ISANZU Bible Version7
1Yesʉ naɨwakondya kʉtambʉla inkani izi yɨhi kʉ antʉ naɨamʉtegeeye, akalongola mʉkɨsalɨ ka Kapelinaʉmu.2Kʉng’wanso aɨʉkolɨ mʉkʉlʉ wiumbɨ lamʉmboi nʉakʉ Loma. Mʉkʉlʉ wakwe aɨʉmʉloilwe ikilo, mʉntʉ ʉyʉ aimʉlwae do.3Mʉkʉlʉ ʉyʉ nʉa amboi naɨwakija inkani yang’wa Yesʉ, akaalagɨɨlya anyampala a Kiyahudi amʉlompe ʉ Yesʉ waze wamʉponye ʉmitʉmi wakwe.4Akamʉhanga ʉ Yesʉ akamʉpepeelya wamʉaɨɨlye Mʉkʉlʉ ʉyʉ nʉa amboi, akamʉɨla, “Itʉnʉ mʉntu ʉyʉ ʉtakɨwe kʉaɨɨligwa.5Kʉnsoko ɨɨza ʉaloilwe ɨantʉ itʉ hangɨ ʉkʉzengeeye nyʉmba akʉʉtankanɨla.”6Yesʉ akityata nɨenso, naɨwamihumbeela ɨnyʉmba, mʉkʉlʉ ʉyʉ nʉa amboi akaalagɨɨlya ahʉmbaʉya amʉɨle ʉ Yesʉ, “Isekʉlʉ leka kiaja, ʉnene shanga ntakɨwe nʉkingɨlye mitolane.7Yiyo nsoko azamine shanga ntakɨwe kʉʉhumbeela. Ingɨ tambʉla lʉkani ʉdu ʉmitʉmi wane ʉkʉkomya.8Kʉnsoko ʉnene nkete akʉluane nɨantongee, nʉnene nkete amboi nɨnɨatongee. Anga nʉmʉɨle ʉng’wɨao, ‘Longola!’ nʉyo wilongola, hangɨ anga nʉmʉɨle ʉmʉya ‘Nzʉʉ!’ wɨpembyaa. Mʉtugwa wanega anga nʉmʉlagɨɨlye, ‘Itʉme kɨntʉ ɨkɨ’ nʉanso witʉma.”9Yesʉ naɨwija inkani izi, akakʉɨlwa, akaapɨlʉkɨla ɨantʉ naɨityatile, akaatambʉɨla, “Nkɨlɨ kʉona nʉ mʉantʉ Aisilaeli ga mʉntʉ nʉkete ʉhʉɨɨlɨ nʉaitɨ.”10Antʉ awa naɨatʉmilwe nʉ mʉkʉlʉ ʉyʉ nʉa amboi kʉng’wa Yesʉ, akatʉlya kito akahanga ʉmʉlwae wakomyaa.11Ʉʉgwa naɨʉmaile ʉdu nanso Yesʉ akalongola mʉkɨsalɨ ka kʉ Naini, aɨakʉɨlanilye nɨamanyisigwa akwe palʉng’wɨ nɨantʉ ɨdʉ.12Naɨahumbeela pa mʉmpita nʉa kɨsalɨ, akapembya antʉ akenkile mʉimba wamʉhʉmba mʉmɨangʉ alongoe kʉmʉɨka kʉnzi akɨsalɨ. Mʉhʉmba ʉyʉ naɨʉkʉle aɨkinyene ʉnyinya aɨwashɨɨwe nʉmʉgoha, anyasʉka ɨdʉ aɨakʉɨe nʉmʉsʉngʉ nʉshɨɨwe.13Yesʉ naɨwamʉona ʉmʉsʉngʉ nʉshɨɨwe akamʉaisɨɨlya, akamʉɨla, “Kilaja kʉlila.”14Sʉnga akaadagɨla nʉkʉamba mɨangʉ, awa naɨakenkile ʉmʉimba akimɨka, nao akaʉtʉla pihɨ ʉmʉimba, akakɨlaga nʉmʉkʉtegeelya. Yesʉ akaʉtambʉɨla ʉmʉimba, “Mʉhʉmba kʉʉɨla, ʉka.”15Mʉhʉmba ʉyʉ naɨʉkule akaʉka akikiɨ akandya kʉligitya nɨantʉ, Yesʉ akamʉɨla ʉnyinya nʉa ng’wana mʉhole ʉng’waako.16Antʉ ɨhi akagʉlʉala, akamʉkʉlya Itunda azelʉnga, “Mʉmanga mʉkʉlʉ wakigeela mʉng’wɨtʉ, Itunda ʉzile aponya ɨantʉ akwe.”17Ikani ɨlɨ naɨwitʉmɨle ʉ Yesʉ akakʉmʉka mihɨɨ ɨhi na Yʉdea nʉ mʉisalɨ yɨhi niya pakʉpɨ.18Amanyisigwa ang’wa Yohana Mʉbadisi akamʉganʉɨla ʉ Yohana makani aya ɨhi. Kʉlʉlo ʉ Yahana akaitanga amanyisigwa akwe abɨɨlɨ,19akaalagɨɨlya alongole kʉng’wi Isekʉlʉ amʉkolye, “Itɨɨ, ʉewe yʉyone nɨkʉɨɨwe ʉpembilye, ang’wi kʉmʉlindɨɨle mʉngɨɨza?”20Amanyisigwa naɨalagɨɨgwe akapika kʉng’wa Yesʉ, nʉkʉmʉɨla, “Yohana Mʉbadisi ʉkʉlagɨɨye kʉkʉkolye, ‘Itɨɨ, ʉewe yʉyone nɨkʉɨɨwe ʉpembilye, ang’wi kʉmʉlindɨɨle mʉngɨɨza?”’21Matungo nanso ʉ Yesʉ aɨʉkʉaponya ɨantʉ naɨakete malwae, nawa nɨakete ahɨng’wɨ aɨahegeigwe, nɨapoku ɨdʉ akaatendeela aone.22Ʉʉgwa ʉ Yesʉ akaasʉkɨɨlya amanyisigwa awo naɨalagɨigwe, “Longoli mʉmʉtambʉɨle ʉ Yohana aya ɨhi nɨmilolenkee nʉkija. Apoku akʉona, nɨakɨtele akʉgenda, niantʉ anambʉ akeligwa, nɨagulu akija, nɨashi akiʉkigwa, nɨaʉla akʉtanantɨlɨgwa Nkani ni Nziza.23Ʉtendeewe ʉkende ni Itunda mʉntʉ ʉyʉ nɨmʉgila nkankani nʉnene.”24Antʉ awo naɨalagɨigwe nʉ Yohana naɨakahega nʉkʉlongola, Yesʉ akandya kʉatambʉaɨla ɨantʉ nkani yang’wa Yohana, “Ʉko mʉwɨɨ azamendile kihenga kɨntʉ kɨɨ? Itɨɨ, azamendile kihenga nkonkoma nʉʉkʉkunkwa nʉng’wega ne?25Ingɨ aza mendɨle kihenga mʉntʉ kɨɨ? Azamendile mʉona mʉntʉ nʉitungile ngʉo akɨgolɨ? Shanga ʉʉ ɨantʉ nɨɨtungala ɨngʉo akɨgolɨ nawa nɨakete maintʉ ɨhi nɨmaza ishiɨ mʉ mazʉmba akitemi, shanga ishiɨ mʉwɨɨ.26Ntambʉɨlɨ aza mendile iloela kɨntʉkɨɨ? Aza mendele mʉona mʉmangane? Kʉlʉ kʉʉlʉ kʉmʉɨla nɨmʉmʉine ʉkɨlɨnkɨɨe ʉmʉmanga.27Ʉyʉ yʉyʉ nkani yakwe niiandɨkilwe mʉʉandɨkwa, kɨna. ‘Itunda aɨʉtambʉe, kʉmʉtongelya mʉtʉʉng’wa wakʉtongeele, nʉkʉʉnoneelelya nzɨla nʉʉkʉkɨɨla ʉewe.”’28Sʉnga ʉ Yesʉ akaatambʉla ɨantʉ, “Kʉmʉɨla, mʉʉantʉ nɨatugilwe nʉmʉsʉngʉ kʉtilɨ nʉmʉkʉlʉ kʉmʉkɨla ʉ Yohana Mʉbadisi. Ingɨ ʉyʉ nɨmʉniino mʉʉtemi wang’wi Itunda ingɨ mʉkʉlʉ kʉkɨla ʉ Yohana Mʉbadisi.”29Antʉ ɨhi palʉng’wɨ nɨahangʉlwa kodi naɨija inkani yang’wa Yesʉ akagomba kɨna Itunda ingɨ mʉkende, antʉ awa wawo Yohana naɨ ʉabadisilye.30Ingɨ Apalisayo nɨamanyisi amalagɨɨyo akahita ayo Itunda naɨʉlagɨɨye ɨtʉme, kʉnsoko shanga aɨagombile kʉbadisigwa nʉ Yohana.31Yesʉ akalongoleka kʉtambʉla, “Antʉ awileli ʉwʉ nɨimpyanie nɨ ntʉni? Itɨɨ, impyani nɨ ntʉni?32Impyani nɨang’ɨnya nɨakolɨ pigalagalo. Nɨakikʉtɨɨlya enso, ‘Kʉkʉile impɨlɨmbɨ ʉnyenye shanga maina. Kɨmbile ɨmɨmbo asʉka, ʉnyenye shanga malɨla.’33Kʉnsoko ʉ Yohana mʉbadisi aɨʉzile aɨwɨgwalya kʉlya ang’wɨ kʉng’wa dibai, ‘Ʉnyenye mɨkalʉnga. ‘Ʉkete hɨng’wɨ.’34Ng’wana wang’wa Adamu waza ʉkʉlya nʉkʉng’wa nʉnyenye malʉnga, ‘Mʉoni mʉntʉ ʉyʉ mʉlakʉ hangɨ wɨgala, mʉhumbaʉya waa ahangʉlwa kodi nɨanyamɨlandʉ.’35Nɨitɨga ɨmahala ang’wi Itunda akamɨnkɨigwe kɨna atai kʉ awo nɨamagombile.”36Lʉhikʉ lʉng’wɨ mpɨndɨ Palisayo ʉng’wɨ akamʉlompa ʉ Yesʉ alɨzanie indya kitolakwe, ʉʉgwa ʉ Yesʉ akalongolania nʉ Palisayo ʉyʉ akalama pihɨ mʉkɨpalatʉ walye indya.37Mʉkɨsalɨ nɨkanso aɨʉkolɨ mʉsʉngʉ ʉng’wɨ mʉnyamɨlandʉ. Naɨwigulye Yesʉ ʉkʉlya ndya mʉnyʉmba ang’wa Palisayo, akapembya nɨ kɨhongolo kizʉe makuta amanyunkɨɨlo,38akatuna panyuma amɨgʉlʉ ang’wa Yesʉ, akatulalɨla. Liholi lɨkatonyokela mʉmɨgʉlʉ ang’wa Yesʉ. Mʉsʉngʉ ʉyʉ akatugama akapyagʉla ʉliholi mʉmɨgʉlʉ ang’wa Yesʉ kʉnsingɨ yakwe, kʉnʉ wazemʉungatɨla ɨmɨgʉlʉ, nʉkʉpʉgʉhɨla ɨmanyunkɨɨlo.39Palisayo ʉyʉ naɨʉmʉsɨngɨɨye ʉ Yesʉ mitolakwe naɨwiloeela aya, akasɨganɨɨlya mʉnkolo akwe, “Anga ɨze mʉntʉ ʉyʉ mʉmanga wang’wi Itunda, aza ʉzelɨnga kɨna nyenyu nʉkʉmʉamba, hangɨ kɨna mʉsʉngʉ ʉyʉ ingɨ mʉnyamɨlandʉ.”40Yesʉ akamʉtambʉɨla ʉ Palisayo, “Simoni nkete lʉkani nʉlakʉʉtambʉɨla.” Simoni nʉyo akamʉsʉkɨɨlya ʉ Yesʉ,
“Mʉmanyisi ntambʉɨle,”41Yesʉ akatambʉla “Aɨakolɨ antʉ abɨɨlɨ naɨakopile mpia kʉ mʉntʉ nʉɨkopisa,” Yesʉ akalongoleka kʉlʉnga, “Ʉng’wiao aɨʉdaigwe ʉnyinyʉ nʉa dinali magana ataano, ihanga kɨnyamʉlɨmo ka mahikʉ magana ataano. Nʉmʉya aɨʉdaigwe ʉnyinyʉ nʉa dinali makʉmi ataano, ihanga kɨnyamʉlɨmo ka mahikʉ makumi ataano.42Antʉ awa mʉʉbɨɨlɨao naɨakopile naɨaleng’wa kʉmʉsʉkɨɨlya ʉmʉkopisi impia yakwe, mʉkopisi wao akaalekela. Sialɨ ntambʉɨle nʉʉli nʉɨkamʉlowa ʉmʉkopisi?”43Simoni akamʉsʉkɨɨlya ʉ Yesʉ, “Nsigile yʉyʉ nʉlekewe ʉdaigwa ʉkʉlʉ.”
Yesʉ akamʉɨla ʉ Simoni watambʉla iza.”44Sʉnga akamʉpɨlʉkɨla ʉmʉsʉngʉ ni mʉnyamɨlandʉ akamʉɨla ʉ Simoni, “Itɨɨ, ʉmʉine ʉmʉsʉngʉ ʉyʉ? Nɨningɨɨlɨla mitolako wahita kʉmpa ɨmazɨ nkalalye ɨmɨgʉlʉ ane, ingɨ ʉmʉsʉngʉ wanogelya ɨmɨgʉlʉane kʉliholi lakwe nʉkʉmpyagʉla kʉnsingɨ yakwe.45Ʉewe shanga ʉnamʉkilye nʉkʉmungatɨla, ingɨ ʉmʉsʉngʉ ʉyʉ nɨningɨɨlɨla apaitɨ ʉkenda mɨungatɨla ɨmɨgʉlʉ ane.46Ʉewe shanga ʉmpʉgʉhɨe ɨmakʉta mitwe lane, ingɨ ʉmʉsʉngʉ ʉyʉ wampʉgʉhɨla manyunkɨɨlo mʉmɨgʉlʉ ane.47Kʉlʉlo kʉʉtambʉɨla, itɨgwa kʉʉlowa ʉkʉlʉ nʉa mʉsʉngʉ ʉyʉ walekelwa ɨmɨlandʉ akwe ɨhi. Kʉnsoko wantendeela ʉlowa ʉkʉlʉ, ingɨ mʉntʉ nʉlekewe nɨkɨniino wɨlowa iniino.”48Sʉnga Yesʉ akamʉɨla ʉmʉsʉngʉ ʉyʉ, “Walekelwa ɨmɨlandʉ ako.”49Antʉ ang’wi naɨakolɨ mʉnyʉmba akatʉlikolya ɨenso, “Itɨɨ, mʉntʉ ʉyʉ nyenyu, nʉhumile kʉalekela ɨantʉ ɨmɨlandʉ ao?”50Yesʉ akamʉɨla umʉsʉngʉ ʉyʉ, “Ʉhʉɨɨlɨ wako wakʉguna, ongola izewiloile.”
“Mʉmanyisi ntambʉɨle,”41Yesʉ akatambʉla “Aɨakolɨ antʉ abɨɨlɨ naɨakopile mpia kʉ mʉntʉ nʉɨkopisa,” Yesʉ akalongoleka kʉlʉnga, “Ʉng’wiao aɨʉdaigwe ʉnyinyʉ nʉa dinali magana ataano, ihanga kɨnyamʉlɨmo ka mahikʉ magana ataano. Nʉmʉya aɨʉdaigwe ʉnyinyʉ nʉa dinali makʉmi ataano, ihanga kɨnyamʉlɨmo ka mahikʉ makumi ataano.42Antʉ awa mʉʉbɨɨlɨao naɨakopile naɨaleng’wa kʉmʉsʉkɨɨlya ʉmʉkopisi impia yakwe, mʉkopisi wao akaalekela. Sialɨ ntambʉɨle nʉʉli nʉɨkamʉlowa ʉmʉkopisi?”43Simoni akamʉsʉkɨɨlya ʉ Yesʉ, “Nsigile yʉyʉ nʉlekewe ʉdaigwa ʉkʉlʉ.”
Yesʉ akamʉɨla ʉ Simoni watambʉla iza.”44Sʉnga akamʉpɨlʉkɨla ʉmʉsʉngʉ ni mʉnyamɨlandʉ akamʉɨla ʉ Simoni, “Itɨɨ, ʉmʉine ʉmʉsʉngʉ ʉyʉ? Nɨningɨɨlɨla mitolako wahita kʉmpa ɨmazɨ nkalalye ɨmɨgʉlʉ ane, ingɨ ʉmʉsʉngʉ wanogelya ɨmɨgʉlʉane kʉliholi lakwe nʉkʉmpyagʉla kʉnsingɨ yakwe.45Ʉewe shanga ʉnamʉkilye nʉkʉmungatɨla, ingɨ ʉmʉsʉngʉ ʉyʉ nɨningɨɨlɨla apaitɨ ʉkenda mɨungatɨla ɨmɨgʉlʉ ane.46Ʉewe shanga ʉmpʉgʉhɨe ɨmakʉta mitwe lane, ingɨ ʉmʉsʉngʉ ʉyʉ wampʉgʉhɨla manyunkɨɨlo mʉmɨgʉlʉ ane.47Kʉlʉlo kʉʉtambʉɨla, itɨgwa kʉʉlowa ʉkʉlʉ nʉa mʉsʉngʉ ʉyʉ walekelwa ɨmɨlandʉ akwe ɨhi. Kʉnsoko wantendeela ʉlowa ʉkʉlʉ, ingɨ mʉntʉ nʉlekewe nɨkɨniino wɨlowa iniino.”48Sʉnga Yesʉ akamʉɨla ʉmʉsʉngʉ ʉyʉ, “Walekelwa ɨmɨlandʉ ako.”49Antʉ ang’wi naɨakolɨ mʉnyʉmba akatʉlikolya ɨenso, “Itɨɨ, mʉntʉ ʉyʉ nyenyu, nʉhumile kʉalekela ɨantʉ ɨmɨlandʉ ao?”50Yesʉ akamʉɨla umʉsʉngʉ ʉyʉ, “Ʉhʉɨɨlɨ wako wakʉguna, ongola izewiloile.”
The Word for the World International