لوٗلن خۅشی سان برداشت کران۔20پزر گو یہِ زِ توٚہؠ چُھو روزان صبرٕ سان ییٚلہِ کینٛہہ لوٗکھ توٚہہِ سٟتؠ ویکھت ویوہار کران چھِ۔ تِم ما کرنو توٚہہِ مجبور تہنٛدِس پٮ۪ٹھ عمل کرنہٕ باپتھ۔ تِم ما ورتاون تہِ سورےٕ یہِ توٚہہِ چُھو۔ تِم ما والن توٚہہِ ناوِ تہِ۔ تِم ما ونن زِ تِم چھِ تہنٛدِ کھۅتہٕ بہتر۔ تِم ما والن توٚہہِ عزت۔ بہرحال توٚہؠ چُھو تِمن وُنہِ تہِ برداشت کٔرِتھ۔21یوٚدوے توٚہہِ سٟتؠ سلوک کرنہٕ باپتھ طاقتور لوٗکن ہنٛز وتھےٕ درُست چھےٚ، تیٚلہِ چُھس بہٕ مانان زِ تٔمہِ ویوہار تہٕ سلوک باپتھ یُس اسہِ توٚہہِ سٟتؠ روا تھوو، چھِ أسؠ شرمسار تہٕ بیٚیہِ سٲنؠ کمزوری درشاوان۔ اتھ برعکس یہِ کینٛژا باقےٕ لوٗکو کرنُک بل ہوو۔ بہٕ تہِ ہیٚکہٕ تہِ کرنُک بل ہٲوِتھ۔ بہٕ چُھس یِمہٕ کتھہٕ اوٕ کِنؠ ونان تکیازِ بہٕ چُھس پننہِ احمقٲزی کِنؠ عمل کران۔22تِم لوٗکھ چھِ ونان زِ تِم چھِ عِبرٲنؠ بولن وٲلؠ یہُودؠ۔ مگر بہٕ تہِ چُھس یہُودؠ تہٕ بولان عبرٲنؠ۔ تِم چھِ ونان تِم چھِ اسرائیلی، مگر بہٕ تہِ چُھس اسرائیلی۔ تِم چھِ پانس ابرہام سنٛدؠ زُرؠ ونان، مگر بہٕ تہِ چُھس اکھ زُر ابرہام سُنٛد۔23تِم چھِ پانس مسیحؔ سٕنٛدؠ خدمت گار گنٛزران، مگر بےٕ چُھس تہنٛدِ کھۅتہٕ ژوٚر خدمت گار مسیحؔ سُنٛد۔ بے شک چُھس بہٕ أکِس دیوانہٕ سٕنٛدؠ پٲٹھؠ کتھ کران۔ بہرحال مےٚ چُھ تہنٛدِ کھۅتہٕ ژوٚر زُو ژوٚٹمُت۔ لوٗکو بوٚرُس بہٕ بٲنٛدؠ وان تہنٛدِ کھۅتہٕ ژرِ لٹہِ۔ لوٗکو دیُت مےٚ مار تہنٛدِ کھۅتہٕ ژوٚر۔ بہٕ مودُس واریاہ پھرِ۔24بیوٚن بیوٚن پانٛژِ لٹہِ لایہِ نوو مےٚ یہُودؠ زِٹھیو کٔمس تام اتھِ زیادٕ کھوٚتہٕ زیادٕ کُنتٲجی پھرِ۔25یِمو زِٹھیو والہٕ نٲوؠ مےٚ ترییو بیون بیون وِزو لوریٚو سٟتؠ۔ اکہِ پھرِ لایکھ مےٚ کنہِ مےٚ مارنہٕ باپتھ۔ ترٮ۪ن سفرن دوران پھچہِ سۅدرس تِمہٕ ناوے یِمن منٛز بہٕ سوار اوسُس۔ بہٕ رودُس سٕدرس منٛزباگ ژوُہن گٲنٹن زِنٛدٕ۔26بہٕ چُھس اکثر سفر کران روزان۔ بہٕ چُھس وٲناکھ جایو پکان روزان، یِمن منٛز دریاو، سریہ، سیٚکِلؠ تہٕ سُدٕرؠ تہِ چھِ۔ یِمن جاین چھِ ہمیشہٕ تِم لوٗکھ آسان یِم مےٚ عِذا واتنٲوِتھ ہیٚکن، یِمن منٛز ژوٗر، یہُودؠ لوٗکھ، غٲر یہُودؠ لوٗکھ، تہٕ ایماندار آسنُک برٮ۪م دِنہٕ وٲلؠ لوٗکھ چھِ۔27بہٕ چُھس پزی زُو ژٹان۔ بہٕ چُھس نہٕ اکثر پوٗرٕ شۅنگان تہِ۔ مےٚ چُھنہٕ پوٗرٕ کھٮ۪ن چٮ۪ن تہِ میلان۔ اکثر چُھس بہٕ بۅچھِ ہوٚتُے آسان۔ بعضے چُھس بہٕ تٟیرِ سٟتؠ شِٹھان۔ مےٚ چھِنہٕ پوٗرٕ پلو تہِ آسان۔28باقےٕ چیزو علاوٕ یِم بہٕ بیان کٔرِتھ ہیٚکہٕ چُھس بہٕ فِکرِ منٛز روزان سارنےٕ ایماندار جمٲژن ہنٛدِ باپتھ۔29ییٚلہِ کانٛہہ ایماندار سٲتھی لیٚوژ آسہ بہٕ تہِ چُھس لیٚوژےٕ روزان۔ ییٚلہِ کانٛہہ ایماندار سٲتھیس گنہس کُن نِیہِ مےٚ چُھ سخ شرارتھ کھسان۔30اوٕ کِنؠ زِ مےٚ چھےٚ ضرورت پانس متعلق تھیٚکنٕچ، بہٕ چُھس یژھان تھیٚکُن زِ بہٕ کوتاہ لیٚوژ چُھس31أسؠ سٲری کرو ہمیشہٕ تعظیم خدایہِ سُنٛد خداوند یسوع سٕنٛدِس ببس۔ سُہ ہیٚکہِ میانہِ کتھہِ سنَد بخشِتھ زِ بہٕ چُھس پوٚز ونان۔32ییٚلہِ بہٕ دمشق شہرس منٛز اوسُس، بادشاہ ارِتاس سٕنٛدِ طرفہٕ مقرر مقٲمی حٲکمن لٲگؠ پنٕنؠ سِپاہ سٲرؠ سےٕ شہرس منٛز مےٚ ژھارنس تہٕ رٹنس۔33مگر پننیٚو ایماندار سٲتھیو بچووُس بہٕ أمِس مقٲمی حٲکمہٕ سنٛزِ تُپہِ منٛز یِنہٕ نِش۔ تِمو بوٚرُس بہٕ أکِس بجہِ ٹوکرِ یہِ گٔنٛڈٕکھ أکِس رزِ تہٕ ترٲوٕکھ شہرچہِ قلایہ ہنٛزِ اکہِ دارِ کِنؠ بوٚن۔
Bridge Connectivity Solutions Pvt. Ltd.