Gen34
1as iyjen, teffeγ diyna yelliys n yeεquwb seg leyye bac e θerqeb elwacun n elqeεεetdiyn,2yezriθ ckiym memmis n Hamuwr elHiwiy, elHakem n temuwretdiyn, yewit yesθefεel essis, ywessext.3yeδwel yexsiθ uyebhe iyδes.4yen y daddes Hamuwr: «eγiyδ tefruwxθe.»5yesl essis yeεquwb elli nette iwessex yelliys, yemenni yesger elδeddasen idreriys elli kanen serHen g esεi g ujiymi.6yeffeγ Hamuwr daddes n eckiym bac e yuθley y yeεquwb.7idrari n yeεquwb kanen mrewHiyn seg ijiyman y axi sliyn s elli ySar. eθγececen egget εlexaTer ckiym yege elHajeθ tuwHec egget g israYiyl y weltmensen, elHajeθ mayelzemc etemmeg.8yennasen Hamuwr: «memmi ckiym yexs yelliθwem, egeθ elmziyyeθ ucmast,9nesebmane, enaγ tifrexennum taγem tifrexenne,10teεmrem iyδne. tay elqeεεeθ ezzeθennum eεmreθ ettajrem temlxem δiys.»11yen ckiym y daddes n diyna demmeθnes: «eqebleθ essi welli etteDelbem exenyθuwce,12ecerĎeθ felle emmax i θexsem γiyr ucmiyδ yelliθwem.»13erren idrari n yeεquwb f eckiym ddaddes Hamuwr bexbaθe εlexaTer ckiym iwessex weltmansen diyna.14ennasen: «engeddec enuc weltmaθne y weryaz muc δimdehher, δ elεar γenne,15enqebbel kan eθeδewlem emnečin, eθĎehrem leδxurennum elkul,16usahen exennuc tifrexenne nawi tifrexennum neεmer iyδwem neδwel ecceεb iyjen.17yemenni iδekan eltesliymc edwinne eθĎehrem enawi yelliθne nexDem.»18yeεjeb edwiynsen Hamuwr dmemmis ckiym.19yeg elli eDelbent liyhliyh εlexaTer ykan yexs egget yelliys n yeεquwb, w ykan exθer waHed δemqedder seg elεiltes.20max i δuwδfen Hamuwr dmemmis ckiym elbab n temurθensen ennen ymidnensen:21«leεbaδe δeSSuHHabenne, edj eεemren g elqeεεeθe, exeδmen δiys, elqeεεeθ tuseε egget Hette y nihnin. edj enaγ tifrexensen neγasen tifrexenne.22emme etwefaqen bac e εemren iyδne neδwel ecceεb iyjen kan max eyemĎehher kul edxer essiyne emnihnin.23usahen esεiynsen delli γersen elkul eyeδwel δegliynne, γiyr eneqbel nečin eεemren iyδne.»24eslen leεbaδ n temuwreθ elkul edwi n Hamuwr dmemmis ckiym, Ďehren leδxurensen elkul.25beεεeδ tlaθe eyyam, elweqθelli kanen elkulhum etteθwejjaεen, qamen emmaθen n diyna lessen, cemεuwn dlawiy, lesyufensen eδfen y temuwreθ s tiT ettuSHiyHθ enγen leδxuwr elkul,26enγen Hamuwr dmemmis ckiym, ewyen diyna seg elHuwc n eckiym efγen.27usiyn uδefen idrari n yeεquwb f inemmitte ewyen elli g temuwreθ elkul enteqmen y uwessex n weltmansen,28ewinasen esεiynsen difunesnensen diγyelensen delli g temuwreθ dijiyman elkul.29ewinasen leflusensen elkul delwacunensen didreriynsen elkul delli γersen g leHwecensen elkul.30yen yeεquwb y cemεuwn dlawiy: «tuγeδmiyδ elmcakel, ture ikenεaniyyen diferziyyen dleεbaδ n elqeεεeθ elkul δexennekrhen. γeri δruws iryazen lukan emlaymen ehjmen felle, elεiltiyw elkul etemmehlex.»31erren felles: «texset eyεamel weltmaθne emtezzaniθ?»
Chutney Media Agency Limited