1 Thes5
1ey ewmaθen, xenyum ettesθHeqqemc exennerye ettarix d elmwaεiδ n ellumuwre.2w xenyum tessenem belgde elli as n erreb edyes emmax i θaseδ essareq g δeggiyδ.3w max ennen leεbaδ kul ciy g leman w lebas ehelxen εle γefle, emmax elwjayeε eθγafel temeTTuθ elli δ θaru, w etgeddenc eruwlen.4emme xenyum ey ewmaθen, mekumc g tsellesθ. emmale asdiyn exenyetγefilc m essareq.5xenyum elkul iθbab n tefuwθ d iθbab n dugges, nečin menac δ iθbab n δeggiyδ d tsellesθ.6heδake εlac yelzem enneεεesc emmax i θegen iddiyn, emme enesher neTTef imenenne.7εlexaTer g δeggiyδ eneεsen elli neεsen, w g δeggiyδ zade esxren elli sexren.8emme nečin iθbab n dugges w yelzem eneTTef imenenne, usinc eniyreD eliman d exse m edderε bac e neHme eSSeδrenne, w eθmenni m elkeskeθ bac e nmenneε ixfenne.9εlexaTer erreb yexθerane muc bac e nqaSe elγucces, emme bac e nemneε s seyyedne yesuwε elmesiyH.10w elmesiyH yemmuwθ f elxeDrenne bac e nedder iyδes, siwe nkan nedder welle nemmuwθ g elweqθ n eseδes.11emmale cejεeθ beεDkum, tqewwam beεDkum emmax i ttegem ture,12w eneĎleb essiywem ey ewmaθen, eθeHθermem elli xedmen egget jerawem, w elli nihnin δ elquyyeδ w δ imuεelmen y xenyum g leHyeθewwem g elmesiyH.13eHθermemten egget texsemten f elxaĎer n elxeδmeθ elli tegen δiys. edreθ jmiyε g eslam.14w eneĎleb essiywem ey ewmaθen: nebheθ f ibuxliyyen, cejεeθ imeθqelqen, εewneθ idεiyfen, eSbreθ elkul f beεDkum.15eθegemc eccer y eccer, emme diyme egeθ elxiyr y beεĎkum d leεbaδ elkul.16efrHeθ diyme,17ezzelleθ diyme,18eHmdeθ erreb f kul ciy, εlexaTer wah elli yexsi essiywem erreb m imumnen s elmesiyH yesuwε.19eθsensemc elεefyeθ n erruwH,20eθeHqremc ennubuwweθ.21belεeks jerbeθ kul ciy teTfem g elli xiyr,22tebεδem f eccer s lenweεes elkul.23w eĎelbe seg erreb neslam exenyedje y nette g kul ciy, usinc exenyeHfeD bkulkum belgde, erruH d ennefs d elbδen blac elεiyb al asaδ n seyyedne yesuwε elmesiyH.24elli ynebeyawem θiyqeθ bac ayeg elweεδes.25ey ewmaθen ezzelleθ f elxeĎrenne.26selmeθ f ewmaθen elkul s uwl δ eTTaher.27exeweSSiyγ ezzaθ n elmesiyH, eθeqram eljwabe y ewmaθen elkul.28eθmenniyγ enneεmeθ n seyyedne yesuwε elmesiyH eθkun iδwem.
Chutney Media Agency Limited