2 کورنتھین10
1وۅنؠ کرٕ بہٕ پولُسؔ پانس متعلق کتھ۔ بہٕ چُھسو توٚہہِ بڈٕ عٲجزی تہٕ ویژھیہِ سان تہِ کرنہٕ باپتھ زور دِوان یہِ درُست چُھ یتھٕ پٲٹھؠ مسیحؔ نرم تہٕ فہمہٕ وول اوس۔ کینٛہہ لوٗکھ چھِ ونان ییٚلہِ بہٕ خۅد توٚہہِ سٟتؠ اوسُس، بہٕ اوسُس توٚہہِ سٟتؠ بڈٕ نرم، مگر وۅنؠ ییٚلہِ بہٕ توٚہہِ دوٗر چُھس، بہٕ چُھس توٚہہِ سٟتؠ زبردستی سان آسان۔2مےٚ چُھنہٕ زبردستی ہُنٛد اِرادٕ آسان ییٚلہِ بہٕ تِمن لوٗکن دلیری سان بُتھِ لگان چُھس یِم یہِ سونچان چھِ زِ بہٕ تہٕ تِم یِم خدمت چھِ کران چھِ چھرا جسمٲنی تقاضو عمل کران۔ اوے چُھسو بہٕ توٚہہِ ونان تہِ کرُن یہِ درُست آسہ تاکہِ مےٚ پیٚیہِ نہٕ توٚہہِ سٟتؠ تہِ کانٛہہ زبردستی کرٕنؠ ییٚلہِ بہٕ توٚہہِ سمکھنہِ یِمہٕ۔3پزر گو یہِ زِ یوٚدوے أسؠ انسٲنی عمل کران چھِ مگر أسؠ چھِنہٕ یہِ کرنہٕ باپتھ پنُن بچاو انسٲنی لِکھو کران۔4پوٚز چُھ یہِ زِ أسؠ چھِنہٕ باقےٕ انسانن ہنٛدؠ پٲٹھؠ تِمو چیزو سٟتؠ پنُن بچاو کران یہِ زن تِم کران چھِ۔ بلکہِ چُھ اسہِ خدا قوت بخشان یُس أسؠ پنُن بچاو کرنہٕ باپتھ ورتاوان چھِ۔ تاکہِ أسؠ دِمو شِکس تتھ یہِ باقےٕ لوٗکھ پنٕنؠ کِنؠ مظبوط دلیلہٕ پیش چھِ کران۔5أسؠ چھِ تِمن سارنےٕ چیزن ہارناوُن یژھان یِمن لوٗکھ خدا زاننہٕ کھۅتہٕ تھوٚد درجہٕ دِوان چھِ۔ مزید چھِ أسؠ لوٗکن ہنٛدٮ۪ن سونٛچن متٲثِر کٔرِتھ تِمن مسیحؔ سُنٛد فرمانبردار بناوٕنؠ یژھان۔6یمہِ وِزِ توٚہؠ مسیحؔ سٕنٛدؠ مکمل فرمانبردار بٔنیو، أسؠ سپدو تیار سارنےٕ نافرمانن سزا دِنہٕ باپتھ۔7سونٛچِو تتھ پٮ۪ٹھ یہِ بلکل صاف تہٕ واضیح چُھ۔ فرض کرو زِ لوٗکن چُھ یقین زِ تِم چھِ مسیحؔ سٕنٛدؠ نمایندٕ۔ یِتھٮ۪ن لوٗکن پزِ ژٮ۪تس تھاوُن زِ أسؠ تہِ چھِ مسیحؔ سنٛدؠ نمایندٕ یتھٕ پٲٹھؠ تِم تہِ چھِ۔8یقیناً چُھس نہٕ بہٕ پانس کانٛہہ عزت والان یوٚدوے بہٕ بجہِ بجہِ کتھہٕ کران چُھس زِ خداوند یسوعنؔ کِتھہٕ پٲٹھؠ بنٲوؠ أسؠ پنٕنؠ نمایندٕ۔ تٔمؠ کوٚر یہِ تاکہِ أسؠ ہیٚکو توٚہہِ حوصلہٕ افزٲیی تہٕ مدد کٔرِتھ خدایس پٮ۪ٹھ پوٗرٕ پژھ کرنہٕ باپتھ، نہ زِ توٚہہِ خدایس پٮ۪ٹھ پژھ تھآونہٕ نِشہ مُچھِ تھٲوِتھ۔9لہٰذا، ہیٚکو توٚہؠ ؤنِتھ زِ بہٕ چُھس نہٕ توٚہہِ کھوٚژناوان ییٚلہِ بہٕ توٚہہِ یِم نامہٕ زبردستی سان سوزان چُھس۔10بہٕ چُھس یہِ لیٚکھان اوٕ کِنؠ زِ کینٛہہ لوٗکھ چھِ مےٚ متعلق ونان، "سُہ چُھ اسہِ سخ تہٕ تیز نامہٕ سوزان۔ مگر ییٚلہِ سُہ اسہِ سٟتؠ آسان چُھ تیٚلہِ چُھ نرم آسان تہٕ لۅژِ آوازِ منٛز کتھ کران۔"11یِمہٕ لوٗکھ یِژھٕ کتھہٕ کران چھِ تِمن پزِ زانُن زِ أسؠ یہِ تہنٛدِ ناوٕ یِمن نامن منٛز دوٗر روزِتھ لیٚکھان چھِ۔ تہِ چُھ برابر تی یہِ توٚہہِ سٟتؠ روزِتھ سٲنؠ عمل درشاوان چھےٚ۔12أسؠ چھِ بڈٕ انکسٲری سان ونان زِ أسؠ تہِ چھِ تِمنےٕ لوٗکن ہنٛدؠ پٲٹھؠ رٕتؠ خٲر یژھن وٲلؠ یِمن توٚہؠ زانان چُھو یِم پانس بھروسہٕ منٛد ونان چھِ۔ تِم لوٗکھ چھِ احمق ییٚلہِ تِم پانس عظیم ونان چھِ تِم چھِ بس پانس کُن وُچھان۔13اتھ اُلٹہٕ چھِنہٕ أسؠ پانس متعلق کانٛہہ تِژھ تٔھز کتھ لاگان یِنہٕ أسؠ عملن چھِ۔ بلکہِ چھِ أسؠ ضرور تِمہٕ تھزٕ کتھہٕ پانس کُن لاگان یِمہٕ اسہِ خدا دِلس سٟتؠ ہِشراوان چُھ۔ اتھ منٛز چھےٚ سۅ عمل تہِ شٲمل یۅسہ أسؠ تہنٛزِ حٲضری منٛز کران چھِ۔14پوٚز گو یوٚدوے أسؠ پزنہٕ پٲٹھؠ توٚہہِ سمکھیمٕتؠ ٲسہٕ ہُو نہ یہِ زن خداین اسہِ کرنُک توفیق دیُتمُت اوس، أسؠ کرہو نہٕ توٚہؠ اتھ منٛز شٲمل۔ بے شک، چھِ أسؠ پزی توٚہہِ برونٛٹھےٕ سمکھیمٕتؠ تہٕ چھیٚو توٚہہِ ؤنؠ مٕژ مسیحؔ ہس متعلق رٕژ شیٚچھ۔15أسؠ چھِنہٕ پانس متعلق تھزٕ تھزٕ کتھہٕ ونان امہِ کِنؠ زِ باقےٕ کیا چھِ کران بلکہ امہِ کِنؠ زِ أسؠ کیا چھِ کران۔ پوٚز گو زِ أسؠ چھِ پُر اعتماد زِ خدا دِیہ اسہِ توٚہہِ سٟتؠ زیادٕ رُت کرنُک توقفیق۔ یہِ سپدِ تیٚلی ممکن ییٚلہِ توٚہؠ خدایس پٮ۪ٹھ دٔر پژھ تھٲیو۔16یتھٕ پٲٹھؠ ہیٚکو أسؠ رٕژ شیٚچھ تِمن لوٗکن تام واتنٲوِتھ یِم تہنٛدِ نِشہ تہِ سانہِ کھۅتہٕ تہِ دوٗر روزان چھِ۔ اوے چھِ أسؠ یہ کرنُک اِرادٕ کران امہِ بجایہ زِ پانس متعلق کرو تھزٕ کتھہٕ تکیازِ یہِ زن باقےٕ لوٗکو چُھ کوٚرمُت یہِ تِمن خداین کٲم کرنُک توفیق بخُش۔17پرٮ۪تھ کٲنٛسہِ پزِ تی کرُن یہِ یرمیاہ نبین لیٚوکھ،پرٮ۪تھ کانٛہہ یُس تھزٕ کتھہٕ ونہِ پزن یِمہٕ کتھہٕ خداوند خدایس کُن لاگنہِ۔"18پرٮ۪تھ کٲنٛسہِ پزِ یہِ کرُن تکیازِ خداوند یسوع چُھ تِمن مازان یِم بھروسہٕ منٛد آسن۔ نہ زِ تِمن یِم چھرا تھزٕ تھزٕ کتھہٕ کرن پانس متعلق۔
Bridge Connectivity Solutions Pvt. Ltd.