ISANZU Bible Version18
1Itɨ gwa, Yesʉ aɨ ʉatambʉɨe amanyisigwa akwe mpyani ɨyɨ, kʉalagɨɨla nɨatakɨwe kʉmʉlompa Itunda mahikʉ ɨhi aleke kʉkatapa.2Yesʉ akalʉnga, “Mʉkɨsalɨ kɨng’wɨ aɨ ʉkolɨ mʉlamʉli nɨshanga aɨ ʉmogopile Itunda ang’wɨ kʉakela antʉ ɨhi.3Mʉkɨsalɨ kɨko kɨɨko, aɨ ʉkolɨ mʉsʉngʉ nʉshɨɨwe nʉ mʉgoha naɨ wɨmʉtyataa nkʉa yɨdʉ ʉmʉlamʉli wazemʉpepeelya wazemʉɨla ‘Nzaɨɨlye ndije maintʉ mʉabi ane naɨ akʉhiya kʉnimɨlɨɨlya.’4Mʉlamʉli ʉyʉ aɨ wɨhita kʉmʉaɨɨlya ʉmʉsʉngʉ ʉyʉ kitungo ilɨpu, mpelo akwe akipwepweela, ‘Palʉng’wi nʉ nene kʉtula shanga nɨmogopa Itunda ang’wi kʉakela antʉ,5ingɨ kʉnsoko mʉsʉngʉ ʉyʉ nʉshɨɨwe nʉ mʉgoha wakwe ʉlongolekile kʉnyoma, anga nʉmʉaɨɨlye ɨko nʉloilwe ʉkʉleke kʉnyoma, anga ɨze shanga ʉʉ ʉkʉlongoleka kʉntyatɨɨla, mpelo akwe wankatalye!”’6Itɨ gwa, ʉ Isekʉlʉ Yesʉ akatambʉla, “Masɨganɨɨlyi, aya naɨʉmatambʉe ʉmʉlamʉli ʉyʉ nɨshanga wɨtʉma mʉlɨmo wakwe anga mʉitakɨwe.7Itɨɨ, kʉlʉnge kɨna Itunda shanga ʉkʉatendeela ɨtai antʉ awo nʉahoile, nɨɨmʉlɨɨla ng’ʉng’wɨ nʉ ʉtikʉ? Itɨɨ, ʉkʉtinia ne kʉapa nɨatakile?8Kʉmʉɨla ʉkʉkaya kʉapa nɨatakile. Nɨitɨ ga, itɨɨ, ʉnene Ng’waa Mʉntʉ lʉhikʉ nɨkʉpembya kʉhaga antʉ aketene ʉhʉɨɨlɨ mihɨɨ?”9Ʉʉgwa ʉ Yesʉ akaatambʉɨla kʉ mpyani, antʉ awo nɨisanilye kɨna agombekile ntongeela ang’wi Itunda nʉ kʉadalaha ɨaʉya, akalʉnga,10“Antʉ abɨɨlɨ aɨ alongoe Mʉnyʉmba ang’wi Itunda kenda kʉlompa. Ʉng’wi Palisayo nʉ mʉya mʉhangʉlya kodi.11Palisayo ʉyʉ akimɨka, akalompa wazikʉlya kʉng’wi Itunda, ‘Ʉewe Itunda nʉkʉlʉmbile kʉnsoko ʉnene shanga nɨmʉbɨ anga antʉ ang’wi, Antʉ nɨ ii nɨang’wɨ ateele nɨang’wɨ asambo. Nʉkʉlumbile kɨna ʉnene shanga nɨhanga mʉhangʉlya kodi ʉyʉ.12Ʉnene nɨgwalya kʉlya kabɨɨlɨ kɨmahikʉ mʉpungatɨ, nɨpumyaa masongelyo iganda lɨng’wɨ mʉ maganda ikʉmi namaintʉ nɨ ndigilye.’13Ingɨ mʉhangʉlya kodi ʉyʉ, akaze wimɨkɨe kʉli akaze ʉkunamile, akikʉanga mʉkɨkua kʉʉkia, akalʉnga, ‘Ʉewe Itunda, mbaisɨɨlye ʉnene nɨmʉnyamɨlandʉ.”’14Yesʉ akaaɨla, “Mʉhangʉlwa kodi ʉyʉ aɨ ʉsʉkile kitolakwe waze ʉgombekile kʉng’wi ni Itunda. Ingɨ kʉng’wa Palisayo shanga ʉʉ. Kʉnsoko wɨhi nʉwikʉlya wɨninopigwa nʉyʉ nʉininopya wikʉligwa.”15Antʉ aɨ ɨmʉletela Yesʉ ang’enya nɨaniino akembetwe. Amanyisigwa akwe naɨ aaona, akaakenela.16Ingɨ ʉ Yesʉ akaitanga ang’enya nɨaniino kʉng’waakwe wazelʉnga, “Aleki ang’enya nɨanso nɨaniino aze kʉng’wane, leki kʉagilyi, kʉnsoko Ʉtemi wang’wi Itunda waantʉ nɨɨhanga ang’enya awa.17Kʉmʉɨli ɨtai, mʉntʉ wɨhi nɨshanga ʉkʉʉsingɨilya ʉtemi wang’wi Itunda anga mʉng’enya nʉmʉniino, kwee shanga ʉkʉingɨla ʉʉtemi wang’wi Itunda.”18Mʉtongeeli ʉng’wɨ nʉa Kiyahudi akamʉkolya ʉ Yesʉ, “Mʉmanyisi nʉmʉkende, ʉnene ntendeʉlɨ nihume kʉʉpantɨka ʉʉpanga nʉa kalɨ na kalɨ?”19Yesʉ akamʉsʉkɨɨlya, “Kʉnɨkɨ ʉkʉnintanga ʉnene nɨmʉkende? Kʉtilɨ nɨmʉkende ingɨ Itunda wing’wene du.20Ʉmalingɨlene ɨmalagɨɨlyo, ‘Leka kʉgoolya, Leka kʉbʉlaga, Leka kia, Leka kʉkʉɨɨla ʉteela, Akʉlye tataako nʉ iyaako”’21Mʉtongeeli nɨmʉgolɨ akalʉnga, “Nanso ɨhi nɨmaambile kʉpumɨɨla ʉʉhʉmba wane.”22Yesʉ naɨ wija itɨ, akamʉɨla, “Ʉkɨlɨ ʉkepewe kɨntʉ kɨng’wɨ. Longola ʉgʉlye maintʉ ɨhi nʉʉkete, mpia nɨanso ʉagalanie ɨaʉla, ʉkʉtula ʉkete kɨʉto kigʉlʉ, sʉnga nzʉʉ ʉntyate.”23Mʉtongeeli ʉyʉ nɨ mʉgolɨ naɨwija inkani nianso, akahʉsha nanguluu kʉnsoko aɨ mʉgolɨ ikʉlʉ.24Yesʉ naɨ waona wahʉsha itɨ, akalʉnga, “Goza itɨ nɨikakʉ mʉgolɨ kingɨla mʉʉtemi wang’wi Itunda.25Ingɨ itontu kɨkalɨ nɨkikʉlʉ nɨkitangwa ngamia kingɨla mʉ nzʉʉnki alʉsingɨ, kʉkɨla mʉgolɨ kingɨla mʉʉtemi wang’wi Itunda.”26Antʉ awo naɨ ija inkani ɨlɨ, akakolya, “Nyenyu gwa nʉʉkʉgunwa?”27Yesʉ akasʉkɨɨlya, “Nishanga ahumɨkile kʉ mʉntʉ, kʉng’wi Itunda ahumɨkile.”28Petelo nʉng’wenso akamʉkolya ʉ Yesʉ, “Ʉsese kʉlekile ɨmaintʉ itʉ ɨhi kakʉtyata.”29Yesʉ akaaɨla, “Kʉmʉɨla kulu kʉʉlu, mʉntʉ wɨhi nʉmilekile ɨndʉgʉakwe nʉ mʉsʉngʉ wakwe ang’wɨ aluna akwe ang’wi aleli akwe ang’wi ana akwe kʉnsoko a ʉtemi wang’wi Itunda,30itungo ɨlɨ ʉkʉlija nkʉa yɨdʉ, nʉkigʉlʉ ʉkʉlija intʉ yɨdʉ ikɨlo, ʉkʉlija nʉ ʉpanga nʉa kalɨ na kalɨ.”31Yesʉ akaatwala kɨmpelo amanyisigwa awo nɨikʉmi na abɨɨlɨ, akaatambʉɨla, “Tegeelyi. Kʉʉnankɨla kʉlongoe kʉ Yelusalemu kʉng’wanso maintʉ ɨhi nɨnandɨkɨwe nɨamanga ang’wi Itunda ʉnene Ng’waa Mʉntʉ akʉkondanɨɨligwa.32Kʉnsoko alʉgʉ a Ng’waa Mʉntʉ akʉmʉtwala mʉantʉ nɨshanga Ayahudi, nɨenso akʉmʉtendeela ʉbɨ nʉkʉmʉtyila imati.33Akʉmʉkʉa mɨsheleti nʉkʉmʉbʉlaga, lʉhikʉ nʉla kataatʉ ʉkiʉka.”34Ingɨ amanyisigwa akwe shanga akalɨnga ikani ɨlɨ, aiapɨhilwe indogoelyo ikani nɨlanso, hangɨ shanga akalɨnga ɨkɨ nɨkɨtambʉwe.35Yesʉ naɨ wahumbeela kɨsalɨ ka Yeliko, mʉntʉ ʉng’wɨ mupoku aiwikɨɨ mupelo anzɨla ukilompeelya.36Mupoku ʉyʉ naɨwija iumbɨ laantʉ likʉkɨla, akaolya, “Hai ntʉni?”37Akamʉɨla, “Yesʉ Mʉzaleti ʉkɨile.”38Papo mʉpoku ʉyʉ akitʉnta, akalʉnga, “Yesʉ Ng’wana wang’wa Daudi, mbaisɨɨlye.”39Ʉʉgwa antʉ awo naɨ atongee kʉntongeela akamʉkenela wakɨlage, mʉpoku ʉyʉ akalongoleka kɨntʉnta. “Ng’wana wang’wa Daudi mbaisɨɨlye.”40Yesʉ akimɨka akalagɨɨlya antʉ amʉlete pang’waakwe. Mʉpoku ʉyʉ naɨwahumbeela pakupɨ, Yesʉ akamʉkolya,41“Ʉloilwe nʉkʉtendeele ntʉni?”
Mʉpoku akamʉsʉkɨɨlya, “Isekʉlʉ kʉlompa nihume kʉona.”42Yesʉ akamʉɨla, “Pitya ʉone! Ʉhʉɨɨlɨ wako wakʉponia.”43Papo paapo mʉpoku akapitya akandya kʉona, akamʉtyata ʉ Yesʉ kʉnʉ wazemʉkʉlya Itunda. Nɨantʉ ɨhi naɨ aine nanso akamʉkʉlya Itunda.
Mʉpoku akamʉsʉkɨɨlya, “Isekʉlʉ kʉlompa nihume kʉona.”42Yesʉ akamʉɨla, “Pitya ʉone! Ʉhʉɨɨlɨ wako wakʉponia.”43Papo paapo mʉpoku akapitya akandya kʉona, akamʉtyata ʉ Yesʉ kʉnʉ wazemʉkʉlya Itunda. Nɨantʉ ɨhi naɨ aine nanso akamʉkʉlya Itunda.
The Word for the World International