Mark4
1yeδwel xlaf yuseqri f eccafeθ niylel, emlaymen felles leεbaδ egget, yali yeqqiym g elfluwkeθ g iylel uleεbaδ elkul f ecceT.2yesseqraθen elberceθ δelHajaθ s lemθal. yennasen g useqriys:3«esseγδeθ! yesreH eryaz bac e yezreε.4unette izerreε tuĎe lewse nezzerriyεeθ f eccafeθ nwebriδ, ečentent izenniywen.5lewse uDaneθ f elqeεεeθ δisli eddiyc egget ecal, nebbeθneθ liyhliyh εlexaTer eceles elyeγriyqc.6umax i θeqqeS tefuwθ yeHreq, uεlexaTer eddiyc leεruwq yeqquwr.7ellaneθ lewse uDaneθ g eccuwk, yali eccuwk yexneqθent welliriwnec.8ulewse uDaneθ f elqeεεeθ tebhe, nebbeθneθ ekberneθ egeneθ tisbal nbuwtleθiyn dbuwsettiyn dbuwmiyye.»9yen yesuwε: «elli γer-s timedjiyn selneθ eyesseγδ!»10max i yeδwel weHδes, encδent elli iyδes dimersal leθnac f elmeεne nelmθel,11yennasen: «yxenyum yemmucawem essan nesser nelmemlxeθ nrebbi, emme iberreniyyen sellen kul cey s lemθal,12bac e reqben welzerrenc, eslen welfehmenc, bac e ttabenc emmeγfren leδnubensen.»13usiyn yenne yetlemδas: «eltefhiymemc elmθele? max δeθefehmem emmale lemθal iddiyn elkul?14eryaz izerreε tuθleyθ,15wellan leεbaδ emezzerriyεeθ elli tweTTe f eccafeθ nwebriδ, max eslen edwi esenyeddes ibliys liyhliyh yeksasen edwi elli yemmezreε δiysen.16wellan leεbaδ emezzerriyεeθ g isli, max eslen edwi eθeqblen unihnin ferHeniyn,17emme elθebθenc f elHal εlexaTerhum ezzerriyεeθ eddiyc leεruwq, γiyr emmeγSren f elxaĎer nedwidiyn eδuwlen f elles.18wellan leεbaδ emezzerriyεeθ g eccuwk, eslen edwi,19emme lehmuwm neddunyeθ dwexse nlefluws decciyxaθ tiddiynni eyaδef g ulewnensen yexneq edwi welyθeruwc.20emme ellan leεbaδ emezzerriyεeθ g elqeεεeθ tebhe, eslen edwi eqblent arwen: elli tleθiyn, welli settiyn, welli miyye.»21yennasen: «endre eyeddeγ iyjen elgaz bac e θiHuT seddu elkiyleθ ziyγ seddu esriyr? maw δeθiHuT g wemxan yeεle.22kul cey yemmeHrez δeyban welli yemmejHeδ δeyemmessen.23elli γer-s timedjiyn selneθ eyesseγδ!»24yennasen: «erreθ elbelennum yelli δetteslem! s elkiyleθ elli etkeylem essis δexenyemkeyyel wexθer zade,25εlexaTer elli γer-s Haje, δesyemmerni. welγres Hette cey, Hette δlewse elli γer-s δesyemmekkes.»26yen: «elmemlxeθ nrebbi čebbeh eryaz izerreε g ujimiys.27eyenεes δeggiyδ yekker dugges, wimendi yetteffeγ wikebber, yemenni nette elyessiync max.28elqeεεeθ seg imenes eθessuwfeγ elqsil qebl, usiyn ettisbal, usiyn δiyrδen elli δeεebben tisbal.29max eĎaben iyrδen, eyawi emjeres εlexaTer θemiyre tebδe.»30yen: «sme δencebbeh elmemlxeθ nrebbi wesmanten elmθel δeθenmeθθel?31nette emelHebbeθ nelxerdel, max ettezrεeδ eSγer Haje g ezzerriyεeθ nelqeεεeθ,32yemenni max eθnebbeθ eθali teδwel ekber Haje δiysneθ, tezzel εuddi menyeθ δleεraf, esδen izenniywen nesme εececen g eTTelles.»33w ykan yesuwε yetxeθθer seg lemθal bac e yseqre leεbaδ edwi nrebbi s elli etgedden f ehment.34weseniHekki kan s lemθal, umax eyebδe nette detlemδas weHδasen ennifehhem kul cey.35esses max i θedduwse tisemsiyn, yenneyasen yetlemδas: «heyyeθ, eneqDeε yetwali ecceT elli yqeblane.»36edjen leεbaδ exeDmen dyesuwε g elfluwkeθ elli ykan δiys, ukanneθ ellaneθ iyδes elflayek xlaf.37yekker aDu yeqwe egget yebδe elmuwj yettewweθ g elfluwkeθ εuddi δettiεebbe.38yesuwε ykan yenεes s δeffer wixfes f elmxeddeθ. sikrent ennanes: «eyimuεellem, mayhemmekc elli δenjaf?»39yekker yenzer f waDu yennes yiylel: «erkeH! eqqiym rayeD!» yenεes aDu tehδe eddunyeθ.40yen yesuwε yetlemδas: «ecbiykum ettekkaδem? eltuciym ettemnemc?»41emme nihnin kanen merεubiyn egget, ennen ibeεDhum: «δ wiyn wahen? Hette δaDu diylel sellen g edwiys!»
Chutney Media Agency Limited