ISANZU Bible Version8
1Naɨakɨla aya, Yesʉ akalongola mʉisalɨ niikʉlʉ nizi niinino wazetanantya Nkani Nziza niaʉtemi wang’wi Itunda wazekɨɨla mʉisalɨ niikʉlʉ niisalɨ niiniino. Amanyisigwa awo ikʉmi naabɨɨlɨ aɨakʉie palʉng’wɨ nʉ Yesʉ,2nɨasʉngʉ awo ʉ Yesʉ naɨʉahegeeye ahɨng’wɨ nʉkʉaponya malwae ao. Mʉasʉngʉ nɨanso aɨamolɨ ɨa Malia nʉakʉ Magidala ʉyʉ naɨʉmʉhegeeye ahɨng’wɨ mʉpungatɨ nʉ,3Yoana mʉsʉngʉ wang’wa Kuza naɨ mitʉmi mʉkʉlʉ mʉnyʉmba angwa Helode nʉ Susana nɨasʉngʉ aʉya ɨdʉ, naɨ akendaaɨɨlya Yesʉ nɨa manyisigwa akwe kʉnsao yao.4Milʉndo nʉa antʉ ɨdʉ naɨwilʉndɨɨe, nawa naɨapembeeye mʉisalɨ ingɨɨza, Yesʉ akandya kʉamanyisa kʉmpyani.5Mʉmyagi ʉng’wɨ aɨwendile myaga mbeʉ. Naɨʉkʉmyaga mʉmʉgʉnda wakwe, mbeʉ yɨng’wɨ yɨkagwɨlya mʉnzɨla, akɨlanzɨla akaipambata nɨnyʉnyi yikalya.6Mbeʉ yɨng’wɨ yɨkagwɨla mʉnkaha, naɨihelʉkile ʉdu yɨkaʉlya ʉtundulu yɨkanyala.7Mbeʉ yɨng’wɨ yɨkagwɨla mʉmɨkahɨ, naɨihelʉkile ʉdu ikasopwa nɨmɨkahɨ nʉkʉkakɨla.8Mbeʉ yɨng’wɨ yɨkagwila mʉmboto, ikahelʉka nʉkʉkinda nʉkʉpa magana kʉkʉla inzʉya naɨimyaganigwe. Yesʉ naɨwakondya kʉtambʉla mpyani ɨyɨ, akitʉnta, akalʉnga, “Mʉntʉ wɨhi nʉigulye nʉalɨnge.”9Amanyisigwa akwe akamʉkolya impyani ɨyɨ ndogoelyo akwe ntʉni?10Yesʉ akaasʉkɨɨlya, “Ʉnyenye mʉpewe ʉhumi nʉa kʉʉlɨnga ʉʉnkunku nʉa Ʉtemi wang’wi Itunda, kʉaʉya shanga ʉʉ. Nɨanso ingɨ kʉamanyisa kʉmpyani, anga agozeele aleke kʉona hangɨ anga ategeelye aleke kʉlɨnga.11“Ʉʉgwa ndogoelyo ampyani ɨyɨ sɨyɨ, mbeʉ ingɨ lʉkani lang’wi Itunda.12Mbeʉ nazayigwɨe mʉnzɨla yimpyanigwe nɨantʉ nɨakija ʉlʉkani lang’wi Itunda, shetani wapembye nʉkʉlʉheja mʉnkolo yao, ingɨ aleng’we kʉlʉhʉɨɨla nʉkʉponyigwa.13Mbeʉ nazayigwɨe mʉnkaha yimpyanigwe nɨantʉ awo nɨɨtegeelya ʉlʉkani lang’wi Itunda nʉkʉlʉsingɨɨlya kʉʉlowa. Ingɨ shanga akʉlʉɨka mʉnkolo yao, anga ageng’we ʉdu, ɨleka.14Mbeʉ nazayigwɨe mʉmɨkahɨ yimpyanigwe nɨantʉ awo nɨakija ʉlʉkani, ingɨ nɨalongoleke nʉlʉkani lang’wi Itunda ɨnyong’wa nɨnkankani nʉ lwago nʉla ʉgolɨ, nʉ kiloa maintʉ amihɨɨ, antʉ awo shanga ishiɨ kʉtyata ʉmanyisigwa nʉa lʉkani lang’wi Itunda.15Ingɨ mbeʉ niigwɨɨe mʉmboto, ingɨ antʉ awo nɨijaa ʉlʉkani lang’wi Itunda nʉkʉlʉɨka mʉnkolo yao. Antʉ nɨanso ishiɨ kʉtyata ʉmanyisigwa nʉa lʉkani lang’wi Itunda.16“Antʉ shanga akɨlya ʉlʉmʉlɨ nʉkukʉnɨkɨla nashʉngʉ ang’wɨ kʉɨka mʉʉlungu nʉa ʉlɨlɨ. Ingɨ angaakɨlye ʉlʉmʉli ɨpagɨka mʉkɨpagɨko, ingɨ antʉ nɨakingɨla ɨzeaine.17Kʉnsoko kɨntʉ kɨhi nɨkɨpihilwe kɨkʉpihʉʉlwa, hangɨ kɨntʉ kɨhi nɨkaʉnkʉnkʉ kɨkʉumbʉʉlwa.18Kʉlʉlo hʉgʉki naya nɨmʉkija, kʉnsoko ʉyʉ nʉkete ʉkongeeligwa, ingɨ ʉyʉ nɨmʉgila, ʉkʉhegeligwa nɨkɨga nʉsɨgile kɨna ʉkete.”19Lʉhikʉ lʉng’wɨ nyinya ang’wa Yesʉ nɨaluna ang’wa Yesʉ aɨendile mʉona, nɨitɨga akaleng’wa kʉmʉpikɨɨla kʉnsoko aɨwiombazɨɨwe nɨantʉ.20Mʉntʉ akamʉtambʉɨla Yesʉ kɨna, “Ʉnyinya nɨaluna ako aloilwe kiona nʉng’wenso.”21Ingɨ ʉ Yesʉ akaasʉkɨɨlya ɨantʉ naɨamʉtambʉɨe, “Ʉiyaane nɨalunaane ingɨ antʉ awo nɨakija nʉkʉtyata ʉlʉkani lang’wi Itunda.”22Lʉhikʉ lʉng’wɨ ʉ Yesʉ aɨʉatambʉɨe ɨmanyisigwa akwe, “Kwɨni kʉtambʉke ʉlʉzɨ nʉlʉkʉlʉ.” Ʉʉgwa akanankɨla mibɨnɨ akalongola.23Naɨalongolekile nʉmʉhizo azeamoli mibɨnɨ, Yesʉ akahʉng’wa tʉlo, akalala. Kɨntingʉ kikʉlʉ kɨkandya kʉkunka, maɨngʉ amazɨ akatʉlingɨla mibɨnɨ, akahia kʉgwɨla mʉmazɨ.24Amanyisigwa ang’wa Yesʉ akamʉhanga akamʉpitya azelʉnga, “Isekʉlʉ, Isekʉlʉ. Ʉka kaakagwɨla mʉmazɨ!”
Yesʉ akapɨtya akimɨka, akakenela ɨkɨntingʉ nɨ maɨngʉ, nɨkɨntinkʉ kɨkatɨga ihɨtwɨ.25Sʉnga akaakolya amanyisigwa akwe, “Ʉhʉɨɨlɨ wanyu ʉkolɨ pɨɨ?”
Ʉʉgwa amanyisigwa akwe akakʉɨlwa nʉkingɨɨlwa nʉwoa kʉnʉ azikolya, “Mʉntʉ ʉyʉ nyenyu, ʉkʉlagɨɨlya ʉng’wega nɨmaɨngʉ, nɨmenso akʉmija?”26Sʉnga Yesʉ nɨamanyisigwa akwe akatambʉka lʉzɨ nʉla Galilaya akapika kitʉmbɨ lihɨɨ Aagelasi, ihɨɨ nɨkolɨ itʉmbɨ la kabɨɨlɨ nɨla Galilaya,27Yesʉ naɨwasima mibɨnɨ, akamʉhanga mʉntʉ ʉng’wɨ nʉagigwa nɨahɨng’wɨ kʉpuma mʉkɨsalɨ nɨkanso, mʉntʉ ʉyʉ aɨwɨgenda kɨpwɨ hangɨ shanga wishiɨ kito ingɨ mʉibɨɨla.28Mʉntʉ ʉyʉ naɨwamʉona ʉ Yesʉ akigʉma nʉkʉpalaganya pantongeela ang’wa Yesʉ nʉkitʉnta, “Ʉewe Yesʉ Ng’wana wang’wi Itunda nʉkolɨ migʉlya ikɨlo, ʉkʉhiya ʉntende ʉlɨ? Kʉʉlompa leka kʉnaja.”29Kʉnsoko Yesʉ aɨwamʉkenela ʉhɨng’wɨ wamʉleke ʉmʉntʉ ʉyʉ. Nkʉa yɨdʉ hɨng’wɨ ʉyʉ aɨwɨmaja ʉmʉntʉ ʉyʉ napaga naɨɨmʉkʉtungwa mɨnyololo mʉmɨgʉlʉ nɨmpɨngu mʉmɨkono nʉkʉmʉsʉnga, ingɨ nʉanso aɨwɨtɨnanga ɨmɨnyololo nimpɨngu, nʉhɨng’wɨ ʉyʉ nʉkʉtwalwa mʉwɨɨ.30Ʉʉgwa ʉ Yesʉ akamʉkolya, “Lina lako winyenyu?”
akamʉsʉkɨɨlya, “Nitangwaa ‘Idale”’ kʉnsoko aɨwingɨɨwe ahɨng’wɨ ɨdʉ.31Ahɨng’wɨ nɨanso akatula minena ʉ Yesʉ waleke kʉalagɨɨla alongole mikombo nɨlɨpu.32Pakʉpi ni pang’wanso aɨlɨkolɨ idale la ngʉlima lɨkʉdɨma mʉnkilimbwa alʉgʉlʉ. Ʉʉgwa, ahɨng’wɨ aɨaminenile ʉ Yesʉ amagombye ingɨle mʉngʉlima nɨanso. Yesʉ akamagombya.33Kʉlʉlo ahɨng’wɨ akamʉlekela ʉmʉntʉ nʉkingɨla mʉngʉlima. Ngʉlima yɨkahala, yɨkahulumʉka yɨkagwɨla mʉlʉzɨ nʉlʉkʉ yɨkakapɨla mʉmo.34Adɨma ngʉlima naɨaona aya ɨhi napumɨe akamanka, akalongola kʉapikɨlya ɨantʉ mʉisalɨ niinino niisalɨ nʉkʉlʉ.35Antʉ akapuma endihenga aya napumɨe, naɨapikile pang’wa Yesʉ, akamʉona ʉmʉhali nʉlekewe nɨahɨng’wɨ wikiɨ pakupɨ nʉ Yesʉ, ʉkete mahala akwe hangɨ ʉtugae ngʉo, antʉ nɨanso akogopa.36Antʉ awo naɨailolenkee makani aya napumɨe, akaaganʉɨla ɨantʉ awa ʉmʉntʉ ʉyʉ ʉponyigwe ʉli.37Sʉnga antʉ ihɨɨ akʉ Gelasi akogopa, amkamʉlompa ʉ Yesʉ waateele, wahege mʉkɨsalɨ nɨkanso. Yesʉ akanankɨla hangɨ mibɨnɨ, akahega.38Matungo ʉ Yesʉ naɨʉkʉhega, mʉntʉ ʉyʉ naɨʉhegeigwe ahɨng’wɨ akamʉlompa ʉ Yesʉ “Ndeke kʉkʉɨlanie.”
Yesʉ akamʉhitɨlya, akamʉɨla,39“Tulya kitolako ʉganʉle ʉkende nʉtendeewe ni Itunda.”
Ʉʉgwa, mʉntʉ ʉyʉ akalongola mʉkɨsalɨ wazetanantya makani ɨhi nʉtendeewe nʉ Yesʉ.40Yesʉ naɨʉkʉtulya kʉpuma kitʉmbɨ nɨla Agelasi, akasingɨiligwa kʉʉlowa ʉkʉlʉ, kʉnsoko aɨamʉlindɨɨe.41Papo wa akɨza mʉntʉ ʉng’wɨ witangwaa Yeilo mʉtongeeli nʉa nyʉmba akʉtankanɨla Ayahudi akatugama pamɨgʉlʉ ang’wa Yesʉ, akamʉlompa alongolanie kitolakwe,42kʉnsoko mʉnanso wakwe kinyene nʉamyaka ikʉmi na ibɨɨlɨ aɨmʉlwae kʉhiya kʉsha.
Yesʉ naɨʉlongoe kʉ mʉntʉ ʉyʉ iumbɨ la antʉ aɨakʉmʉnyoma mpande yɨhi.43Mʉmilʉndo nʉanso aɨʉkolɨ mʉsʉngʉ ʉng’wɨ aɨwɨnyong’waa kʉpuma nɨsakami itungo lamyaka ikʉmi naɨbɨɨlɨ, mʉsʉngʉ aɨwaʉɨwe insao kʉnsoko akʉʉtankɨɨla ʉlwae ʉwʉ mʉalagʉli ɨdʉ, kʉtilɨ ʉmʉlagʉli naɨwahumile kʉmʉkɨlɨka.44Mʉsʉngʉ ʉyʉitɨ akamʉtyatɨɨla ʉ Yesʉ kʉnyuma akantomya ɨnsonge ngʉo lang’wa Yesʉ, itungo lɨlo sakami ɨkapela kʉpuma, akakomya.45Yesʉ akaakolya, “Nyenyu nʉtomilye ngʉo lane?” Antʉ ɨhi akalʉnga kɨna kʉtilɨ anga mʉntʉ wɨhi nʉtomilye. Petelo akamʉtambʉɨla, “Isekʉlʉ, milundo wɨhi ʉwʉ nʉaantʉ niakʉpɨlɨmikɨɨye nʉkʉʉnyoma.”46Yesʉ akalʉnga, “Ʉkolɨ mʉntʉ ʉntomilye kʉnsoko kʉona ngulu impumile.”47Mʉsʉngʉ ʉyʉ akaona kɨna ʉkʉleng’wa kipiha, akikumʉʉla kʉnʉ wazekagata nawoa, akagwa ʉundaala pamɨgʉlʉ ang’wa Yesʉ. Papo akandya kʉganʉla nɨkɨ ʉtomilye ngʉo lang’wa Yesʉ nɨitɨ nʉkomilye ɨndwala akwe.48Yesʉ akamʉɨla mʉsʉngʉ ʉyʉ, “Mʉnanso, ʉhʉɨɨlɨ wako wakoponia, longola nʉʉlowa wang’wi Itunda.”49Yesʉ naɨwakɨlɨ ʉlongolekile kʉtambʉla, mʉntʉ ʉng’wɨ akapembya kʉpuma mʉnyʉmba ang’wa Yailo akamʉletela mpola. “Ntʉnigwa nʉkʉkʉnyoma ʉ Mʉmanyisi kʉ mʉnanso wako wakʉza?”50Yesʉ naɨwija inkani izi akamʉtambʉɨla ʉ Yailo, “Leka kogopa, nihuiile ʉdu, mʉnanso wako ukukomya.”51Sʉnga Yesʉ akalongola kʉng’wa Yailo, naɨapikɨɨla mʉnyʉmba shanga akaagombya mʉntʉ wɨhi kingɨlania, ingɨ Petelo nʉ Yohana nʉ Yakobo nialeli amʉnanso.52Anyasʉka akaze alongolekile kʉlɨla nʉkihongeelya kʉnsoko asʉka. Yesʉ akaaɨla, “Leki kʉlɨli kʉnsoko ʉng’wana ʉyʉ shanga ʉkʉle, ingɨ ʉlae!”53Anyasʉka akaheka nʉkʉmʉdalaha ʉ Yesʉ kʉnsoko nɨanso aɨaine kɨna ʉmʉnanso wakʉzaa kalɨ.54Ingɨ Yesʉ akaʉamba ʉmʉkono wamʉnanso nʉkitanga, “Ʉewe mʉnanso ʉka.”55Itungo lɨlo mʉnanso akapangataala akaʉka. Yesʉ akaaɨla ɨaleli akwe amʉpe indya.56Ingɨ aleli amʉnanso ʉyʉ akakʉɨlwa, Yesʉ akaagilya aleke kʉganʉla kʉ mʉntʉ wɨhi aya natendekile.
Yesʉ akapɨtya akimɨka, akakenela ɨkɨntingʉ nɨ maɨngʉ, nɨkɨntinkʉ kɨkatɨga ihɨtwɨ.25Sʉnga akaakolya amanyisigwa akwe, “Ʉhʉɨɨlɨ wanyu ʉkolɨ pɨɨ?”
Ʉʉgwa amanyisigwa akwe akakʉɨlwa nʉkingɨɨlwa nʉwoa kʉnʉ azikolya, “Mʉntʉ ʉyʉ nyenyu, ʉkʉlagɨɨlya ʉng’wega nɨmaɨngʉ, nɨmenso akʉmija?”26Sʉnga Yesʉ nɨamanyisigwa akwe akatambʉka lʉzɨ nʉla Galilaya akapika kitʉmbɨ lihɨɨ Aagelasi, ihɨɨ nɨkolɨ itʉmbɨ la kabɨɨlɨ nɨla Galilaya,27Yesʉ naɨwasima mibɨnɨ, akamʉhanga mʉntʉ ʉng’wɨ nʉagigwa nɨahɨng’wɨ kʉpuma mʉkɨsalɨ nɨkanso, mʉntʉ ʉyʉ aɨwɨgenda kɨpwɨ hangɨ shanga wishiɨ kito ingɨ mʉibɨɨla.28Mʉntʉ ʉyʉ naɨwamʉona ʉ Yesʉ akigʉma nʉkʉpalaganya pantongeela ang’wa Yesʉ nʉkitʉnta, “Ʉewe Yesʉ Ng’wana wang’wi Itunda nʉkolɨ migʉlya ikɨlo, ʉkʉhiya ʉntende ʉlɨ? Kʉʉlompa leka kʉnaja.”29Kʉnsoko Yesʉ aɨwamʉkenela ʉhɨng’wɨ wamʉleke ʉmʉntʉ ʉyʉ. Nkʉa yɨdʉ hɨng’wɨ ʉyʉ aɨwɨmaja ʉmʉntʉ ʉyʉ napaga naɨɨmʉkʉtungwa mɨnyololo mʉmɨgʉlʉ nɨmpɨngu mʉmɨkono nʉkʉmʉsʉnga, ingɨ nʉanso aɨwɨtɨnanga ɨmɨnyololo nimpɨngu, nʉhɨng’wɨ ʉyʉ nʉkʉtwalwa mʉwɨɨ.30Ʉʉgwa ʉ Yesʉ akamʉkolya, “Lina lako winyenyu?”
akamʉsʉkɨɨlya, “Nitangwaa ‘Idale”’ kʉnsoko aɨwingɨɨwe ahɨng’wɨ ɨdʉ.31Ahɨng’wɨ nɨanso akatula minena ʉ Yesʉ waleke kʉalagɨɨla alongole mikombo nɨlɨpu.32Pakʉpi ni pang’wanso aɨlɨkolɨ idale la ngʉlima lɨkʉdɨma mʉnkilimbwa alʉgʉlʉ. Ʉʉgwa, ahɨng’wɨ aɨaminenile ʉ Yesʉ amagombye ingɨle mʉngʉlima nɨanso. Yesʉ akamagombya.33Kʉlʉlo ahɨng’wɨ akamʉlekela ʉmʉntʉ nʉkingɨla mʉngʉlima. Ngʉlima yɨkahala, yɨkahulumʉka yɨkagwɨla mʉlʉzɨ nʉlʉkʉ yɨkakapɨla mʉmo.34Adɨma ngʉlima naɨaona aya ɨhi napumɨe akamanka, akalongola kʉapikɨlya ɨantʉ mʉisalɨ niinino niisalɨ nʉkʉlʉ.35Antʉ akapuma endihenga aya napumɨe, naɨapikile pang’wa Yesʉ, akamʉona ʉmʉhali nʉlekewe nɨahɨng’wɨ wikiɨ pakupɨ nʉ Yesʉ, ʉkete mahala akwe hangɨ ʉtugae ngʉo, antʉ nɨanso akogopa.36Antʉ awo naɨailolenkee makani aya napumɨe, akaaganʉɨla ɨantʉ awa ʉmʉntʉ ʉyʉ ʉponyigwe ʉli.37Sʉnga antʉ ihɨɨ akʉ Gelasi akogopa, amkamʉlompa ʉ Yesʉ waateele, wahege mʉkɨsalɨ nɨkanso. Yesʉ akanankɨla hangɨ mibɨnɨ, akahega.38Matungo ʉ Yesʉ naɨʉkʉhega, mʉntʉ ʉyʉ naɨʉhegeigwe ahɨng’wɨ akamʉlompa ʉ Yesʉ “Ndeke kʉkʉɨlanie.”
Yesʉ akamʉhitɨlya, akamʉɨla,39“Tulya kitolako ʉganʉle ʉkende nʉtendeewe ni Itunda.”
Ʉʉgwa, mʉntʉ ʉyʉ akalongola mʉkɨsalɨ wazetanantya makani ɨhi nʉtendeewe nʉ Yesʉ.40Yesʉ naɨʉkʉtulya kʉpuma kitʉmbɨ nɨla Agelasi, akasingɨiligwa kʉʉlowa ʉkʉlʉ, kʉnsoko aɨamʉlindɨɨe.41Papo wa akɨza mʉntʉ ʉng’wɨ witangwaa Yeilo mʉtongeeli nʉa nyʉmba akʉtankanɨla Ayahudi akatugama pamɨgʉlʉ ang’wa Yesʉ, akamʉlompa alongolanie kitolakwe,42kʉnsoko mʉnanso wakwe kinyene nʉamyaka ikʉmi na ibɨɨlɨ aɨmʉlwae kʉhiya kʉsha.
Yesʉ naɨʉlongoe kʉ mʉntʉ ʉyʉ iumbɨ la antʉ aɨakʉmʉnyoma mpande yɨhi.43Mʉmilʉndo nʉanso aɨʉkolɨ mʉsʉngʉ ʉng’wɨ aɨwɨnyong’waa kʉpuma nɨsakami itungo lamyaka ikʉmi naɨbɨɨlɨ, mʉsʉngʉ aɨwaʉɨwe insao kʉnsoko akʉʉtankɨɨla ʉlwae ʉwʉ mʉalagʉli ɨdʉ, kʉtilɨ ʉmʉlagʉli naɨwahumile kʉmʉkɨlɨka.44Mʉsʉngʉ ʉyʉitɨ akamʉtyatɨɨla ʉ Yesʉ kʉnyuma akantomya ɨnsonge ngʉo lang’wa Yesʉ, itungo lɨlo sakami ɨkapela kʉpuma, akakomya.45Yesʉ akaakolya, “Nyenyu nʉtomilye ngʉo lane?” Antʉ ɨhi akalʉnga kɨna kʉtilɨ anga mʉntʉ wɨhi nʉtomilye. Petelo akamʉtambʉɨla, “Isekʉlʉ, milundo wɨhi ʉwʉ nʉaantʉ niakʉpɨlɨmikɨɨye nʉkʉʉnyoma.”46Yesʉ akalʉnga, “Ʉkolɨ mʉntʉ ʉntomilye kʉnsoko kʉona ngulu impumile.”47Mʉsʉngʉ ʉyʉ akaona kɨna ʉkʉleng’wa kipiha, akikumʉʉla kʉnʉ wazekagata nawoa, akagwa ʉundaala pamɨgʉlʉ ang’wa Yesʉ. Papo akandya kʉganʉla nɨkɨ ʉtomilye ngʉo lang’wa Yesʉ nɨitɨ nʉkomilye ɨndwala akwe.48Yesʉ akamʉɨla mʉsʉngʉ ʉyʉ, “Mʉnanso, ʉhʉɨɨlɨ wako wakoponia, longola nʉʉlowa wang’wi Itunda.”49Yesʉ naɨwakɨlɨ ʉlongolekile kʉtambʉla, mʉntʉ ʉng’wɨ akapembya kʉpuma mʉnyʉmba ang’wa Yailo akamʉletela mpola. “Ntʉnigwa nʉkʉkʉnyoma ʉ Mʉmanyisi kʉ mʉnanso wako wakʉza?”50Yesʉ naɨwija inkani izi akamʉtambʉɨla ʉ Yailo, “Leka kogopa, nihuiile ʉdu, mʉnanso wako ukukomya.”51Sʉnga Yesʉ akalongola kʉng’wa Yailo, naɨapikɨɨla mʉnyʉmba shanga akaagombya mʉntʉ wɨhi kingɨlania, ingɨ Petelo nʉ Yohana nʉ Yakobo nialeli amʉnanso.52Anyasʉka akaze alongolekile kʉlɨla nʉkihongeelya kʉnsoko asʉka. Yesʉ akaaɨla, “Leki kʉlɨli kʉnsoko ʉng’wana ʉyʉ shanga ʉkʉle, ingɨ ʉlae!”53Anyasʉka akaheka nʉkʉmʉdalaha ʉ Yesʉ kʉnsoko nɨanso aɨaine kɨna ʉmʉnanso wakʉzaa kalɨ.54Ingɨ Yesʉ akaʉamba ʉmʉkono wamʉnanso nʉkitanga, “Ʉewe mʉnanso ʉka.”55Itungo lɨlo mʉnanso akapangataala akaʉka. Yesʉ akaaɨla ɨaleli akwe amʉpe indya.56Ingɨ aleli amʉnanso ʉyʉ akakʉɨlwa, Yesʉ akaagilya aleke kʉganʉla kʉ mʉntʉ wɨhi aya natendekile.
The Word for the World International