Luke22
1yeqreb elεiyδ nelfĎiyr elli yemmessen s elfeSH.2wimeqqaren nelkuhhan dimufesren necceriyεeθ elluciyn etHewmen max δenγen yesuwε g esser, εlexaTer ettekkaδen seg leεbaδ.3elweqθes yaδef ibliys g yehuwδa elli yemmessen s esxeryuwTiy, unette g elεded netlamδe eθnac.4yexDem yeHke dimeqqaren nelkuhhan dimeshal niεessasen neljiyc max δeyeγδer yesuwε.5eferHen uεδent elli δesuwcen lefluws.6yeqbel, yebδe yetraje lemmi δeθyeγδer lebεiyδ f leεbaδ.7yuseδ as nelfĎiyr elli yelzem emmeγrsen δiys iεellec nelfeSH.8yezen yesuwε buTrus dyuwHenna yennasen: «berreθ eθHeDDermane elfeSH bac e neč.»9ennanes: «meni iθexseδ enHeDDer?»10yennasen: «max eθeδfem θemuwreθ, exenyeεreD elεebδ yqam teqliylt nwamen. eθebεemt yelHuwc elli δeθyaδef,11tennem yiθbab nelHuwc, <yennayex imuεellem mani tezeqqe nleDyuwf elli δeče δiys elfeSH neč detlemδaw?>12δexenyesxen tγuwrfet ettemeqqarθ temmessu, HeDreθ diyn.»13exeDmen afen kul cey emmax i senyenne, HeDren elfeSH.14umax i yedduwse elweqθ, yettekke f eTTawleθ wimersal leθnac iyδes.15yennasen: «ecθhiyγ egget eče iyδwem elfeSHe wahen qebl eθwejεe.16εlexaTer exennenne: eltettac essis elδeyekmel g elmelx nrebbi.»17elweqθes yqam elkas yecxer, yen: «eTfeθ zuwnemt f beεDkum,18εlexaTer exennenne elsessac seg ecrabe elδeθeddes elmemlxeθ nrebbi.»19yerni yqam eγrum, umax i yecxer ykesserθ yezlesent, yennasen: «tay wahen elbeδniyw elli yemmucawem, egeθ sahen diyme bac e yθesfekrem.»20ukiyfkiyf elkas beεεeδ emensi, yen: «elkase δ elmiθaq δejδiyδ mabinatne s iδemniyw elli δemwezεen f elxeĎrennum.21emme elli δeyyezzenz efuses tayeθ iyδi f eTTawleθ.22bnaδem δeyexDem emmax i syemqerrer, emme yeHliyle elεebδ elli δeθyezzenz.»23ebδen necδen g beεDhum δ wiyn essisen δeyeg wediyn.24emεanden zade δ wiyn δeyemmeHseb emeqqerensen.25yennasen: «lemluwk nleεbaδ Hekmen δiysen, welli γersen elquδreθ ettemsemman imuHsnen.26emme xenyum muc kiyfkiyf, edjeθ emeqqerennum emumezyenennum, welli yetsiyyer emuxeddam.27δ wiyn ekber: elli yettettekke ziyγ δelli yxeddem? muc δelli yettettekke? emme neč uggemmesennum emelli yxeddem.28δxenyum elli θbeddem iyδi g elmHeyniyw.29uneč δexennuwce, emmax i yuwce dadde, elmemlxeθ,30bac e θečem teswem f elmittiyw g elmelxiyw, uδeθeqqiymem f elkrasi eθHekmem lesbuwT nisraYiyl leθnac.31semεan, semεan! tay ibliys yeĎleb bac e xenyγerbel emiyrδen,32emme ezzalle f elxeĎrex bac liweTTiyc elimenex. ucex max eθerjεeδ bed demmeθnex.»33yennes: «ya siydiy, neč HaDer bac e xeDme iyδex yelHebs dujafi.»34yen yesuwε: «buTrus, exenne, qebl eyedden eyaziyĎ asse, δeyθenkreδ tlaθe merraθ.»35yennasen: «max i xennuzne menγiyr teSriyrθ nlefluws ula δisiyres ula δeSSendal, tesθHeqqem Haje?» erren felles: «Hette cey.»36yennasen: «uture elli γers lefluws enyawi, kiyfkiyf elli γers isiyres. welli leγrec essiyf, edj eyezzenz edbeces yeseγ essiyf.37εlexaTer exennenne: elli yemmari yelzem eySar felle, <uyemmeHseb seg imujrmen.> welli yemmari felle eyeddes elweqθ ySar.»38ennen: «ya siydiy, tay sen δlesyuwf dahen.» yennasen: «yezzi!»39yeffeγ yexDem emelεaδeθ yeddehreθ nuzemmuwr, eθbεent etlemδas zade.40max i yiweD ywemxan yenneyasen: «ezzalleθ bac e xentjerbenc.»41yebεeδ fellasen eHδaf netγaγet, yerkeε yetzalle.42yen: «edda, kan texseδ beεεeδ felle elkase nelεδab, muc emmax i xse neč emme emmax i θexseδ cex.»43yeffeγes elmlax seg esme yetqewwe δiys.44unette ykan δimeθδayeq yebδe yetzalle eSbiyH, elδeθeδwel tiδiys emiδammen etqeTTer f elqeεεeθ.45usiyn yekker seg eθzalliθ yeseδ yetlemδas yafin enεesen seg elHzen.46yennasen: «imette iθenεsem? ekreθ tezzallem bac e tteδfemc g ettejrbeθ.»47unette elyuwc iδukke, eseδnes eljmaεeθ ezzeθensen wediyn elli yemsemme yehuwδa, unette δiyjen seg etlamδe eθnac. yeqreb yyesuwε bac e θikub.48yennes yesuwε: «yehuwδa, tγedreδ g ebnaδem s ukubbi?»49elli iyδes max i zriyn elli yetSar encδent: «ya siydiy, enuwweθ s essiyf?»50yewweθ iyjen essisen exeddam nerrayes nelkuhhan yquS θemedjiyθ nelimiyn.51yemenni yer yesuwε: «meεεač eθerniyyem!» ilemses θemedjiθes tebre.52usiyn yenne yesuwε yimeqqaren nelkuhhan dimeshal niεessasen nelHuwc nelqudus diwessaren, elli effeγen felles: «endre teffeγem f uxennab, s lesyuwfe etγeryiyne?53max ykane iyδwem kul yuwm g elHuwc nelqudus, eltezzilemc ifesnennum felle. emme essaεeθe yxenyum, welHkum yeθsellesθ ture.»54emmale eTfent ewyent yelHuwc numeqqar nelkuhhan. yeθbeεθ buTrus seg lebεiyδ.55max i ceεlen elεafyeθ uggemmes nelHuwc enden felles, yeqqiym buTrus iyδsen.56tezri texeddamt ygeεmez yetwali elεafyeθ, tθebbeθ δiys ten: «eryaze zade ykan iyδes.»57yemenni yenker, yen: «eθessinac etemeTTuwθ.»58beεεeδ lewse yezri iyjen xlaf yen: «cex iyδsen zade.» yemenni yen buTrus: «la, eyelεebδ.»59ubeεεeδ εuddi essaεeθ yerni iyjen xlaf iyekkeδ yen: «mbelHeq, wahen zade ykan iyδes, Hette ennette δeljliyliy.»60yemenni yen buTrus: «eyelεebδ, ellessinac f mette iθHekkiδ!» unette elyuwc iδukke yedden eyaziyĎ.61yebren seyyedne yerqeb buTrus, yesfekker buTrus edwi nsiydiy max i syenne: «qebl eyedden eyaziyĎ asse, δeyθenkreδ tlaθe merraθ.»62yeffeγ buTrus elberre iεeyyeĎ eSbiyH.63wiryazen elli kanen etεussen f yesuwε, ebδen δeSSen felles wettewθen δiys.64esirDen uδmes encδent: «essuwli δ wiyn ixyewweθ?»65usubbent essebbaθ egget.66max i yuwli dugges, emlaymen elmcayex necceεb dimeqqaren nelkuhhan dimufesren necceriyεeθ, ewyent yelmejlsensen.67ennen: «iδekan δcex elmesiyH ennane.» yer fellasen: «max exennenne eyetSedqemc,68umax exennencδe etterriymc felle.69emme seg ture bnaδem δeygeεmez f elymiyn nelquwδreθ nrebbi.»70encδent elkulhum: «cex δmemmis nrebbi?» yer fellasen: «δxenyum tenniym, enneč.»71ennen: «meεεač δeneseθHeq Hette echaδeθ! elkulne neslit seg imiys.»
Chutney Media Agency Limited