Exod36
1«beṣleyil aḏ ahuwlyab aḏ staweṯ lliy yucesen rebbiy lefeker aḏ quddu n igga n tezeqqa temeqdust yexs aggen lxeḏmeṯ lliy yuwa felles rebbiy aḏ mammeḵ yuweyasen.»2wembeƹd yesγuy muwsa af beṣleyil aḏ ahuwlyab aḏ af kul sṭa yucas rebbiy quddu aḏ lliy yuwayas ulis ayeg ḥaja bac aggen matta yuwa rebbiy.3aḏ uwyen s muwsa lliy ucent midden lkul bac ggen meqdus. aḏ qqimen midden tteγend g ṣṣedqeṯ y rebbiy kul tajji.4yaxy usend staweṯ lliy teggen g umeqdus al muwsa,5uwanas: «rahiy midden uγend iṭer n lliy nestḥeq y igga n mag yuwa rebbiy.»6yaxy yuwayasen muwsa amlen y midden: «maƹedc adeγem ṣṣedqeṯ y rebbiy.» yaxy beṭlen midden iγa.7aḏ yusi lliy leyment ikeffa y igga n mag yuwa rebbiy we adyefdel8sṭaweṯ imeqqaren ggen sqef n lƹecceṯ seg ulman d izizewen aḏ d iḥberiyen aḏ d izuggaγen aḏ seg ustu n tefduxt. nsezzen 10 n stareṯ n uzeṭṭi ggen disen tṣawer n lqeruwb.9aḏ wsiyn stareṯ lkul d deqqes yjen; ṭṭulesen 28 d leḏruƹ aḏ lƹerḍesen 4 d leḏruƹ.10aḏ gnan kul 5 n stareṯ g beƹeḍhum ljenb al ljenb.11aḏ ggen tiḥelqeṯin n ulman izizewen af ṭṭerf lexrani n stareṯ imezweren, aḏ af ṭṭerf mezwar n stareṯ ttenyaṯ.12aḏ yusi af kul ṭṭerf 50 d tiḥelqeṯin n ulman ijeṯ g leqbeleṯ n ttani.13aḏ ggen 50 d iγesmaren n wureγ bac aṭfen sisen aydin n sen leḍruf n stareṯ bac adlen d yjen.14aḏ zden ḥdac d stareṯ seg ulman n udjuf n tγeṭṭin bac adlen d sqef wissen y lƹecceṯ.15aḏ wsiyn ayuh n ḥdac lkul d leqyas yjen; ṭṭulesen 30 d ḏreƹeṯ aḏ lƹerḍesen 4 ḏruƹ.16aḏ qqennen 5 n stareṯ imezweren jneb al jneb g beƹeḍhum aḏ ggen am idin s 6 ttenyaṯ.17aḏ ggen 50 d tiḥelqeṯin af ṭṭerf yjen n stareṯ imezweren aḏ 50 af ṭṭerf yjen n stareṯ ttenyaṯ.18aḏ ggen 50 d iγesmeren n nḥas bac aṭfen sisen stareṯ lbeƹeḍhum bac adlen d sqef wissen y lƹecceṯ.19aḏ uḏnenteṯ s ilimen n iberkas ṣbeγγen s uzuggaγ aḏ njesen ggen ilimen n trabit temmeqqer lliy man γiyr tqecera.20aḏ ggen leḥyuḍ n lƹecceṯ s tqafeṣ seg isγaren n ssenṭ bbedneṯ.21ṭṭul n kul teqfiṣeṯ sisneṯ 12 ḏruƹ aḏ lƹerḍis dereƹ aḏ wezgen.22aḏ kul teqfiṣeṯ γares sen iderren yjen g leqbeleṯ n ttani bac aṭṭefneṯ tqafeṣ g beƹeḍhum. amyuh ggen tqafeṣ lkul n lƹecceṯ.23aḏ ggen lḥiḍ qebli seg 20 d tqafeṣ.24aḏ 40 d tiqeƹƹeḏin n lfejreṯ y dernesneṯ, sen tqeƹeṯin y kul teqfiṣeṯ.25aḏ y lḥiḍ beḥri ggen 20 d tqafeṣ zada.26aḏ 40 d tiqeƹƹeṯin n lfejreṯ senneṯ y kul teqfiṣeṯ.27amma lḥiḍ medeffer lliy s mγerreb ggenas 6 n tqafeṣ.28aḏ sen tqafeṣ y treken timedefferin.29aḏ kul ijeṯ sisneṯ tusi d senneṯ lṣeqneṯ s dday al nnaj al tḥelqet temezwert. amyuh ggen y terkineṯ tisneṯ.30aḏ lḥiḍ medeffer diyes 8 n tqafeṣ aḏ 16 d tiqeƹeṯin n lfejreṯ, senneṯ y kul teqfiṣeṯ weḥdes.31aḏ ggen lweseṭ seg isγaren n ssenṭ, 5 y lḥiḍ qebli.32aḏ 5 y lḥiḍ beḥri, aḏ 5 n lweseṭ y tqafeṣ n lḥiḍ aγerbi.33aḏ lwesṭeṯ temamasin ateḏefneṯ g amas n tqafeṣ seg ṭṭerf al ṭṭerf.34aḏ γelfen tqafeṣ aḏ lweseṭ s wureγ. aḏ ggen tiḥelqeṯin n wureγ mani adesneṯ lweseṭ.35aḏ ggen star mames n lƹecceṯ seg uzeṭṭi n ulman d izizewen aḏ d iḥberiyen aḏ d izuggaγen aḏ ustu n tefduxt. ggenas tṣawer n lqeruwb.36aḏ ggenas 4 n tireslin seg isγaren n ssenṭ lliy γelfen s wureγ aḏ disneṯ lemxeṭef n wureγ. ayuh n tirsal abedneṯ af tqeƹeḏin n lfejreṯ.37aḏ zden star y imi n lƹecceṯ s ulman d izizewen aḏ d iḥberiyen aḏ d izuggaγen aḏ seg ustu n tefduxt.38ayuh n star γares 5 n tireslin s lemxeṭef aḏ ixfewn aḏ uzzelaṯ n wureγ aḏ 5 n tqeƹƹeḏin n nḥas.
Chutney Media Agency Limited