Jas1
1sγiyr yeεquwb, exeddam nrebbi derreb yesuwε elmesiyH, yelεcayer leθnac nebni sraYiyl imeθferqen g eddunyeθ: selam.2emmeθniyw efrHeθ belgde max eθeθεeddam f elmHayen egget,3εlexaTer θessenem elli ejerreb nelimenennum yθaγeδ eSSebr.4edjeθ eSSebr eykemmel lxeδmtes bac e θeδwlem tekmelem g kul cey umuc δennuqqaS g Hette cey.5iδekan yelle iyjen essiywem dennaqeS g elHekmeθ, edj etyeĎleb seg rebbi elli yettuwc egget yleεbaδ elkul menγiyr elluwm, uture esetyuc.6emme yelzem max etyeĎleb eyemmen welyečukkec, εlexaTer elli yečuk icebbeh yelmuwj niylel max eyenfex felles aDu iheyyejθ.7welli yečuk eyexDemc g elbeles elli δesyeweδ Haje sγiyr rebbi,8εlexaTer elγrec erray iyjen weligeddec eyexθar elHajeθ icθ.9wedj enje eqelliyl eyeθfuxer s wemxenes eεellay,10wemuγni s wemxenes uggedday, εlexaTre δyeqquwr emennewwar nelHec.11max eθeqqes tefuwθ s esxentes eθesquwr elHec, ennewweres eyuwDe, webhas eyexDem. usahen δeyexDem emuγni unette yelhe g elxeδmtes.12SeHHe liyh elli eyeSber f elmeHneθ, εlexaTer max eyeθεedde f elmeHneθ δeyawi ettaj nweddar elli rebbi yuεeδ essis ihelli exsent.13max eθeθεedde lmeHneθ f iyjen essiywem, mayelzemc eyen: «rebbi yetjerreb δiyye.» εlexaTer rebbi yettemjerribc s eccer unette biyδe lyetjerreb Hette Hed,14emme elεebδ yettemjerreb max eyemmexδeε s eTmeε yeθbeεθ.15weTmeε yθaru elγeldeθ, welγeldeθ eθekbar eθaru ejafi.16erreθ elbalennum eθemmexδεem, emmeθniyw elli exesγawem egget.17kul elhδiyyeθ tebhe wettelkamelt etteggez s lennej, sγiyr dadde entifawiyn elli elyettembeddilc welyettegc eTTel δimeθγeyyer εlexaTer elyettenneDc.18yirwane s tuθleyθ nelHeq, elγeyθes eneδwel delγelleθ temezwarθ nelli yexleq elkul.19esneθ wahen, emmeθniyw elli exsγawem egget, edj kul iyjen essiywem eyesl liyhliyh, eyuθlay s qiqqi, yetteθγecciycec liyhliyh,20εlexaTer elγuc nelεebδ lixeddemc g elHeq nrebbi.21usahen, lewHeθ enjaseθ delbqiyyeθ neccer, teqblem s elferHeθ tuθleyθ elli θemmezzu δiywem welli eθged eθmenneε lerweHennum.22emme eθexδεemc imenennum teslem kan ettuθleyθ, egeθ elli θeqqar δiys.23εlexaTer elli eyesl tuθleyθ welyettegc elli θeqqar δiys eyeδwel icebbeh yelli ireqqeb yuδmes g temreyθ,24beεεeδ eyerqeb imenes, eyexDem yettu liyhliyh max i ykan.25welli ireqqeb g ecceriyεeθ telkamelt, ecceriyεeθ nelHurriyyeθ, yeθbeθ felles, muc eyesl yettu emme eyexδem essis, rebbi δesibarex g elli yetteg δiys elkul.26welli yetεilak imenes δimeddiyyen welyetteTTefc ilses, yxeddeε g imenes weddiyynes δ elbaTel.27eddiyyen eTTaher eSSafi γer rebbi nette δwahen: eTulli f iytiymen ettidjaliyn g eddiqensen, dwerre nelbal seg elwsex neddunyeθ.
Chutney Media Agency Limited