Acts5
1lekenti yella yjen ismis ḥenaniya yemfehem netta aḏ lehlis ṣeffira, yezenza mezdeγis.2amma yewya fercu seg iflusnis aḏ yuca lliy yefdelled y imersal.3yaxy yuwayas buṭrus: «ay ḥenaniya, maγer tedjiḏ cciyḍan ayečar uliḵ aḏ teskerekseḏ af rruwḥ lqudus. aḏ tedjiḏ fercu n iflusen γareḵ?4yaxy muc γareḵ lḥeq witzenzic? aḏ kan tezenzet muc γareḵ lḥeq awyeḏ iflusnis lkul y cek weḥdeḵ? maγer zeγ tesmuḏeḏ af uγuccu? rahiy amyuh cek witeskerkisec af midden amma af rebbiy teskerekseḏ.»5mniyn yesla ḥenaniya ayuh n dwiy, yuda ƹlewleh yemmuṯ. yaxy ugeḏḏen ggeṯ midden lliy slen s aydin.6aḏ kkeren imezyanen kefnen ḥenaniya. aḏ awyent nbellent.7aḏ beƹd 3 seƹat, tused leƹyal n ḥenaniya aḏ nettaṯ witesinc mag iṣar.8yaxy ysesetniṯ buṭrus: «mliḏ. yaxy s ayuh n iflusen akehaw tezenzem mezdeγ.» trras: «s ayuh n ssum nezenzy.»9yuwayas buṭrus: «maγer tesmuḏeḏ cem aḏ argazim atetƹeddim af rruwḥ n rebbiy? qa zeγ rrend imezyanen lliy nbellen argazim. tamuyen cemmin zada.»10yaxy ƹlewleh tuda zzaṯ buṭrus temmuṯ.
mniyn uḏeffen imezyanen ufenteṯ temmuṯ. awyenteṯ nbelenteṯ tman argazis.11yaxy rjijen lmumnin n lmejmeƹ lkul aḏ midden lkul lliy slen s aydin zada.12aḏ af ifesn n imersal uqeƹneṯ ggeṯ d lmuƹjizaṯ d lemayer aḏ leγrayeb zzaṯ midden. lmumnin temleyamen jmiyƹ g lburṭal n suleyman.13aḏ s tiwdi, wiqud ḥetta d yjen seg indin lliy wicci wuminenc ayeḏef yiḏesen. amma wsiyn midden lkul cekren disen.14aḏ yuḏel leƹded n lmumnin irenni afelxaḍert umennen ggeṯ d irgazen aḏ d tiseḏnan.15aḏ wsiyn midden ssuffuγen g imuḍanesen al barra af sserresen belekci adyas af yjen sisen ṭṭel n buṭrus almiy tayƹedda we ayeḥla.16midden lliy mlaymen seg tmurewin aḏ leḥwem lliy qrebneṯ al uwrceliym wsiyn tasend aḏ teγend imuḍanesen aḏ lliy stemelken bac aḥlan.17yaxy meqqar n lkuhhan aḏ lliy nnaḍḍen siyes seg indin lliy d iṣedduwqiyiyen nγerren seg imersal.18aḏ ṭfenten ggenten g lḥebs.19lekenti g yiḍ imir lmleyka n rebbiy lbiban n lḥebs bac afγen aḏ yuwayasen:20«ureḥeṯ al lheykel tebeddem tuflayem y midden af lebcareṯ n tmeddurt tejdit lkul.»21yaxy ggen s dwiys. reḥḥen al lheykel tajji bekri seḥfeḍen g midden.
aḏ wsiyn rrayes n lkuhhan aḏ lliy yiḏes mleymen g lmejles. aḏ ḥderren diyes iwessaren n aṯ israyil. aḏ nkiyyen iƹessasen bac adeγen imersal seg lḥbes.22lekenti witenufin. aḏ usend uwan y lliy g lmejles.23«rahiy nufa lbiban n lḥebs ṣleḥḥen yeqƹeḏ aḏ iƹessasen bbedden zzaṯesen, lekenti mniyn nmir winufi ḥetta d yjen jaj.»24yaxy ifeh meqqar n iƹessasen n lheykel aḏ imeqqaren n lkuhhan mniyn slen ayuh n dwiy aḏ sesetnen beƹeḍhum: «mani taneṣel zeƹma.»25yaxy yused yjen al lmejles yuwa: «rahiy indin lliy teggimten g lḥebs llan g lheykel seḥfeḍen g midden.»26ireḥ meqqar n iƹessasen netta aḏ irgazenis uγend imersal s ufercu afelxaḍert ugeḏḏen atenḥedfen midden.27mniyn bbedden zzaṯ lmejles ysesetnin rreyes n lkuhhan.28yuwa: «nuweyewem yesaq aseḥefdem s ysem n ayuh n argaz, lekenti witedjim mani witseƹezmem g uwrceliym, aḏ texsem aggem iḏemenis g tḵerminneγ.»29yerras buṭrus aḏ imersal:
«yexs aneg lliy yexs rebbiy muc lliy xsen midden.30rahiy rebbiy n ibabnenneγ ysekker yesuwƹ lliy tƹelqemt af ṣṣelib aḏ tenγimt.31lekenti rebbiy yselyi af liminis aḏ yeggi d lmelek lliy taysemneƹ aṯ israyil. we ayteba fellesen we asenyeγfer ubekkeḍu.32aḏ neccin ncehheḏ af ayuh. aḏ rruwḥ lqudus lliy yenkiyi rebbiy y lliy tteggen s dwiys ycehheḏ zada.»33mniyn slen lliy mleymen ayuh n dwiy, γecceccen ggeṯ aḏ smuḏen af tmenγiwt n imersal.34lekenti yjen seg lmejles ismis γemelayil aḏ netta yeseƹzam g cceriyƹeṯ aḏ ydebbeƹ g iferysiyyen aḏ xsent midden lkul, yebbed yuwayasen asefγen imersal ferru.35wembeƹd, yuwa y lliy g lmjles;
«ayya aṯ israyil, rreṯ lbaluwem aggem y ayuh n irgazen lliy tesmuḏem fellas.36kennim tetesmitim lliy yeḍherred ṯuwdas aḏ yuwa lliy netta d mebruk aḏ ḏbeƹƹent 400 lekenti mniyn yemmuneγ mferqen lliy debƹen diyes aḏ ykemmel kul ciy.37aḏ yused zada yehuwḏa jeliyliy g lweqt n uƹuddu n midden. yenzeγ ggeṯ d midden bac atḏebƹen. mniyn yemmuṯ mferqen lliy wsiyn debƹen diyes zada.38amma ṭuruh tafenemleγ beƹdeṯ af ayuh n irgazen tedjemten af lkifesen. kan ayuh n rray naγ ayuh n igga s midden ṭuru ayehdem weḥdes.39amma kan ayuh s rebbiy. rahiy witetquddumc xlaṣ beddem zzaṯis naγ adlem d leƹda n rebbiy zada.»40yaxy uγen lliy g lmejles s dwiys aḏ sγuyen y imersal wettenten s ṣṣuwṭ aḏ uwanasen wiseƹzemec s ysem n yesuwƹ wembeƹd seybenten.41lekenti imersal ffeγen seg lmejles freḥḥen afelxaḍert ufin imanesen stehelen bac atteƹben afelxaḍert n ysem n yesuwƹ.42aḏ kul as g lheykel aḏ tzaγwin wsiyn seḥfeḍen aḏ tbecren lliy yesuwƹ d netta d lmesiyḥ menγir beṭṭel.
mniyn uḏeffen imezyanen ufenteṯ temmuṯ. awyenteṯ nbelenteṯ tman argazis.11yaxy rjijen lmumnin n lmejmeƹ lkul aḏ midden lkul lliy slen s aydin zada.12aḏ af ifesn n imersal uqeƹneṯ ggeṯ d lmuƹjizaṯ d lemayer aḏ leγrayeb zzaṯ midden. lmumnin temleyamen jmiyƹ g lburṭal n suleyman.13aḏ s tiwdi, wiqud ḥetta d yjen seg indin lliy wicci wuminenc ayeḏef yiḏesen. amma wsiyn midden lkul cekren disen.14aḏ yuḏel leƹded n lmumnin irenni afelxaḍert umennen ggeṯ d irgazen aḏ d tiseḏnan.15aḏ wsiyn midden ssuffuγen g imuḍanesen al barra af sserresen belekci adyas af yjen sisen ṭṭel n buṭrus almiy tayƹedda we ayeḥla.16midden lliy mlaymen seg tmurewin aḏ leḥwem lliy qrebneṯ al uwrceliym wsiyn tasend aḏ teγend imuḍanesen aḏ lliy stemelken bac aḥlan.17yaxy meqqar n lkuhhan aḏ lliy nnaḍḍen siyes seg indin lliy d iṣedduwqiyiyen nγerren seg imersal.18aḏ ṭfenten ggenten g lḥebs.19lekenti g yiḍ imir lmleyka n rebbiy lbiban n lḥebs bac afγen aḏ yuwayasen:20«ureḥeṯ al lheykel tebeddem tuflayem y midden af lebcareṯ n tmeddurt tejdit lkul.»21yaxy ggen s dwiys. reḥḥen al lheykel tajji bekri seḥfeḍen g midden.
aḏ wsiyn rrayes n lkuhhan aḏ lliy yiḏes mleymen g lmejles. aḏ ḥderren diyes iwessaren n aṯ israyil. aḏ nkiyyen iƹessasen bac adeγen imersal seg lḥbes.22lekenti witenufin. aḏ usend uwan y lliy g lmejles.23«rahiy nufa lbiban n lḥebs ṣleḥḥen yeqƹeḏ aḏ iƹessasen bbedden zzaṯesen, lekenti mniyn nmir winufi ḥetta d yjen jaj.»24yaxy ifeh meqqar n iƹessasen n lheykel aḏ imeqqaren n lkuhhan mniyn slen ayuh n dwiy aḏ sesetnen beƹeḍhum: «mani taneṣel zeƹma.»25yaxy yused yjen al lmejles yuwa: «rahiy indin lliy teggimten g lḥebs llan g lheykel seḥfeḍen g midden.»26ireḥ meqqar n iƹessasen netta aḏ irgazenis uγend imersal s ufercu afelxaḍert ugeḏḏen atenḥedfen midden.27mniyn bbedden zzaṯ lmejles ysesetnin rreyes n lkuhhan.28yuwa: «nuweyewem yesaq aseḥefdem s ysem n ayuh n argaz, lekenti witedjim mani witseƹezmem g uwrceliym, aḏ texsem aggem iḏemenis g tḵerminneγ.»29yerras buṭrus aḏ imersal:
«yexs aneg lliy yexs rebbiy muc lliy xsen midden.30rahiy rebbiy n ibabnenneγ ysekker yesuwƹ lliy tƹelqemt af ṣṣelib aḏ tenγimt.31lekenti rebbiy yselyi af liminis aḏ yeggi d lmelek lliy taysemneƹ aṯ israyil. we ayteba fellesen we asenyeγfer ubekkeḍu.32aḏ neccin ncehheḏ af ayuh. aḏ rruwḥ lqudus lliy yenkiyi rebbiy y lliy tteggen s dwiys ycehheḏ zada.»33mniyn slen lliy mleymen ayuh n dwiy, γecceccen ggeṯ aḏ smuḏen af tmenγiwt n imersal.34lekenti yjen seg lmejles ismis γemelayil aḏ netta yeseƹzam g cceriyƹeṯ aḏ ydebbeƹ g iferysiyyen aḏ xsent midden lkul, yebbed yuwayasen asefγen imersal ferru.35wembeƹd, yuwa y lliy g lmjles;
«ayya aṯ israyil, rreṯ lbaluwem aggem y ayuh n irgazen lliy tesmuḏem fellas.36kennim tetesmitim lliy yeḍherred ṯuwdas aḏ yuwa lliy netta d mebruk aḏ ḏbeƹƹent 400 lekenti mniyn yemmuneγ mferqen lliy debƹen diyes aḏ ykemmel kul ciy.37aḏ yused zada yehuwḏa jeliyliy g lweqt n uƹuddu n midden. yenzeγ ggeṯ d midden bac atḏebƹen. mniyn yemmuṯ mferqen lliy wsiyn debƹen diyes zada.38amma ṭuruh tafenemleγ beƹdeṯ af ayuh n irgazen tedjemten af lkifesen. kan ayuh n rray naγ ayuh n igga s midden ṭuru ayehdem weḥdes.39amma kan ayuh s rebbiy. rahiy witetquddumc xlaṣ beddem zzaṯis naγ adlem d leƹda n rebbiy zada.»40yaxy uγen lliy g lmejles s dwiys aḏ sγuyen y imersal wettenten s ṣṣuwṭ aḏ uwanasen wiseƹzemec s ysem n yesuwƹ wembeƹd seybenten.41lekenti imersal ffeγen seg lmejles freḥḥen afelxaḍert ufin imanesen stehelen bac atteƹben afelxaḍert n ysem n yesuwƹ.42aḏ kul as g lheykel aḏ tzaγwin wsiyn seḥfeḍen aḏ tbecren lliy yesuwƹ d netta d lmesiyḥ menγir beṭṭel.
Chutney Media Agency Limited