Acts18
1beƹdin yeffeγ buwlus seg ṯiyna ireḥ al kurinṯus.2aḏ yufa dinet uḏay ismis akiyla seg bunṭus, lliy seddiγ yused seg iyṭalya netta aḏ lehlis briskilla afelxaḍert lqeyṣer kuludiyus izeƹzeq wuḏeyen seg ruwma. yaxy ireḥḥesen buwlus.3aḏ afelxaḍert yusi am nihnin iṣenneƹ g lƹecceṯ, yeqqim γarsen ixeddem yiḏesen.4aḏ yusi kul sebbeṯ yetkacḥ lliy ḥderren g lmejmeƹ bac aḏemnen wuḏeyen aḏ iyuwnaniyen.5mniyn uṣelnas siyla aḏ timuṯawus seg meqduniya, yeqqim buwlus yetbeccer akehaw aḏ yeseḵan y wuḏeyen lliy yesuwƹ d netta d lmesiyḥ.6lekenti bbedenas. aḏ uḏellen tsubbun. yaxy yezelz fellasen leḥweyjis yuwayasen: «bekkeḍuwem g teḵrumtuwem. rahiy neči xaṭini. aḏ s ṭuruh tabecreγ lliy muc d wuḏeyen.»7aḏ iḥwel al tzaqqa n yjen muc d uḏay yetzella y rebbiy ismis tiyṭus yustus. aḏ tusi tezeqqas tman lmejmeƹ.8yaxy yumen s siydneγ krisbus meqqar n lmejmeƹ netta aḏ nnasnis lkul. aḏ slen ggeṯ d midden seg kurinṯus beccer n buwlus. yaxy umennen aḏ ttuzizdin.9ijenyeḍ, yezra buwlus siydneγ g tirjelt yemmalas: «witegeḏec, uflay, wisusumc.10rahiy lliγ iḏeḵ. aḏ wiyetquddu ḥetta d yjen afidur afelxaḍert γari midden ggeṯ g ayuh n tmura.»11yaxy yeqqim buwlus g kurenṯus suggas aḏ wezgen yesseḥfaḍ g midden g dwiy n rebbiy.12mniyn yusi lḥakem ruwmani γaliyun iḥekkem g xaya, mleymen wuḏeyen jmiyƹ af buwlus, awyent al lmeḥkmeṯ.13aḏ ckan siyes uwan: «ayuh n argaz yexs midden afγen seg cceriyƹeṯ n muwsa we adbeƹen breḏ d jdid.»14aḏ qebbel man ayuflay buwlus, yuwa γaliyun: «ayya wuḏeyen, lukan d ljerimeṯ naγ d temenγiwt rahiy taḥekmeγ jarewem s lƹedl.15amma madam lmucekleṯ d kaceḥ s tuflayin aḏ ismewen aḏ criƹtuwem, debreṯ ixfewnuwem weḥduwem. neči wiγisexc aḥekmeγ g ayuh n lemcakel.»16aḏ izeƹezqin seg lmeḥekmeṯ.17yaxy ṭefen sustanis meqqar n lmejmeƹ wettent zzaṯ lmeḥekmeṯ. lekenti γaliyun wisenyeggi ḥaja.18yeqqim buwlus g kurinṯus ggeṯ. wembeƹd yerzef af iylel al suwrya aḏ yiḏes briskilla aḏ akiyla. aḏ qebbel man ayerzef, yekkes udjufis g tmura n kenxiriya afelxaḍert yusi yuƹeḏ siyes rebbiy.19mniyn uṣellen al afsus, yedjin diyes buwlus aḏ yuḏef al lmejmeƹ yetkeceḥ g wuḏeyen.20yaxy uwanas ayeqqim γarsen iṭer lekenti wiyeqqil.21aḏ yuwayasen: «tafenderreγ kan yexs rebbiy.» aḏ yeffeγ seg afsus af iylel.22aḏ yezwa g lmers n lqeyṣeriya. yuli ysellem af aweṯen n lmejmeƹ diyes. wembeƹd ireḥ al anṭakiya.23yeqqim diyes fercu. wembeƹd yenneḍ g γelaṭya aḏ fiyrijiya. yetcejjeƹ g aweṯen seg umkan al umkan.24aḏ yused al afsus uḏay yluled g liskenderiya. aḏ ydugga yeqƹeḏ. aḏ yessen lektab n rebbiy ggeṯ ismis buwlus.25yusi yessen abriyḏ n siydneγ. aḏ yuḏel ixeṭṭeb s cjaƹeṯ temeqqart aḏ yesseḥfaḍ g leḥqeyeq af yesuwƹ yeqƹeḏ. lekenti netta yusi wiyessin kan zizdi n yaḥya.26aḏ yuḏel ydugga g lmejmeƹ s cjaƹeṯ. yaxy slennas akiyla aḏ briskilla awyent al γarsen aḏ siḵennas abriyḏ n rebbiy yeqƹeḏ.27aḏ yesmuḏ buwlus terzeft al xaya. yaxy cejƹent aweṯen aḏ nkiyyen y aweṯen g xaya bac aferḥen siyes. mniyn yuṣel al diyn iƹawen ggeṯ lliy umennen s nnaƹmeṯ lliy yucas rebbiy.28afelxaḍert yusi s lemayer lliy itucineṯ seg lektab iteqqes g imewn n wuḏeyen zzaṯ midden. aḏ yeseḵenasen lliy yesuwƹ netta d lmesiyḥ.
Chutney Media Agency Limited