Matt13
1as diyn yeffeγ yesuwƹ seg tezeqqa ireḥ ygeƹmez af lḥacit n iylel.2mlaymen felles midden ggeṯ almiy yuli al leflukeṯ ygeƹmez. aḏ bbedden midden af cceṭ.3isiḵnesen ggeṯ d iḥajeyen s tinfes, yuwa:
«yella yjen yeffeγ bac ayezreƹ,4mniyn netta izerreƹ tuda fercu n zzerriƹeṯ af ibriyḏen, usend iciwciwen čenteṯ.5aḏ yuda lbeƹḍ siyes af tammurt diyes ggeṯ d iḍγaγen aḏ fercu n ijdi s nnaj. yaxy aγmiyented fiseƹ afelxaḍert ijdis yusi d fercu.6mniyn tezγel tufuyt, ḥereqneṯ aḏ mmuṯneṯ afelxaḍert wiγarsnec leƹruq.7aḏ yuda lbeƹḍ siyes jar ysennanen. yaxy mγeren ysennanen sγarentent.8aḏ yuda lbeƹḍ siyes g tammurt teṣbiḥt. seg inuh yella lliy yuca 100 deqsis, aḏ yella lliy yuca 60 deqsis. aḏ yella lliy yuca 30 deqsis.9sseγdeṯ kan γarwem timezzuγin.»10yaxy usennesd tlamḏa sesetnent: «maγer tetdugidasen s tinfes?»11yuwa
«afelxaḍert isiḵenewem rebbiy lliy yeḥrez g lmelekuwt n ujenna. amma nihnin wisenisiḵenc aydin.12rahiy lliy γares ayerni rebbiy asyuc we ayfaḍ, amma lliy wiγrec, ḥetta lliy yusi γares astiḏimukes.13afelxaḍert n ayuh duggiγasen s tinfes. rahiy nihnin smuqulen man γiyr man azren, aḏ sellen man γiyr man asseγdan we afehmen.14amyuh yentem fellasen mag yuwa icƹeya seg lemmi:<temesliwt tsellem aḏ witfehmemc,smuqul tesmuqulem aḏ witzerremc.15afelxaḍert ul n ayuh n cceƹb yeḏwel d zuwer,timezuγinesen ḏqelneṯ,aḏ qebsen ṭiṭewinesenbac wizzerenc sisneṯ,aḏ wisellenc s tmuzzuγinesen,aḏ wilfehmenc s ulawnesen,wilderren al γaribac atenseḥliγ. >16amma kennim ay yesseƹduwem s ṭiṭewin lliy zerneṯ, aḏ s tmezzuγin lliy seγdaneṯ.17lḥeq afenemleγ, mennit naγ mennit ṯmennan lenbiya aḏ midden ṣbiḥen bac azren lliy tzarrem wizrinc, we aslen lliy tsellem wislinc.»18«sseγdeṯ kennim lmeƹna n tenfust n lliy izerreƹ:19kul yjen aysel tuflayt n lmelekuwt aḏ witettifehhemc adyas cciyḍan ayexdef lliy yemmuzreƹ g ulis; ayuh d lliy yemmuzreƹ af ibriyḏen.20amma lliy yemmuzreƹ af tammurt diyes ggeṯ d iḍγaγen; aydin d lliy aysel tuflayt we ayefreḥ siyes fiseƹ.21lekenti witettegc γares leƹruq, we ateqqim kan fercu, almiy ayuqeƹ ḍḍiq aḏ ḍḍulem afelxaḍert n tuflayt diyn ayuda.22amma lliy yemmuzreƹ jar ysennanen, netta d lliy yeseγda y tuflayt, lekenti lhem n lweqt aḏ temexsiwt n ddunyeṯ xenqen tuflayt diyn witettuc lγelleṯ.23amma lliy yemmuzreƹ g tammurt teṣbiḥt, netta d lliy ayeṣeγd y tuflayt we atetyefhem. netta lliy tettuc zriyetis deqsis 100 naγ 60 naγ 30.»24yerniy yuwayasen tenfust iḍen. yuwa:
«lmelekuwt n ujenna am bnaḏem yezreƹ zzerriƹeṯ teṣbiḥt g umezdeγis.25mniyn midden ṭṭesen, yused leƹduwis yezreƹ irden n ileγman g umezdeγ ireḥ.26aḏ mniyn aγmiyend irden aḏ ggen tisbulin ḍherend yiḏesen irden n ileγman.27yaxy reḥḥen ičiwen n bab n lḥuc, uwanas: < ayya siydneγ muc tezreƹƹeḏ mezdeγiḵ s zzerriƹeṯ teṣbiḥt? manis zeγ usend ayuh n irden n ileγman?>28yerrasen: < yjen d leƹdu yeggi ayuh. >
yaxy sesetnent: < texseḏ anreḥ we anqelleƹ aydin n irden n ileγman?>29yaxy yerrasen: < aha, naγ aksem irden ṣbiḥen almiy tetteksem irden n ileγman.30djetten ameγren jmiyƹ al lweqt n mjar. aḏ lweqt ḏḏin amleγ y lliy tamejren: mjreṯ irden n ileγman teggemt d iguḏeyen bac ayemmuḥreq qebbel. wembeƹd mejreṯt irden ṣbiḥen teggemt g lmexzniw. > »31yerniy yucesen tenfust iḍen yuwa:
«lmelekuwt n ujenna am zzerriƹeṯ n lxerweƹ yewyiṯ yjen yezreƹƹiṯ g umezdeγis.32aḏ ayuh n zzerriƹeṯ lliy nettaṯ d ttemeckunt g zzerriƹeṯ lkul, almiy tatemγer tateḏwel temeqqart iṭer n lliy yeγmiyed g umezdeγ lkul we ateḏwel am ccejreṯ. we adesen iciwciwen aggen ngunesen af isγernis.»33yerniy yucesen tenfust iḍen, yuwa:
«lmelekuwt n ujenna am lxmireṯ tewyiṯ temeṭṭuṯ terwiyeṯ g 3 n ṯṯemneṯ n ren. yaxy yuli lƹjin lkul.»34af ayuh n iḥajeyen lkul yuflay yesuwƹ y midden s tinfes lliy wisenyufley kan sisneṯ.35amyuh yentem lliy yused af imi n nnabiy lliy yuwa seg lemmi:<taḏufleyeγ s tinfes,we asiḵneγ lliy yusi yeḥrezseg luwel n ddunyeṯ. >36wembeƹd yedja yesuwƹ midden iruweḥ. yaxy reḥnas tlamḏes, uwanas: «siḵnaneγ tenfust n irden n ileγman lliy g umezdeγ.»37yerrasen:
«lliy izerreƹ zzerriƹeṯ teṣbiḥt netta d lliy yeḏwel d bnaḏem.38aḏ mezdeγ netta d ddunyeṯ. aḏ zzerriƹeṯ teṣbiḥt nettaṯ d ṭarwa n lmelekuwt. aḏ irden n ileγman d ṭarwa n umelƹun.39aḏ leƹdu lliy yezreƹ irden n ileγman netta d lblis. aḏ lweqt n mjar netta d laxer n ddunyeṯ. aḏ lliy medjren nihnin d lemleyka.40aḏ mammeḵ mjeren irden n ileγman bac atenḥerqen s timsi, amyuh tayṣar g laxer n ddunyeṯ.41tayenkiy lliy yeḏwel d bnaḏem lmlayektis asefγen seg lmelekuwtis lliy ssefsaḏen aḏ lliy tteggen g ubekkeḍu.42we atenluḥen g timsi temeqqart, aḏ dinet ƹeyyeḍ aḏ aγezzi n cwerb s uγenna.43lweqt ḏḏin tatreqqen ṣbiḥen am tufuyt g lmelekuwt n babesen. kan γarwem timezzuγin sseγdeṯ.»44«lmelekuwt n ujenna am lkenz yenbel g umezdeγ. yufi argaz iƹeweḏ yenbelliy aḏ seg lferḥetis ireḥ yezenz lliy γares lkul yesγi aydin n umezdeγ.45aḏ lmelekuwt n ujenna am yjen d ttajr yusi iruzzu af iḍγaγen ṣbiḥen.46aḏ smanis yufa teƹqiqt teṣbiḥt ggeṯ ireḥ yezenz lliy γares lkul yeṣγiṯ.47aḏ lmelekuwt n ujenna am rredj sensent g iylel. yaxy yečur seg lenweƹ n tirubey lkul.48mniyn yečur nzeγent iṣeyaḍen al cceṭ, geƹemzen aḏ laymen lliy d ṣbiḥ g isnayen, aḏ luḥen lliy wiyeḥli al barra.49amyuh tayṣar g laxer n ddunyeṯ; tadesen lmemlayka asefγen lliy wiḥlin seg amas n ṣbiḥen.50we atenluḥen g amas n timsi temeqqart mani diyes ƹeyyeḍ aḏ aγezzi n cwerb s uγenna.»51yuwayasen: «tefhemmem ayuh lkul.» uwanas: «ayya, nefhem.»52yaxy yuwa: «afelxaḍert n ayuh, lliy yeḏwel d tilmiḏ n lmelekuwt n ujenna seg indin lliy seḥfeḍen g cceriyƹeṯ netta am bab n lḥuc lliy yesufuγ seg ḏxirtis jdiḏ aḏ qdim.»53aḏ beƹd mag ykemmel yesuwƹ ayuh n tinfes iruweḥ s yin.54aḏ mniyn yeḏwel al lḥumtis yuḏel yesseḥfaḍ g wuḏeyen g lmjameƹsen. yaxy ṯƹejben aḏ uwan jarsen: «manis γares ayuh n tmesniwt aḏ ayuh n lmuƹjizaṯ?55yaxy muc netta d memmis n unejjar? muc yedjis ammelnas meryem, aḏ yeṯmas: d yeƹquwb aḏ yuwsef aḏ simƹan aḏ yehuwḏa?56muc tiseṯmas lkul dderneṯ jarneγ? s manis γares ayuh lkul.»57aḏ stehzen af dwiys.
yaxy yesuwƹ yuwayasen: «nnabiy wiγaresc lleqder g lḥumtis aḏ g lḥucis.»58aḏ wiyeggi dinet kan fercu d lmuƹjizaṯ, afelxaḍert wuminenc siyes.
«yella yjen yeffeγ bac ayezreƹ,4mniyn netta izerreƹ tuda fercu n zzerriƹeṯ af ibriyḏen, usend iciwciwen čenteṯ.5aḏ yuda lbeƹḍ siyes af tammurt diyes ggeṯ d iḍγaγen aḏ fercu n ijdi s nnaj. yaxy aγmiyented fiseƹ afelxaḍert ijdis yusi d fercu.6mniyn tezγel tufuyt, ḥereqneṯ aḏ mmuṯneṯ afelxaḍert wiγarsnec leƹruq.7aḏ yuda lbeƹḍ siyes jar ysennanen. yaxy mγeren ysennanen sγarentent.8aḏ yuda lbeƹḍ siyes g tammurt teṣbiḥt. seg inuh yella lliy yuca 100 deqsis, aḏ yella lliy yuca 60 deqsis. aḏ yella lliy yuca 30 deqsis.9sseγdeṯ kan γarwem timezzuγin.»10yaxy usennesd tlamḏa sesetnent: «maγer tetdugidasen s tinfes?»11yuwa
«afelxaḍert isiḵenewem rebbiy lliy yeḥrez g lmelekuwt n ujenna. amma nihnin wisenisiḵenc aydin.12rahiy lliy γares ayerni rebbiy asyuc we ayfaḍ, amma lliy wiγrec, ḥetta lliy yusi γares astiḏimukes.13afelxaḍert n ayuh duggiγasen s tinfes. rahiy nihnin smuqulen man γiyr man azren, aḏ sellen man γiyr man asseγdan we afehmen.14amyuh yentem fellasen mag yuwa icƹeya seg lemmi:<temesliwt tsellem aḏ witfehmemc,smuqul tesmuqulem aḏ witzerremc.15afelxaḍert ul n ayuh n cceƹb yeḏwel d zuwer,timezuγinesen ḏqelneṯ,aḏ qebsen ṭiṭewinesenbac wizzerenc sisneṯ,aḏ wisellenc s tmuzzuγinesen,aḏ wilfehmenc s ulawnesen,wilderren al γaribac atenseḥliγ. >16amma kennim ay yesseƹduwem s ṭiṭewin lliy zerneṯ, aḏ s tmezzuγin lliy seγdaneṯ.17lḥeq afenemleγ, mennit naγ mennit ṯmennan lenbiya aḏ midden ṣbiḥen bac azren lliy tzarrem wizrinc, we aslen lliy tsellem wislinc.»18«sseγdeṯ kennim lmeƹna n tenfust n lliy izerreƹ:19kul yjen aysel tuflayt n lmelekuwt aḏ witettifehhemc adyas cciyḍan ayexdef lliy yemmuzreƹ g ulis; ayuh d lliy yemmuzreƹ af ibriyḏen.20amma lliy yemmuzreƹ af tammurt diyes ggeṯ d iḍγaγen; aydin d lliy aysel tuflayt we ayefreḥ siyes fiseƹ.21lekenti witettegc γares leƹruq, we ateqqim kan fercu, almiy ayuqeƹ ḍḍiq aḏ ḍḍulem afelxaḍert n tuflayt diyn ayuda.22amma lliy yemmuzreƹ jar ysennanen, netta d lliy yeseγda y tuflayt, lekenti lhem n lweqt aḏ temexsiwt n ddunyeṯ xenqen tuflayt diyn witettuc lγelleṯ.23amma lliy yemmuzreƹ g tammurt teṣbiḥt, netta d lliy ayeṣeγd y tuflayt we atetyefhem. netta lliy tettuc zriyetis deqsis 100 naγ 60 naγ 30.»24yerniy yuwayasen tenfust iḍen. yuwa:
«lmelekuwt n ujenna am bnaḏem yezreƹ zzerriƹeṯ teṣbiḥt g umezdeγis.25mniyn midden ṭṭesen, yused leƹduwis yezreƹ irden n ileγman g umezdeγ ireḥ.26aḏ mniyn aγmiyend irden aḏ ggen tisbulin ḍherend yiḏesen irden n ileγman.27yaxy reḥḥen ičiwen n bab n lḥuc, uwanas: < ayya siydneγ muc tezreƹƹeḏ mezdeγiḵ s zzerriƹeṯ teṣbiḥt? manis zeγ usend ayuh n irden n ileγman?>28yerrasen: < yjen d leƹdu yeggi ayuh. >
yaxy sesetnent: < texseḏ anreḥ we anqelleƹ aydin n irden n ileγman?>29yaxy yerrasen: < aha, naγ aksem irden ṣbiḥen almiy tetteksem irden n ileγman.30djetten ameγren jmiyƹ al lweqt n mjar. aḏ lweqt ḏḏin amleγ y lliy tamejren: mjreṯ irden n ileγman teggemt d iguḏeyen bac ayemmuḥreq qebbel. wembeƹd mejreṯt irden ṣbiḥen teggemt g lmexzniw. > »31yerniy yucesen tenfust iḍen yuwa:
«lmelekuwt n ujenna am zzerriƹeṯ n lxerweƹ yewyiṯ yjen yezreƹƹiṯ g umezdeγis.32aḏ ayuh n zzerriƹeṯ lliy nettaṯ d ttemeckunt g zzerriƹeṯ lkul, almiy tatemγer tateḏwel temeqqart iṭer n lliy yeγmiyed g umezdeγ lkul we ateḏwel am ccejreṯ. we adesen iciwciwen aggen ngunesen af isγernis.»33yerniy yucesen tenfust iḍen, yuwa:
«lmelekuwt n ujenna am lxmireṯ tewyiṯ temeṭṭuṯ terwiyeṯ g 3 n ṯṯemneṯ n ren. yaxy yuli lƹjin lkul.»34af ayuh n iḥajeyen lkul yuflay yesuwƹ y midden s tinfes lliy wisenyufley kan sisneṯ.35amyuh yentem lliy yused af imi n nnabiy lliy yuwa seg lemmi:<taḏufleyeγ s tinfes,we asiḵneγ lliy yusi yeḥrezseg luwel n ddunyeṯ. >36wembeƹd yedja yesuwƹ midden iruweḥ. yaxy reḥnas tlamḏes, uwanas: «siḵnaneγ tenfust n irden n ileγman lliy g umezdeγ.»37yerrasen:
«lliy izerreƹ zzerriƹeṯ teṣbiḥt netta d lliy yeḏwel d bnaḏem.38aḏ mezdeγ netta d ddunyeṯ. aḏ zzerriƹeṯ teṣbiḥt nettaṯ d ṭarwa n lmelekuwt. aḏ irden n ileγman d ṭarwa n umelƹun.39aḏ leƹdu lliy yezreƹ irden n ileγman netta d lblis. aḏ lweqt n mjar netta d laxer n ddunyeṯ. aḏ lliy medjren nihnin d lemleyka.40aḏ mammeḵ mjeren irden n ileγman bac atenḥerqen s timsi, amyuh tayṣar g laxer n ddunyeṯ.41tayenkiy lliy yeḏwel d bnaḏem lmlayektis asefγen seg lmelekuwtis lliy ssefsaḏen aḏ lliy tteggen g ubekkeḍu.42we atenluḥen g timsi temeqqart, aḏ dinet ƹeyyeḍ aḏ aγezzi n cwerb s uγenna.43lweqt ḏḏin tatreqqen ṣbiḥen am tufuyt g lmelekuwt n babesen. kan γarwem timezzuγin sseγdeṯ.»44«lmelekuwt n ujenna am lkenz yenbel g umezdeγ. yufi argaz iƹeweḏ yenbelliy aḏ seg lferḥetis ireḥ yezenz lliy γares lkul yesγi aydin n umezdeγ.45aḏ lmelekuwt n ujenna am yjen d ttajr yusi iruzzu af iḍγaγen ṣbiḥen.46aḏ smanis yufa teƹqiqt teṣbiḥt ggeṯ ireḥ yezenz lliy γares lkul yeṣγiṯ.47aḏ lmelekuwt n ujenna am rredj sensent g iylel. yaxy yečur seg lenweƹ n tirubey lkul.48mniyn yečur nzeγent iṣeyaḍen al cceṭ, geƹemzen aḏ laymen lliy d ṣbiḥ g isnayen, aḏ luḥen lliy wiyeḥli al barra.49amyuh tayṣar g laxer n ddunyeṯ; tadesen lmemlayka asefγen lliy wiḥlin seg amas n ṣbiḥen.50we atenluḥen g amas n timsi temeqqart mani diyes ƹeyyeḍ aḏ aγezzi n cwerb s uγenna.»51yuwayasen: «tefhemmem ayuh lkul.» uwanas: «ayya, nefhem.»52yaxy yuwa: «afelxaḍert n ayuh, lliy yeḏwel d tilmiḏ n lmelekuwt n ujenna seg indin lliy seḥfeḍen g cceriyƹeṯ netta am bab n lḥuc lliy yesufuγ seg ḏxirtis jdiḏ aḏ qdim.»53aḏ beƹd mag ykemmel yesuwƹ ayuh n tinfes iruweḥ s yin.54aḏ mniyn yeḏwel al lḥumtis yuḏel yesseḥfaḍ g wuḏeyen g lmjameƹsen. yaxy ṯƹejben aḏ uwan jarsen: «manis γares ayuh n tmesniwt aḏ ayuh n lmuƹjizaṯ?55yaxy muc netta d memmis n unejjar? muc yedjis ammelnas meryem, aḏ yeṯmas: d yeƹquwb aḏ yuwsef aḏ simƹan aḏ yehuwḏa?56muc tiseṯmas lkul dderneṯ jarneγ? s manis γares ayuh lkul.»57aḏ stehzen af dwiys.
yaxy yesuwƹ yuwayasen: «nnabiy wiγaresc lleqder g lḥumtis aḏ g lḥucis.»58aḏ wiyeggi dinet kan fercu d lmuƹjizaṯ, afelxaḍert wuminenc siyes.
Chutney Media Agency Limited