1 تھِس4
1مسیحسؔ پیٚٹھ ایمان تھاوُن والیٚو سانیو بایو، یمہِ چِٹھِ ہنٛد خُلاصہٕ چُھ یتھٕ کِنؠ۔ ییٚلہِ زنہٕ أسؠ خداوند یسوع سٕنٛدؠ مبالغؠ چھِ، أسؠ چھِ یتھ کتھِ پیٚٹھ توٚہہِ زوٗر دِوان تہٕ ہمت بخشان زِ تتھ پیٚٹھ کریو عمل یہِ اسہِ توٚہؠ ہیٚچھنٲیو۔ یہِ چُھ تُہنزِ زندگی تہٕ خدا خوش کرنہٕ خٲطرٕ ضروٗری۔ پتہٕ کریو توٚہؠ تمہِ کھوٚتہٕ زیادٕ ترقی، تکیازِ توٚہؠ چھُو زانان زِ اسہِ کیاہ کیاہ حکم چھِ توٚہہِ خداوند یسوع سٕنٛدِ طرفہٕ دِتؠ مٕتؠ۔3خدا چُھ یقیناً یژھان زِ توٚہؠ روزیٚو تمہِ اندازٕ زندٕ یمہِ سٟتؠ یہِ باسہِ زِ توٚہؠ چھُو تمؠ سٕنٛدؠ پوٚرٕ پٲٹھؠ تمؠ سٕنٛز خوٲہِش چھِ یہِ زِ توٚہؠ روزیٚو جنسی طور غٲر اخلٲقی کٲمیو نِشہٕ دوٗر۔4خدا چُھ یژھن زِ توٚہہِ منٛز کرِ ہر کانٛہہ صرف پننہِ زنانہِ سٟتؠ جنسی رشتہٕ قٲیِم۔ خدا چُھ یژھن زِ توٚہؠ کریو پننؠن زنانن سٟتؠ رُت سلوک بییٚہِ کریو تِمن عزت۔5توٚہہِ پزن نہٕ پننہِ زنانہٕ تِمن قومن ہنٛدؠ پٲٹھؠ جنس حوسہٕ خٲطرٕ استعمال کرنہِ یِم نہٕ خدایہِ سنٛزِ وتہِ پیٚٹھ پکن چھِ۔6خدا چُھ یژھن زِ کانٛہہ اکھ تہِ کرِ نہٕ خلاف ورزی تہٕ تُلہِ مسیحسؔ پیٚٹھ ایمان تھون وٲلِس پننِس بٲے سنٛزِ زنانہٕ ہُنٛد یتھٕ پٲٹھؠ فٲیدٕ۔ تکیازِ خداوند یسوع ہییٚہِ یِمن سارنےٕ حرام کٲمنؠ ہُنٛد برابر تِتھے پٲٹھؠ بدلہٕ یِتھٕ پٲٹھؠ اسہِ توٚہہِ پتمہِ لٹہِ ووٚن تہٕ پوٚرٕ پٲٹھؠ توٚہؠ خبردار کٔروٕ۔ 7خدا چُھنہٕ اسہِ مسیحسؔ پیٚٹھ ایمان تھاون والیٚن پننہِ بادشٲہی منٛز ناپاک کٲمنؠ ہنٛدِ خٲطرٕ بُلاون۔ تمہِ بدلہٕ چُھ خدا یژھن زِ أسؠ کرو تمؠ سنٛدین لوٗکن ہنٛدؠ پٲٹھؠ پننٕؠ زندگی بسر۔8أمی سببہٕ کِنؠ چُھس بہٕ توٚہہِ منٛز پرٛتھ کانٛہہ خبردار کرن ییٚلہِ زن خداین اسہِ یمہٕ کتھٕ توٚہہِ بناونُک ووٚنمُت چُھ، ہرگاہ کانٛہہ اکھ سٲنس وونس رد کرِ تیلہِ چھُو توٚہؠ اکھ انسان رد کرن۔ نا توٚہؠ چھُو خدایہِ سنٛدِس ذاتس انکار کرن! توٚہؠ چھُو تمس خدایس انکار کرن یُس ہمیشہ پنُن پاک روح اسہِ سارنےٕ عطا کران چُھ!9ووٚنؠ چھِنہٕ پٔزؠ پٲٹھؠ تُہنٛدس سوالس متعلق کٲنسہِ أکس تہِ لیٚکھنٕچ یا یاد پاونٕچ ضروٗرت زِ مسیحسؔ پیٚٹھ ایمان تھاون والیٚن باین کِتھٕ پٲٹھؠ پزِ پانہٕ وٲنؠ محبت تھون۔ تکیازِ توٚہہِ چھُو برونٛٹھۓ ہیٚچھمُت زِ خدا چُھ ہیٚچھناون، "اکھ أکس بریو لول"10توٚہؠ چھُو برونٛٹھۓ سٲرسے مکدُنیہس منٛز سارنے مسیحیؔ باین سٟتؠ لول بٲگراوان۔ سانیو مسیحیؔ بایو، تمہِ پتہٕ تہِ چھِ أسؠ یژھان تہٕ توٚہہِ پیٚٹھ تلقین کران زِ توٚہؠ سٲری بریو أمہِ کھۅتہٕ زیادٕ اکھ أکس لول!11أسؠ چھِ بییٚہِ توٚہہِ حکم دِوان زِ توٚہؠ کریو امنہٕ سان زندگی بسر کرنُکھ آرِزو۔ تہٕ پننٮ۪ن پننٮ۪ن کامٮ۪ن سٟتؠ روزِو آوٕرؠ۔ پنُن کاروبار کریو یُتھ توٚہؠ تہِ کمٲیو یہِ توٚہہِ زندٕ روزنہٕ خٲطرٕ ضروٗرت چِھ۔ تہِ کریو یمیٛک اسہِ توٚہہِ برونٛٹھۓ حکم دِیتُمُت چُھ۔12أسؠ چھِ توٚہہِ یمہٕ کامہِ کرنس پیٚٹھ زوٗر دِوان، یُتھ زن توٚہؠ وُنکینٕچ تُہنٛز شٲیشگی سان زندگی گُزارن چھُو سۅ ہیکہِ بنتھ تِمن ہنٛدِ خٲطرٕ اکھ مثال یِمن نہٕ مسیحسؔ پیٚٹھ ایمان چُھ۔ تہٕ پتہٕ ٲسیٚو نہٕ توٚہؠ پننٕؠ زندگی گزارنہٕ خٲطرٕ کُنہِ چیزکؠ محتاج۔13سانیو مسیحیؔ بایو، بییٚہِ چھِ أسؠ یژھان زِ توٚہؠ زانیو تِمن مسیحین کیاہ سپدِ یِم مۅردٕ چھِ۔ تُہنٛد پزِ نہٕ باقی انسانن ہنٛدؠ پٲٹھؠ آسن یِمن نہٕ مسیحسؔ پیٚٹھ ایمان چُھ، تِم چھِ سخ پریشان تکیازِ تِمن چُھنہٕ پوٚرٕ پٲٹھؠ بھروسہٕ زِ لوٗکھ سپدن مرنہٕ پتہٕ بییٚہِ زندٕ۔14یقیٖنن، اسہِ رسولن چُھ اطمنان زِ یسوع مود تہٕ سپد بییٚہِ زندٕ۔ توے چُھ اسہِ یقین زِ خدا کرِ تِمن لوٗکن بییٚہِ زندٕ یِم یسوعسؔ سٟتؠ چھِ۔ پتہٕ سوزِ تِمن خدا یسوعسؔ سٟتؠ واپس ییٚلہِ یسوع دنیاہس پیٚٹھ دُبارٕ واپس ییہِ۔15حقیقتن، أسؠ رسول چھِ ونہِ کؠن توٚہہِ یسوع سُنٛدکلام بوزناون۔ ییٚلہِ یسوع دُبارٕ واتہِ تمام مسیحیؔ کرن تس استقبال چاہے تِم مودمٕتؠ آسن یا تمہِ ساعتہٕ آسن زندٕ۔16خداوند یسوعؔ وسہِ آسمان پیٚٹھٕ بوٚن تہٕ سُہ دیہِ پانے سارنے زندٕ سپدنُک حکم۔ ملٲیکن ہُنٛد سردار دِیہِ کریکھ۔ خدایہِ سنٛدِس بگلس سپدِ دماکہٕ۔ پتہٕ سپدن گوٚڈٕ یمہِ عالمہٕ گٲمتٕؠ سٲری مسیحیؔ زمینہِ منٛز زندٕ۔17تمہِ پتہٕ کھالہِ خدا اسہِ سارنےٕ زندٕ مسیحنؔ زمینہِ پیٚٹھ ہیٚور کُن یُتھ زن أسؠ اوبرس منٛز خداوند یسوعسؔ ہیکو ملاقات کٔرِتھ۔ مسیحیؔ دوٚشوے جمٲژ سمکھن پانہٕ وٲنؠ اوبرس پیٚٹھ۔ یتھٕ پٲٹھؠ روزِو أسؠ سٲری خداوند یسوعسؔ سٟتؠ ہمیشہ خٲطرٕ یکجاہ!18لہٰذا توٚہہِ پزِ یمہِ کلامہٕ سٟتؠ اکھ أکس حوصلہٕ افزٲئی کرنؠ!
Bridge Connectivity Solutions Pvt. Ltd.