HEB - BUU4

1Zizan riwa Izhi katredzi riwa sonvri he ye zizan de ki ti rerebran no ri rimi mbi no ran hon gra ran.2Ki gbuchi wo tre Izhi ri raro bibi riwa wawa ngawen wa wo, ama itre Izhi riwa wa wo a ran ti ndu kyari ri wa ran, ritu wa ran kpa ri sron riri ran.3Ama kita wawa ki kpa nyɨme, kita nye ki gra ri sonvri-a kiri ran taka tre Izhi-a riwa ari tre ri,<<Imba me ti fu meri shizhi ri:<Wa ran gra ri bubu sonvri won ran!>>>Izhi a tre ngayin ko ri wa a tre ka a ti ndu wan kre tu ri vi ri wa a ti gbungblume.4Wa ngan ri bubu ri rimi mbe Izhi ritu vi ri tamgban ri:<<Ri vi ri tamgban Izhi a son vri ri mi ndu wan iwawu.>>5Ama ye zizan wa bru tre tre-a ri,<<Wa ran gra ri son vri won ran ko tsawen.>>6Ri sen wa tretre Izhi ri raro ritu son vri nyi, ama wawa wa tre tre-a ri wa ran gra ran ritu riwa wa ran kpa nyɨme ran. To zizan ka ivi he riwa wari wa gra ri son vri nye.7Ingye Izhi bru mɨlan vi ri ti riwa a yo,<<Ruwa.>>A tre ritu vi-a nye kugon se kigbu dzu ri nyu Doda bibi riwa ingha tre Izhi:Ka bi wo raan Izhi luwa,ran ti mgbimgbi sron ran.>>
8Wari tre ri Joshuwa a no wa nji Izhi vri nyi, Izhi ran bru tre tre kugon ritu vi ri nkon ran.9Ri nyi tsro ri ye zizan ison vri ri vi tangban ritu wa nji Izhi-a he ri.10Wawa wa gra ri ye zizan ison vri ri vi tangban ritu wa nji Izhi-a he ri.11Ritu ngamba no ta ki senkpa kiri gra ri son vri nyi. No njo no ran hon fe gra bibi wawa wa ka kpanyɨme ran.
12Kpunji itre Izhi he ri sii a he ri sen kpa ti ndu isenkpa wan han njingban riwa a he ri nyiri nghɨma hari. Ari tsen gra rimi kpa nji ran ga Yuu imba vri nga wa gbre ri raan tu Hari ari to irimiren riwa a he rimi sron.13Ikyari ran he rimi kya riwa Izhi ti riwa a he ri ri-ri ri wu ran; ko ngye he ri huo ri kusi Izhi nga kusi gbengbren wan. Wawu nye ki bla kya riwa ki ti sro kusi wan.
14To, riwa ki he ri nchon rinkon nji ri ndu Izhi ari miyen Yeso ivren Izhi riwa a hi ri shu kusi Izhi no ta ki ngiji kpa nyɨme mbu mgbemgben bran.15Nchon rinkon nji ri ndu Izhi mbu nyi a ran he njo riwa a hon to ku nyiren mbu ran onhon wawu he nji riwa wa tsra-u ri ko nkon ritan riwa wa ye wa ka tsra ta ama a ran ti meme ti ran.16Ritu nganyi no ta ki vu sron ki ri ye kusan kpanchi son Izhi wato bubu ndindi ti ritu ki ri kpa dzon ki ri fe ndindi ti riwa ari dzon ta ri vi riwa ki wa.

The Word for the World International

https://app.library.bible/content/d40cc04c3b0dc53a