Mark3
1yeδwel yesuwε yelmejmeε, yaf diyn eryaz efuses yeqquwr.2ebδen leεbaδ elli diyn etεusnas kan δeθysebre g essebθ δeθettehmen.3yennes yweryaz elli efuses yeqquwr: «bed uggemmes!»4yennasen: «mat iθenne ecceriyεeθ? as nessebθ eneg elxiyr ziyγ δeccer? enmenneε ennefs ziyγ etnehlex?» yemenni esegren.5yerqbasen δimeθγeccec Hziyn seg elqSaHeθ nulewnensen, yennes yweryazdiyn: «ezzel efusex!» yezzelt yebre emwissen.6efγen ifarisiyyen θfahmen nihnin delHezb nhiyruwdus max δenγen yesuwε.7yexDem nette detlemδas yiylel neljliyl, eθbεent leεbaδ egget seg eljliyl dyehuwdiyye,8duwrceliym decciyreθ neduwmiyye decciyreθ elli δeffer esuwf nelurdun delmdiyneθ nSuwr dSeyda. iyhen elkulhum sliyn s elli yegi yesuwε elkul, eseδnes.9yennasen yetlemδas esHeDren elfluwkeθ bac e ttemleyimenc felles,10εlexaTer ysebre leεbaδ egget, ebδen imuwDan elkul exsen eθlemsen.11welli kanen δiysen lerwaH timenzas sjeδen max i θezriyn zeεwgen: «cex dmemmis nrebbi!»12yenzer fellasen bac e θfeDHenc ezzaθ nleεbaδ.13yali yeddehreθ inabe elli yexsiyn eseδnes.14yexθar eθnac essisen bac e qqiymen iyδes yezenten δimubecren,15uγer-sen elquwweθ egelben essis ecyaĎen.16weθnac elli yexθarin nihnin: semεan ysemmaθ buTrus,17dyeεquwb dyuwHenna idrari nzebedi ysuliyasen tεuyyerθ buwanerjes, meεnahe idrari nidje,18dendrawus dfiylibbus dberθuwluwmawus dmetta dtuwma dyeεquwb memmis nHelfe etteddawus dsemεan elli yettenγar f temurθes19dyehuwδa esxeryuwTi elli yzenzi.20usiyn yexDem yelHuces. emlaymen felles leεbaδ xlaf egget yeδwel eligeddec eyeč nette detlemδas.21eslen essis midnes, emerqen bac e θewyen εlexaTer leεbaδ ennen: «yehbel!»22wimuεelmen necceriyεeθ elli eggezen seg uwrceliym ennen: «yeεmerθ beεlzbuwl, usumeqqar necyaĎen yetgelleb g ecyaĎen.»23heδake εlac inebaθen yuθleyasen s lemθal: «max i bliys eyged eygelleb ibliys?24elmemlxeθ iδekan eθemzuwn etqimiyc,25welHuwc iδekan eyemzuwn yetqimiyc.26wibliys iδekan eyenneqleb f imenes eyemzuwn, eyexDem welyetqimiyc.27eliged Hed eyehjem elHuwc nweryaz yeqwe yfukkes egliys kan max eykettef eryaze elli yeqwe qebl usiyn esyekkes elHuces.28tay δexennenne elHeq: rebbi yetsameH elεebδ f elli eθyeg elkul Hette max eyekfer.29emme elli eyeγleĎ derruwH nelqudus, eθyetsemiyHc rebbi belkul.»30usahen yerre f elli ennan: «yemmeεmer s erruwH temenzuwsθ!»31elweqθes teseδ yemmes demmeθnes, eqqiymen elberre eznen etnaben δiys.32ukanen leεbaδ egget g eεmzen iyδes, ennanes: «yemmex demmeθnex temmeθinex etrajen δiyx elberre.»33yer fellasen: «δ wiyn netteθ yemme weδwiyn emmeθniyw?»34yerqeb yihelli g eεmzen iyδes yen: «enzi, δiyhen yemme demmeθniyw!35εlexaTer elli eyexδem s elquδreθ nrebbi δenje weδweltme weδyemme.»
Chutney Media Agency Limited