Acts19
1mniyn yusi buwlus g kurinṯus, yuṣel buwlus al afsus beƹd mag iƹedda af imuḵan lliy ƹlan g amas n leblad. aḏ g afsus yufa lbeƹḍ n tlamḏa.2yaxy ysesetnin: «yezwa fellewem rruwḥ lqudus mniyn tumennem naγ aha.» rennas: «aha, aḏ wineslic s rruwḥ lqudus xlaṣ.»3yuwayasen: «mammeḵ zeγ tetuzizedyem.» uwanas: «feleḥsab n uzizdi n yaḥya.»4yaxy yuwa buwlus: «yusi yaḥya yezizdi g midden d lemereṯ n ttubtesen aḏ yemmalesen aḏemnen s lliy tadyas beƹdis, yeƹni s yesuwƹ.»5mniyn slen ayuh n dwiy, ttuzizdyen s ysem n siydneγ yesuwƹ.6yeggi buwlus ifesnis fellasen. yaxy yezwa fellasen rruwḥ lqudus. aḏ uḏellen duggan s lγawi iḍen aḏ yuflay rebbiy af imewnesen.7aḏ yusi leƹded n irgazen ṯnac.8yeqqim buwlus 3 chuwr yetreḥ al lmejmeƹ n wuḏeyen ydugga jhar aḏ yetneqec af lḥqeyeq n lmelekuwt n rebbiy bac aḏamnen lliy ḥderren.9lekenti ggeṯ d midden seqeṣḥen ixfewensen aḏ wiwuminenc. aḏ uḏellen deƹun g abriyḏ n rebbiy zzaṯ lliy mleymen diyn. yaxy yebƹeḏ buwlus fellasen aḏ yeqqim netta aḏ tlamḏa yetneqec kul as g lmejles n yjen ismis tiyranuws.10yeqqim am idin sen isuggesen. aḏ amyuh yuṣel dwiy n rebbiy al wuḏeyen aḏ iyuwnaniyen n asiya lkul.11yusi rebbiy iteg lmuƹjizaṯ timeqqarin af ifesn n buwlus.12almiy ḏwellen midden ugayen timeḥrmin naγ tiḥezemiyin lliy yeṭṭef disneṯ aḏ teggentent af imuḍan. aḏ wsiyn ayuh n imuḍan ḥellan s aydin aḏ tefγen sisen lerwaḥ lliy wiḥlin.13lbeƹḍ n wuḏeyen lliy ttenden zeƹzaqen g lejnun seg imuḍan smuḏen taggen ayuh s ysem n yesuwƹ. aḏ nihnin mmalen: «ffeγ s ysem n yesuwƹ lliy yetbeccer siyes buwlus.»14aḏ yusi jaresen 7 d ṭarwa n yjen seg imeqqaren n lkuhhan ismis sikaw,15yaxy yerrasen rruwḥ lliy wiyeḥli: «yesuwƹ neči sennext, aḏ buwlus senγ d mam netta, lekenti kennim d mam.»16wembeƹd yehjem fellesen argaz lliy yella diyes rruwḥ yeγlebin. rwellen d iƹeryanen s lejruḥesen seg tzaqqa lliy wsiyn diyes.17slen s aydin wuḏeyen aḏ iyuwnaniyen lliy seknen g afsus lkul. aḏ ugeḏḏen lkulhum. aḏ yeṯmejiḏ ysem n siydneγ yesuwƹ.18aḏ usend ggeṯ seg indin lliy umennen. steƹrefen s mag ggen.19aḏ uḏellen ggeṯ d yseḥḥeren ḥerqen g lektubesen zzaṯ midden. aḏ ƹudden midden ssum n ayuh n lektub ufent 50,000 d imeḥbuben n lfejreṯ.20aḏ amyuh yusi dwiy n rebbiy iteṣel al midden. aḏ treni lqutis.21beƹd ayuh, yesmuḏ buwlus terzeft al uwrceliym af abriyḏ n meqduniya aḏ xaya. aḏ yuwa: «yexs beƹd man aqimeγ diyes areḥeγ al ruwma zada.»22yenkiy al meqduniya sen seg lliy tƹewenen diyes nihnin d timuṯawus aḏ resṭus. aḏ yerniy yeqqim netta fercu g asiya.23lweqt ḏḏin, yuqeƹ lehrej d meqqar g afsus afelxaḍert n yeh n abriyḏ jdiḏ.24yusi diyes yjen d ṣeyγi ismis dimitiryus iṣenneƹ g lmeƹbed d imeckunen n rṭamiys seg lfejreṯ. aḏ yetṣewer seg aydin netta aḏ ixedemnis ggeṯ d iflusen.25yesγuy af ixedemnis aḏ lliy teggen am netta, yuwayasen: «kennim tessennem lliy lmeṣwereneγ meqqar seg ayuh n lxeḏmeṯ.26aḏ kennim tzarrem aḏ teseγdim mammeḵ ayuh n buwlus iḍeyyeƹ midden ggeṯ g afsus aḏ asiya lkul, aḏ isiḵnasen lliy teswireṯ lliy nteggin s ifesnenneγ muc d teswireṯ n rebbiy.27aḏ ayuh muc taγenidur g lmeṣwereneγ akehaw. amma tayerra midden hejmen af lmeƹbed n rebbiynaγ temeqqart rṭamiys we tuda lhibtis g ijdi. we aymukes qedsis aḏ nettaṯ tẓallenas midden n asiya aḏ ddunyeṯ lkul.»28mniyn slen ixeddemen aḏ midden ayuh, γecceccen aḏ qqimen tṣeyḥen: «temeqqart rṭamiys rebbiy n afsus.»29yekṯered lehrej g tmura lkul. aḏ hjemen ggeṯ d midden af γayus aḏ rsterxus imeqduniyen lliy rezfen aḏ buwlus. aḏ kerekrenten al ssaḥeṯ n urar.30yesmuḏ buwlus tayeffeγ al midden. lekenti tlamḏa witedjin.31aḏ nkiynas leṣḥabis seg imeqqaren n asiya bac wiyetriḥc al ssaḥeṯ n urar. aḏ wiyetxeṭirc s imanis.32wsiyn midden wisinenc matta diyes aḏ y matta mleymen. aḏ kul yjen yemmal ḥaja.33aḏ yusi yid midden uḏay ismis skender duzzent wuḏeyen al zzaṯ bac ayuflay. yaxy iqam fusis bac asusmen midden.34lekenti midden fhemmen lliy netta d uḏay. aḏ qqimen tṣedƹen seƹtin: «temeqqart rṭamiys rebbiy n afsus.»35g lexxer, lƹumda n tmura yuwayasen arsen. yaxy uγen rrayis. aḏ yuwa: «ya midden n afsus mam wiyessinc lliy afsus tetƹussu af lmeƹbed n rṭamiys aḏ ṣnemmis lliy yezwad seg ujenna?36aḏ madam ayuh widdic ccek, yexs arsem. aḏ witetegemc ḥaja man γiyr man axememem.37rahiy tuγimd ayuh n sen n irgazen aḏ nihnin wisriqenc lmeƹbed aḏ wiḏƹunc y rṭamiys rebbiywem.38aḏ kan dimitiryus aḏ lliy yiḏes γarsen ckayeṯ, qa γarneγ lemḥakem aḏ lḥukkam. adj areḥen ackan.39aḏ kan γarwem ckayeṯ iḍen. rahiy yexs ḥekmen felles g lmejles ḥeqqani.40naγ anemḥakem lkulna afelxaḍert negga lehrej aḏ neccin wiγernexc ḥaja anemleyem afelxaḍrtis.»41beƹda mag yuwa ayuh, yuwayasen aruḥen.
Chutney Media Agency Limited