HEB - BUU3
1Ritu nganyi imiri vayi won wa tsitsri biyi wawa Yeso yo yi ri shu-a ngawen! Taka ritu Yeso riwa wawu he nji riwa wa ti-u ndu rinkon wa ndu Izhi riwa ki tre ritu wan.2A kpanyime ri riwa a chu wu bibi riwa Musa a kpa nyime ri ndu wan rimi wa nji riwa Izhi.3Inji riwa a mme ko a bi ya han ko-a, ngamba nye Yeso he riwa wa no gbre han Musa.4Ritu, ko ko ritan he ri nji riwa a mee, ama a he Izhi nye mee ko ngye.5Musa a kpa nyime ri ndu wan riwa gran rimi wa nji riwa Izhi nga ran ti shada ritu kyawa riwa wa la kusi.6Ama Kristo a kpa nyime ritu wawu he vreri wa wa no gbengbren ritu wa nji riwa Izhi kita nga kita nye ki he wa nji wan inde ki kii rimi vu sron kiri ri yo sron rimi kya riwa ki yo sron riwa.7Ritu ngamba, bibi riwa Iyu Izhi a tre,<<Ruwa inde wu wo raan Izhi,8ran ti mgbimgbi sron riwa bi ri ka wo tre bibi riwa wa titimbichachu riwa wa tsra wen ri ji ran.9Izhi a tre ri,<<Ri muu nye wati wa ti mbi wa tsra wen koo riwa wato wandu riwa me ti ise senza.10Wawu nye a no wen me ti fu ri wanzan mu me ri tre ri,<Bla vi wa kamba ri me ri sron mba wa ran to wa nkon won ran>11Imba me ti fu meri shizhi ri, <Wa ran gra ri bubu son vri won ran!>>>12Imiri vayi won ti bi ri to ri no ri rimi mbi riwa meme ti nga ika kpa nyɨme rimi sron wan no noo kɨma gon ti Izhi riwa ari vri ran.13Ama ran no ngambi tre ri de senkpa ti ndu ri ko vi ritan riwa itre Izhi tre ri,<<Luwa,>> Ritu no ri mbi no ran ti mgbimgbi sron ritu gru ri meme ti.14Kita wawa ki kabru tu ri Kristo nye inde ikpa nyɨme mbu he mgbemgben ri mimɨlan hi ri kre wan.15Bibi riwa Imbe Izhi tre:<<Ruwa inde bi wo raan Izhi,ran ti mgbimgbi sron bibi riwa wa Ti watimbi wa heriwa wa wanyu ri Izhi-a ran.>>16Wa ngan nye wa wo raan Izhi wa ri kamba ti mgbimgbi ri wu? Ama wawa nye wa he wanji wawa Musa a no nji wa zhu ri meme Masara17Wa ngan nye wawa Izhi ti fu ri wa hari tse se-nza? Aran ti fu ri wawa wa ti meme ti, riwa a no wa wa kuu ri mi ji.18Wa ngan nye Izhi shizhi ri tu mba iri wana gra rimi son vri wan ran? A he wawa wa ka wo tre wan nye.19Ritu nganyi ki to ri ika kpa nyɨme nye no wa ran to gra ri sonvri nyi ran.
The Word for the World International