1 Cor16
1emme elemmeδ n eθberreε y imumnen, egeθ emmax i weSSiγ eljmeεεaθ n imumnen g γelaTiyye.2kul iyjen essiywem e ylemmeδ elli eyeqδer fellas, kul as emezwar g elimeθ, w elyetkunc elmmeδ as n eseδiyw tweliwwem.3w as elli eddase, δ azne elhδeyewwem y urceliym d elli ettexθarem xenyum, usinc esennuce eljwab n elwSeyeθiyw.4w iδekan xiyr esefre neč usinc e sefren iyδi.5w δ exenneddase beεεeδ elli eθεeddiγ f meqduwnye, εlexaTer δ eθεeddiγ fellas.6balek e qqiyme γerwem liyyameθ w yumken e εeddiγ tejresθ elkul, bac e yeθεewnem g esefriyw meni emerqe.7w ture neč elγisexc exennezre liyyameθ ettukSeyrin, emme exse e qqime iδwem elmuddeθ δ tiTwilt b qudret rebbi.8emme ture δ erajiγ g efesus elelεiyδ n elxemsiyn,9εlexaTer erreb ymiriδ δiys elbab δ emeqqar y neč y elxeδmeθ blac etεeb, reγm elli leεδe egget.10iδekan yuseδ tiymuwθawus tweliwwem, efrHeθ essis, εlexaTer yxeddem erreb m neč.11w eθiHeqqer Hed, emme εewnemti bac e yyerjeε lebas, εlexaTer neč d ewmaθen netraje δiys.12emme ewmaθ ebbulluws, eĎlebe essis δ edyes tweliwwem nette d ewmaθen, emme lyeqqilc exendyas ture. w max ayef elfurSeθ exendyas.13erreθ elbelewwem, eθbθeθ g eliman, jahδeθ teθqewwem m iryazen.14egeθ kul ciy s exse.15ey ewmaθen, xenyum tessenem elεiyleθ n eSfehan. nihnin iglewlen elli emmenen s elmesiyH g axaYia, w edjiyn imenensen y elxeδmeθ n imumnen. heδakeεlac eDelbe essiywem16entĎewεem nihnin d elli xedmen iδsen.17w freHe s aseδ n eSfehan d fertuwnatus d exaYikus, εlexaTer εewweDnawem g elγyebewwem,18reyHen uliyw emmax i reyHen ulewnewwem. emmale kermemten.19imumnen elli g esye etselmen fellawem. w etselmen fellawem egget εqiyl d berke d imumnen elli ettemlemmaδen g elmesiyH g elHucensen.20ewmaθen elkul elli δah etselmen fellawem, selmeθ f beεDkum s ekubbi δ eTTaher.21eslame s elxeT n efusiyw neč buwlus.22elli liγic elmesiyH, e yehlex. "maranata!", est ey errebbenne!.23enneεmeθ n elmesiyH iδwem.24w exsew y xenyum elkul g elmesiyH yesuwε. emiyn!
Chutney Media Agency Limited