2 Akolinto7
1Itɨ gwa, ahʉmbaɨane nɨ nʉmʉloilwe, ɨtule kapewe malago aya ɨhi, ingɨ kʉtemanʉke nɨ maintʉ ɨhi nahumile kʉkanza mɨɨlɨ ni nkolo yitʉ yileke kʉgombeka kʉng'wi Itunda, kʉtule kɨantʉ ang'wi Itunda nʉkɨshiɨ likalo nʉla kʉmʉkʉlya ng'wenso.2Kʉʉlompa mʉkʉlowe. Shanga kʉmʉgazɨɨye mʉntʉ wɨhi, hangɨ shanga kʉmʉaaye ang'wɨ kʉmʉkongela mʉntʉ wɨhi.3Shanga kʉtambʉla itɨ kʉmʉsosha mʉntʉ wɨhi, ingɨ kʉnsoko anga nɨnakondya kʉmʉɨla, kɨna ʉsese kʉmʉloilwe ʉnyenye hangɨ kʉtilɨ kɨntʉ nɨkakʉʉtemanʉla nʉnyenye itule nsha ang'wɨ ʉpanga.4Ʉnene Paʉlo nihumile kʉligitya nʉnyenye kʉ ʉhʉɨɨli ʉkʉlʉ, nisanɨɨye nangalu ʉnyenye. Palʉng'wɨ nʉlwago lɨhi naɨkʉkɨɨe, mankomelya nkolo hangɨ ndoilwe nangalu.5Napoga naɨkapika pa Makedonia, shanga aɨkʉsupilye. Aɨkʉlemigwe nʉlwago mpande yɨhi, kʉnzɨ wilei, nʉ mʉnkolo yitʉ kʉkete mitumbo.6Ingɨ Itunda nʉwɨakomelya nkolo antʉ nɨakatapile, wɨkakʉkomelya nkolo ʉsese apo ʉ Tito naɨwaza.7Shanga naɨwaza ʉ Tito du, ingɨ kɨkapantika ngulu naɨkija nʉnyenye mʉmʉkomeeye inkolo. Ng'wenso ʉkʉɨɨe kɨna mʉkete nsʉla akʉmona ʉnene, nɨmʉkatapile, hangɨ nɨmɨhiya kʉnkʉɨɨla, lʉkani ʉlʉ landoeelya nangalu.8Ndogoelyo palʉng'wɨ nʉkʉlʉnga ɨbalʉa naɨnʉmʉandɨkɨe amʉsasha mʉhʉshe, ʉnene shanga kʉaalɨka mʉnkolo. Palʉng'wɨ nɨ kɨna mʉkʉhʉsha, nɨngile kɨna mʉkʉhʉsha kitungo ʉdu.9Ingɨ itungo ɨlɨ nalowa, shanga kʉnsoko nʉmʉaaye, ingɨ kʉhʉsha kʉng'wanyu yasasha mʉkaɨle isɨgo lanyu nʉkila itʉnʉ. Mʉhʉkilye anga Itunda naɨʉsɨgɨɨe, kʉlʉlo ʉsese shanga kʉmʉtendee anga ʉbɨ wɨhi.10Kʉhʉsha anga nʉsɨgɨɨe Itunda yisasha antʉ aleke ʉʉbɨ nʉ kʉgunɨka, hangɨ shanga yɨsasha antʉ alɨke mʉnkolo. Ingɨ ʉhʉshi nʉwɨsakigwa nɨ makani amʉʉnkumbigʉlʉ wɨsasha nsha.11Kolwa ʉhʉshi nʉ ʉpumɨe kʉ ʉlowa wang'wi Itunda. Maina mʉkete nsʉla akʉtenda makani nʉmaloilwe Itunda, mahuma kikoola kɨna mɨagila ɨmagazo, hangɨ maʉbɨpɨlwa ʉʉbɨ. Mʉmʉkʉiye Itunda mʉkete nsʉla akʉʉona nʉ kʉona kɨna mʉntʉ nʉkʉgaza ʉkʉpɨsɨɨligwa mʉitakɨwe. Ʉnyenye makamɨnkɨɨlya kɨna shanga mʉgazilye mʉ makani aya ɨhi.12Itɨ gwa, nsoko nakʉandɨka balʉa ɨyo shanga aɨnsoko amʉntʉ naɨʉgazilye, ang'wɨ kʉnsoko amʉntʉ naɨʉgazɨigwe. Aɨnandɨkile kʉnsoko yigeeleke pang'wi Itunda anga nɨmipumilye kʉnsoko itʉ.13Kʉlʉlo ʉsese kakomya nkolo. Shanga kʉkomya nkolo ʉdu, ingɨ aɨkʉloeigwe nʉ ʉlowa wang'wa Tito naɨʉkete kʉnsoko naɨmʉmʉloeeye ɨnkolo akwe.14Ʉnene aɨnʉmʉkʉiye nangulu pang'wakwe, ʉnyenye shanga mʉnihumilye mɨnyala. Mahikʉ ɨhi kʉmʉtambʉɨe ɨtai, naɨnɨmʉkʉlya ʉnyenye kʉngwa Tito yaile lʉkani latai ntilɨ.15Nʉ ʉlowa wakwe kʉng'waanyu ingɨ ʉkʉlʉ anga wakɨmbʉke naɨmʉmʉsɨngɨɨye iza nʉ lwijo naɨmʉkete, hangɨ kikʉlyo ikʉlʉ.16Niloile nangalu kɨna nɨhumile kʉmʉsania ʉnyenye mʉ makani ɨhi.
The Word for the World International