Acts14
1g yquniya, yuḏef buwlus aḏ bernaba al lmejmeƹ n wuḏeyen am lƹadeṯ. aḏ uḏellen seƹzamen yeqƹeḏ almiy umennen s dwiysen ggeṯ seg wuḏeyen aḏ lyuwnaniyen.2lekenti indin lliy wuminenenc seg wuḏeyen ḥemcen lliy muc d wuḏeyen af aweṯen.3amma buwlus aḏ bernaba qqimen diyn ggeṯ tbecren s siydneγ man γiyr tiwdi. aḏ siydneγ lliy yusi yiḏesen, yucesen lqudreṯ af igga n leƹjayeb aḏ lmuƹjizaṯ d lemayer bac aḏemnen midden s tuflayt n nnaƹemtis.4yaxy mzunen midden n yquniya af sen; sisen mam yused aḏ wuḏeyen. aḏ sisen mam yused aḏ ayuh n sen n imersal.5smuḏen midden lliy muc d wuḏeyen aḏ wuḏeyen aḏ imeqqarensen aṯƹeddan af ayuh n sen n imersal we atenḥedfen s iḍγaγen,6slen sisen. aḏ rwellen al tmurewin n listera aḏ derba aḏ leḍrefsen g likeniya.7aḏ qqimen tbecren diyn.8aḏ yusi g tmura n listera meclul wiyeyyurc xlaṣ s manis yluled.9mniyn yusi yeseγda g dwiy n buwlus, yesmuqlas buwlus. aḏ yefhem lliy liymanis tatiseḥla.10yaxy yesγuyas: «kker bbed af iderniḵ.» ineggez argaz. aḏ yekker yeggur.11mniyn zren midden aydin, ṣedƹen s leγweṯ telekwenit uwan: «irebbiyenesen zwand jerenneγ g tteṣwireṯ n bnaḏem.»12aḏ semman bernaba zeyus lliy d rebbiy n iyuwnaniyen, aḏ buwlus hermes, lliy yusi d mersulis afelxaḍert yusi yedugga.13aḏ yused lkahen n zeyus seg lmeƹebdis lliy yusi af imi n tmura netta aḏ midden s leṭwaq n lwerd aḏ ifwunesen bac atenγersen y buwlus aḏ bernaba.14mniyn slen bernaba aḏ buwlus, skeṣen leḥweyjesen s lγiḍ. aḏ uḏeffen amas n midden.15qqimen tleƹelṭen aḏ mmelen: «maγer teteggem amyuh? rahiy neccin d midden am kennim. nused afenenbeccer bac abeṭlem ayuh n iḥejeyen. we ḏulem al rebbiy lliy yedder diyma aḏ lliy yeggi jenna aḏ tammurt aḏ iylel aḏ lliy disen lkul.16aḏ yedja midden imezweren aḏebƹen matta xsen.17lekenti yucesen ggeṯ d lemayer lliy sseḵenneṯ lliy netta d rebbiy; am nnaƹmeṯ lliy itucewemted: anzar lliy seg ujenna, aḏ lumasem n lγelleṯ, aḏ uču lliy yesecbeƹewem bac aferḥen ulawnewem.»18aḏ s ayuh n dwiy lkul qudden arren midden af teγrest.19wembeƹd usend wuḏeyen seg anṭakiya aḏ yquniya nnaḍḍen s midden. yaxy qqimen ḥedfen g buwlus almiy yuda ḥsebent yemmuṯ aḏ kerekrent al barra n tmura.20mniyn nnaḍḍen siyes tlamḏa, yekker. yeḏwel al tmura. aḏ al ača yerzef netta aḏ bernaba al derba.21aḏ becren middenis lliy ḏwellen ggeṯ sisen d tlamḏa. wembeƹd ḏwellen al listera aḏ yquniya aḏ al anṭakiya.22aḏ g ayuh n imuḵan lkul wsiyn tcejƹen g tlamḏa aḏ melnasen aṣebren af liyman aḏ lliy iḏaf al lmelekuwt n rebbiy widyettic menγir leƹḏab aḏ tƹeb.23aḏ ggen y tlamḏa izmimen g kul lmejmeƹ. wembeƹd ẓullen aḏ nihnin ẓwumen aḏ djen midden lkul jar ifesn n siydneγ lliy umennen siyes.24aḏ rzeffen seg ljiheṯ n bisidiya al bemfiyliya.25aḏ becren s linjiyl n rebbiy g burja wembeƹd rzeffen al lmers n ttaliya.26aḏ s yin uliyen g lbabur bac aḏulen al anṭakiya. ayuh n anṭakiya lliy diyes beqqenten lmumnin s lxiyr aḏ nnaƹmeṯ n rebbiy qebbel man arezfen bac aggen lwejbesen lliy ggent ṭuruh kamel.27mniyn uṣellen sγuyen y lliy g lmejmeƹ aḏ uwanasen af lliy yeggi rebbiy sisen aḏ lliy imir lbab n liyman ḥetta y lliy muc d wuḏeyen.28aḏ qqimen diyn yid tlamḏa ggeṯ d ussan.
Chutney Media Agency Limited