Mark11
1max i Tullen f uwrceliym ewDen ibiytfaji dbiytεenya, g eddehreθ nuzemmuwr, yuzen yesuwε sen seg etlemδas.2yennasen: «berreθ ytemuwreθ elli ezzeθennum, umax etteδfem δeθefem ejjeHc yemmeqqen elyiyni felles Hette Hed, miremt teγδemt.3umax exenyenceδ Hed: <imette ittegem g wahen, enmes yeseθHeqqi rebbi, ture eθner liyhliyh.>»4exeDmen sennadiyn efen ejjeHc yemmeqqen g elbab f webriδ, mirent.5encδenten elli kanen diyn: «ecbiykum etmarem g ejjeHc?»6ennenasen emmax i nniweSSe yesuwε, edjenten.7ewyen ejjeHc y yesuwε, HuTTen edbecensen felles yini.8w egget leεbaδ essewen edbecensen f ebriδ, w lebHaD ettireĎwiyn ebyenten seg ijiyman.9w kanen elli egguwren ezzaθ nyesuwε welli θebεen δiys etzeεwgen: «uSenna ! eyembarex elli yeseδ s ellesm nrebbi!10eθembarex elmemlxeθ elli δeθeddes, elmemlxeθ ndaddeθne dawud! uSenna g elεlaliy!»11yaδef yesuwε uwrceliym elmi yiweD yelheykel, yerqeb kul cey δiys. w ykan meεεač bekri, yeffeγ ibiytεenya nette detlemδas leθnac.12umax i fγen elweječe seg biytεenya yHus s elez.13yezer seg lebεiyδ temečiyθ δiys tifray, yexDmes balek ayef δiys Haje. max i tyiweD elyuwfi δiys kan ettifray, εlexaTer elyuwc muc δelweqθ nimečan.14yennes: «meεεač eyeč Hette Hed imečan essim.» eslen etlemδas elli yenni.15ewDen yuwrceliym, yaδef yelheykel yebδe yetgelleb g elli ezzenzen wessaγen diyn. yeqleb etwawel nelli etbedlen g lefluws delkrasi nelli ezzenzen g iδbiyren,16welyedjiyc elli qamen esselεeθ θεedden yelheykel.17yebδe yetseqre δiysen: «elyemmeriyc: <elHuciyw δelHuwc netzalliθ yleεbaδ elkul?> yemenni xenyum terriymt δedduγreθ nixennaben.»18eslen erruwyyes nelkuhhan dimuεelmen necceriyεeθ edwiye, emcawren max δeθenγen, ukanen ettekkaδen essis εlexaTer leεbaδ elkul yeεjebθen eseqriys.19g tisemsiyn efγen seg θemuwreθ.20max i θεedden esyiyn g talji, zriyn temečiyθ teqquwr seg leεruwqes.21yesfekker buTrus edwi nyesuwε yennes: «erqeb, ya siydiy! temečiyθ elli telεnetteθ teqquwr.»22yennasen yesuwε: «emneθ s rebbi.23exennenne elHeq, elli esyen yeddehreθe, <ekker temmeĎrHeδ g iylel.> unette g ules yečukkec uyettemmen elli yeqqar δiys δeySar, eyeδwel siyn ynette.24utay δexennenne: elli etteDelbem g eθzalliθennum, emneθ elli tiwyemt uture eyeδwel yxenyum.25umax eθekrem yeθzalliθ samHeθ elli γerwem felles Haje, bac e xenysameH daddeθwem elli lennej zade g elli θegiymt.26[wiδekan etsamiHemc beεDkum, exenyetsemiyHc daddeθwem elli lennej g elli θegiymt.»] 27eδwlen yuwrceliym. unette yegguwr g elheykel useδnes erruwyyes nelkuhhan dimuεelmen necceriyεeθ delmcayex ntemuwreθ.28ennanes: «δmette elquwweθ elli ettegeδ essis wahen elkul? weδwiyn ixtyuwce?»29yer fellasen yesuwε: «uneč δexennencδe f elHajeθ icθ, terrem felle usiyn δexennenne f elquwweθ elli ettege essis wahen elkul.30yuwHenna, δ wiyn isyuwce elquwweθ netmeεmuwdiyyeθ? s γer rebbi ziyγ s γer leεbaδ? jewebmiy!»31cewren beεDhum ennen: «kan nenne s γer rebbi, δexenyen <ecbiykum eltemminemc essis?>32enen ziyγ s γer leεbaδ?» emme kanen ettekkaδen seg leεbaδ, εlexaTer leεbaδ elkul kanen muqtenεiyn s elli yuwHenna δenbi belHeq.33erren f yesuwε: «ennessiync!» yennasen yesuwε: «uneč exenneqqerac δ menten elquwweθ elli ettege essis wahen elkul.»
Chutney Media Agency Limited