Exod35
1yesγuy muwsa y midden n aṯ israyil lkul yuwayasen: «ayuh matta yuweyawem rebbiy bac ateggem:2yexs axedmem 6 d ussanaṯ, we aggem as 7 d rreḥeṯ d meqdus y neči. aḏ kul yjen ayexdem diyes ayemmuṯ.3aḏ wiseγeṯec timsi g leḥwecuwem as n sebbeṯ.»4wembeƹd yuwa muwsa y midden n aṯ israyil lkul: «ayuh mag yuwa rebbiy:5<uceṯ ṣṣedqeṯ y neči, kul yjen yecreh af ucas alyuc lliy yexs; d wureγ naγ d lfejreṯ naγ d nḥas.6aḏ ulman d izizewen aḏ d iḥberiyen aḏ d izuggaγen, aḏ ustu n tefduxt aḏ ulman n udjuf n tγaṭin.7aḏ ilimen n iberkas aḏ ilimen n trebit temeqqart lliy man γiyr tqecra aḏ isγaren n ssenṭ.8aḏ uḏi yuseγi n nnir, aḏ ifuḥan y uḏi meqdus aḏ lebxuwr.9aḏ tiƹqiqin n ljizƹ aḏ tγuγa tiṣbiḥin iḍen y sray n rdi aḏ tmeṣdurt. >10aḏ yexs kul sṭa siwem yetquddu igga n ḥaja adyas bac ayeg matta yuwa rebbiy;11lƹecceṯ aḏ seqfis aḏ lemxeṭfis aḏ tqafeṣis aḏ lweseṭis aḏ tireslinis s tqeƹeṯinesen.12aḏ ttebuwt aḏ igeḍmanis, aḏ ddan n tkuffert, aḏ star lliy yeḥrez ttebuwt,13aḏ ṭṭewleṯ aḏ igeṭṭumnis, aḏ reγeltis lkul, aḏ tqurset n ṣṣedqeṯ.14aḏ nnir n useγi aḏ reγeltis aḏ uḏi n useγi,15aḏ mkan n ubexxer aḏ igeṭṭumnis, aḏ uḏi meqdus, aḏ lebxuwr lliy faweḥ, aḏ star n imi n lƹecceṯ,16aḏ mkan n teγrest aḏ rredjis n nḥas aḏ igeṭṭumnis aḏ reγeltis lkul, aḏ fedja n uzizdi aḏ tqeƹetis,17aḏ settur n amas lḥuc aḏ tireslinis, aḏ tiqeƹeṯin n tireslin, aḏ star n imi n amas lḥuc,18aḏ ṭweleṯ n lƹecceṯ aḏ amas lḥuc aḏ tzarwinesen,19aḏ ṣireḍ n haruwn lkahen. aḏ ṣireḍ meqdus n ṭarwas, aḏ ṣireḍ n uzeṭṭi y lxeḏmeṯ g umeqdus.»20reḥḥen israyiliyen seg zzaṯ n muwsa beƹd mag slen dwiy n rebbiy.21aḏ usend indin lliy uwanasen ulawnesen aḏ lliy ydab lxeḍresen uγend ṣṣedqeṯ y rebbiy bac abnan lƹecceṯ n umlaqi aḏ reγleḏ n lxeḏmeṯ diyes, aḏ bac aggen ṣireḍ meqdus.22aḏ usend irgazen aḏ tseḏnan lliy ulawnesen d imeqqaren ttucen g tiḥdidin aḏ tibelluṭin aḏ txuṯam aḏ smesem aḏ iḥejeyen iḍen n wureγ. aḏ wureγ lkul lliy uγentiḏ ucent d ṣṣedqeṯ y rebbiy.23aḏ indin lliy γarsen ulman d izizewen aḏ d iḥberiyen aḏ izuggaγen, aḏ ustu n tefduxt aḏ ulman n udjuf n tγeṭṭin, aḏ ilimen n iberkas, aḏ ilimen n trebit temeqqart lliy man γiyr tqecra ucenten y rebbiy zada.24aḏ sisen mam yuca lfejreṯ aḏ nḥas, aḏ kul yjen yufa γares isγaren n ssenṭ ṣelḥen y igga n ḥaja yucin y rebbiy d ṣṣedqeṯ.25aḏ lemneṯ tiseḏnan lliy ḥeḏqat lkul ulman d izizewen aḏ d iḥberiyen aḏ d izuggaγen, aḏ ustu n tefduxt aḏ uγentend.26aḏ lemneṯ lḥeḏqat seg tiseḏnan lliy uwanesneṯ ulawnesneṯ ulman seg udjuf n tγeṭṭin.27aḏ ucen imeqqaren n aṯ israyil tiƹqiqin n ljizƹ aḏ tiƹqiqin tiṣbiḥin y sray n rdi aḏ tmeṣdurt.28aḏ ifuḥan aḏ uḏi y useγi aḏ uḏi meqdus aḏ lebxuwr.29aḏ amyuh irgazen aḏ tseḏnan n aṯ israyil lkul lliy ydab lxeḍresen ucen iḥejeyen y rebbiy bac aggen lliy yuwa lliy diyma yella y muwsa fellas.30aḏ yuwa muwsa y aṯ israyil:
«qa rebbiy iwaza beṣleyil memmis n uwriy aḏ memmis n memmis n ḥuwr seg lƹerc n yehuwḏa aḏ yesγuyas s ismis.31yečury s rruwḥis, aḏ yucas lefker aḏ uquddu aḏ tmesniwt n ṣnayeƹ lkul32bac ayxeṭṭeṭ iḥejeyen lliy tatenyeg s ifesnis seg wureγ aḏ lfejreṯ aḏ nḥas,33aḏ bac ayeṣqel ljuher we atyesry, aḏ bac ayeqdeƹ isγaren we ayeg kul ciy.34aḏ yucas rebbiy netta aḏ ahuwlyab memmis n xiysamak seg lƹerc n dan quddu n useḥfeḍ n ttenyaṯ.35aḏ yerrin d lfelḥin iṭer n midden bac aḏeγzen ljuher, we aqedƹen isγaren, we azden, we aṭerzen zeṭṭi seg ulman d izizewen aḏ d iḥberiyen aḏ d izuggaγen aḏ seg ustu n tefduxt, we aggen ṣnayeƹ lkul n uzeṭṭi. aḏ yerrin tquddun ṣnayeƹ lkul aḏ yucesen quddu bac axeṭṭeṭen.»
«qa rebbiy iwaza beṣleyil memmis n uwriy aḏ memmis n memmis n ḥuwr seg lƹerc n yehuwḏa aḏ yesγuyas s ismis.31yečury s rruwḥis, aḏ yucas lefker aḏ uquddu aḏ tmesniwt n ṣnayeƹ lkul32bac ayxeṭṭeṭ iḥejeyen lliy tatenyeg s ifesnis seg wureγ aḏ lfejreṯ aḏ nḥas,33aḏ bac ayeṣqel ljuher we atyesry, aḏ bac ayeqdeƹ isγaren we ayeg kul ciy.34aḏ yucas rebbiy netta aḏ ahuwlyab memmis n xiysamak seg lƹerc n dan quddu n useḥfeḍ n ttenyaṯ.35aḏ yerrin d lfelḥin iṭer n midden bac aḏeγzen ljuher, we aqedƹen isγaren, we azden, we aṭerzen zeṭṭi seg ulman d izizewen aḏ d iḥberiyen aḏ d izuggaγen aḏ seg ustu n tefduxt, we aggen ṣnayeƹ lkul n uzeṭṭi. aḏ yerrin tquddun ṣnayeƹ lkul aḏ yucesen quddu bac axeṭṭeṭen.»
Chutney Media Agency Limited