1 تھِس2
1مسیحسؔ پیٚٹھ ایمان دار سانیو بایو، توٚہہِ چھیو پوٚرٕ پٲٹھؠ زانان زِ یُس وقت اسہِ توٚہہِ سٟتؠ گُزور سُہ اوس بلکل فٲیدٕ منٛد۔2یتھٕ پٲٹھؠ توٚہؠ زانان چھیو، پتمہِ لٹہِ واتنوو اسہِ فلپی شہرس منٛز لوٗکو تکلیف بییٚہِ ونِکھ اسہِ بدرد، مگر سٲنؠ خداین دِژ اسہِ تمسنٛز رٕژ شیچھ باونس خٲطرٕ ہمت ہرگاہ مُخٲلفو کٔر اسہِ رُکاونہٕ باپتھ واریاہ کۅشش مگر أسؠ روٗدؠ خدایہِ سنٛز رٕژ شیٚچھ توٚہہِ نِشہٕ واتناوان۔3یقیناً، ییٚلہِ أسؠ توٚہہِ خدایہِ سنٛزِ رٕژِ شیچھِ پیٚٹھ ایمان تھاونس پیٚٹھ حوصلہٕ دِتو، اسہِ کٔر نہٕ کانہٛہ غٲر اخلٲقی یا توٚہہِ گمراہ کرنچ کوشش۔ اسہِ اوس نہٕ کانٛہہ ذٲتی مقصد۔ اسہِ کٔر نہٕ توٚہہِ دوٚکھٕ دِنچؠ کوٚشش۔4دراصل، چھِ أسؠ خدایہِ سٕنٛز رٕژ شیٚچھ باوان ییٚلہِ زن تمؠ اسہِ پٮ۪ٹھ یقین چھُ کوٚرمُت تہٕ أسؠ کرِن پسنٛد زِ أسؠ چھِ سۅ کٲم کرنس لایق۔ ییٚلہِ أسؠ خدایہِ سٕنٛز رٕژ شیٚچھِ باوان چھِ، أسؠ چھِنہٕ لوٗکھ خوش کرنچؠ کۅشش کران۔ تمہِ بدلہٕ چھِ أسؠ خداۓ خوش کرنچؠ کۅشش کران۔ خداۓ چُھ سُہ یُس اسہِ ہمیشہ آزماوان چُھ یمہِ سٟتؠ أسؠ تمؠ سٕنٛز رٕژ شیٚچھ باوان چھِ۔ 5حقیقتن، ییٚلہِ أسؠ پتمہِ لٹہِ آیہِ، اسہِ کٔر نہٕ توٚہہِ اپزؠ تعریف کٔرِتھ توٚہؠ خوش کرنچؠ کوٚشش۔ توٚہہِ چھِ پتاہ زِ یہِ چُھ پوٚز۔ اسہِ چھِنہٕ کانٛہہ لالٕچ، اوے چھِنہٕ سۅ کانٛہہ تہِ کتھ وننٕچ ضروٗرت یمہِ سٟتؠ أسؠ پننٕؠ ذٲتی لالچ توٚہہِ نِشہٕ کٔھٹِتھ ہیکو تھٲوِتھ۔ اتھ چُھ خدا گواہ!6اسہِ چھِنہٕ یہِ امید زِ لوٗکھ کرن اسہِ، توٚہہِ تہٕ باقین احترام۔7اسہِ ٲسؠ ہِیو توٚہہِ پانس تٲبین کٔرِمٕتؠ، ییٚلہِ زن أسؠ مسیحؔ سٕنٛدؠ بااختیار نمایندٕ چھِ۔ تمہِ بدلہٕ کوٚر اسہِ توٚہہِ سٟتؠ سُہ سلوک زن تہِ ٲسؠ أسؠ توٚہہِ سٟتؠ شُرؠ۔ اسہِ کوٚر توٚہہِ سٟتؠ سُہ سلوک یتھٕ پٲٹھؠ زن اکھ موج پننؠن شُریٚن رچھنہٕ وِزِ آرام دِوان چھِ۔8ییٚلہِ زن أسؠ تُہنٛدؠ مشتاق چھِ، اسہِ چھِ توٚہہِ نِشہٕ خدایہِ سٕنٛز رٕژ شیٚچھ واتناونس پیٚٹھ خوشی۔ تیٖ ہوٚت نہٕ کینٛہہ، بلؠ کہ أسؠ چھِ پننٕؠ زندگی تہِ توٚہہِ دِنس پیٚٹھ رٲضی تکیازِ توٚہؠ چھیو اسہِ سؠٹھاہ ٹٲٹھؠ سَپدؠ مٕتؠ۔9سانیو بایو توٚہہِ چھِ سٲنؠ سخ محنت تہٕ مشقت یاد۔ أسؠ روٗدؠ راتس دوٚہس کٲم کران۔ اسہِ آسہِ نہٕ توٚہہِ منٛز کٲنسہِ أکس تہِ ووٚنمُت زِ اسہِ کر مٲلی مدد۔ أسؠ روٗدؠ تٔمہِ پتہٕ تہِ کٲم کران، تہٕ ونہِ تہِ چھِ خدایہِ سنٛزِ رٕژِ شیٚچھِ ہنٛز پارے توٚہہِ دِوان۔10توٚہؠ تہٕ خداۓ چُھ سانہِ وفادٲری، راستبٲزی تہٕ معصومیتکؠ گواہ یمہِ سٟتؠ أسؠ توٚہہِ سارنے خدایس پیٚٹھ ایمان تھاون والین سٟتؠ پیش آیہِ۔11توٚہہِ منٛز چُھ پریتھ کانٛہہ اکھ ذٲتی طوٗر زانان: اسہِ کوٚر توٚہہِ سٟتؠ سوۓ سلوک یتھٕ پٲٹھؠ اکھ مۅل پننؠن شُریٚن سٟتؠ کران چُھ۔12أسؠ روٗدؠ توٚہہِ تلقین کران، توٚہہِ ہمت بخشان تہٕ ثبوت دِوان زِ توٚہہِ پزِ سۅ زندگی بسر کرنؠ یۅسہٕ خدا لوٗکن بسر کرنؠ یژھان چُھ! تکیازِ خدا چُھ توٚہہِ پننہِ شاندار بادشٲہی منٛز دٲخل سپدنچؠ دعوت دِوان۔13أسؠ چھِ بییٚہِ خدایہِ سُنٛد ہمیشہ أمہِ خٲطرٕ شکُر گُزٲری کران: توٚہہِ یُس خدایہِ سُنٛد کلام سانہِ دسؠ بوزوٕ سُہ کوٚروٕ قبول۔ توٚہہِ مونُو نہٕ سُہ صرف اکھ انسٲنی پٲغام۔ توٚہہِ مونُو سُہ خدایہِ سُنٛد پٲغام۔ اصلی دِیُت سُہ پٲغام اسہِ خداین لوٗکن نِشہٕ واتناوٕ خٲطرٕ! أسؠ چھِ بییٚہِ خدایہِ سُنٛد شکُر ادا کران زِ توٚہہِ اوٚنو تمس پیٚٹھ ایمان، خدا چُھ موثر اندازس منٛز تُہنٛزِ زندگی منٛز تمہِ قسمچؠ تبدیلی انان یتھٕ پٲٹھؠ تمؠ سنٛدین لوٗکن پزِ زندٕ روزُن۔14یہودیو کٔرؠ نہٕ یہُودیا ہس منٛز سؠٹھاہ پرانہِ وقتہٕ پیٚٹھٕ صرف نبی قتل بلؠ کہ حال حالےٕ کوٚرکھ بییٚہِ خداوند یسوع تہِ قتل۔ تِمو کٔر اسہِ رسولن سٟتؠ بدسلوکی تہِ۔ یِمو یہوداکیو انکار کرن والیو لوٗکو واتنوو بییٚہِ تِمن مسیحسؔ پیٚٹھ ایمان تھاون والیٚن لوٗکن تہِ تکلیف۔ مسیحسؔ پیٚٹھ ایمان تھاون والیو سانیو بایو، توٚہؠ پٔکِو تِمنےٕ یہُودیا ہس منٛز خدایہِ سنٛزن مجلسن ہنٛدس نقشہِ قدمس پیٚٹھ زِ توٚہہِ چھِ یسوع مسیحسؔ پیٚٹھ پوٚرٕ پٲٹھؠ ایمان تکیازِ توٚہہِ چھیو تِمے تکلیف پننیٚو ملکہٕ کیٚو بایو ہنٛدؠ دسؠ تُلان۔ خدا چُھ پوٚرٕ پٲٹھؠ تِمن مُنکر یہُودینؔ ناراض۔ بییٚہِ چھِ یِم تمام انسانن ہنٛدؠ دشمن!16تِم مُنکر یہُود چھِ غٲر یہُودین تام خدایہِ سٕنٛز رٕژ شیٚچھ واتناونس منٛز اسہِ رُکاونٕچ کۅشش کران۔ تکیازِ تِم مُنکر یہُود چھِنہٕ یژھان زِ خدا گژھِ تِمن یہودی لوٗکو نِشہٕ بچاون۔ یِمو مُنکر یہودی چُھ لگاتار گناہ کران زِ تِمو چھِ گناہن ہنٛدؠ سٲری حد پار کٔرمٕتؠ۔ ییٚلہِ تِم غٲفل سپدن، خدایہِ دِیہِ تِمن ٲخرکار وقتس پیٚٹھ سزا۔17سانیو ایمان تھاون والیو بایو، دوٗر آس نہٕ سببہٕ کِنؠ اسہِ وُچھوٕ نہٕ توٚہؠ اکہِ لٹہِ تہِ۔ ہرگاہ أسؠ توٚہہِ نِشہٕ سؠٹھاہ دوٗر ٲسؠ ٲسوٕ نہٕ تُہنٛز ماۓ کم کینٛہہ۔ أسؠ ٲسؠ تُہنٛز صوٗرت وُچھنہٕ خٲطرٕ بےقرار۔18بےشک، اسہِ یژھاو توٚہہِ نِشہٕ واتُن۔ مےٚ پولُسنؔ کرایہِ دویہِ لٹہِ ینٕچ کۅشش، مگر ییٚلہِ تہِ کۅشش کٔر أسؠ ڈٲلؠ شیطانن۔19اسہِ یژھاو توٚہہِ سمکھن تکیازِ اسہِ چھِ تُہنٛدس خدایس پیٚٹھ ایمانُک بھروسہٕ زِ اسہِ سپدِہے توٚہہِ سٟتؠ ملاقات کرنہٕ سٟتؠ خوشی۔ اسہِ چُھ یقین زِ اسہِ کوٚر تہِ حٲصل یہِ خداین سانہِ دسؠ کرُن یوٚژھمُت اوس۔ اسہِ چُھ یتھ پیٚٹھ پوٚرٕ یقین زِ أسؠ سٲری ٲسیٚو یکجاہ ییٚلہِ سون خداوند یسوع دُبارِ ییہِ!20تکیازِ تُہنٛدی سٟتؠ چھِ أسؠ خدایہِ سٕنٛدؠ تعریف کرن تہٕ خوشی مناون!
Bridge Connectivity Solutions Pvt. Ltd.