Mme Saam78
Saam maskil ake Asaf.
1Ikọd mmi, ikop ukpeebñkpọ mmi;ikpan utọñ inọ ikọ inua mmi.2Ami ñyaatat inua mmi ye ñke;Ami ñyaatañ mme ndedịbe ñkpọ, mme ñkpọ ake esed,3Mme ñkpọ se ñnyịn ikikop inyʌñ idiọọñọ,mme ñkpọ se mme eteete ñnyịn emaekidọkkọ ñnyịn.4Ñnyịn idiidịppe mme nditọnditọ ammọ;ñnyịn iyaitañ inọ emana ini isomme adinam Abọọñ Abasi a-adotto itooro,adudu amọ, ye mme utịppeñkpọ se anye akenam.5Anye amaawuuk ewʌhọ anọ Yekọbanyʌñ anịm mbed ke Isrel,ake anye aketemmeke mme eteete ñnyịnyak ekpeep nditọ ammọ,6nọ emana mfen ediọọñọ ñko,kpa nditọ idiimanake diin,ndin ammọ ke idem ammọ eyaetañ enọ nditọ ammọ.7Ndin ammọ eyaenie mbuọdidem ke Abasiidiinyʌññọ ifre mme edinam amọado enịm mme ewʌhọ amọ.8Ammọ idiibaaha nte mme eteete ammọ,emana nsọñiwuod mme mfịna,ake esịd ammọ imiikiinamma akpanikọ ye Abasi,ake mme sịbidịd ammọ imiikisọññọ ida ye anye.9Ideen mbon Ifrem, akpesʌkado emaekekama utịgha,emaekpaedem ke usen anwan;10ammọ ikinịmme edioomo Abasiikinyʌññọ isaña ke mbed amọ.11Ammọ emaefre se anye akenam,mme utịppeñkpọ se anye akewọt ammọ.12Anye amaanam mme utịppeñkpọ ke iso mme ikaan ammọke isọñ Iyib, ke idịd ñkañ Soan.13Anye amaabakka akpainyañ anyʌñ adat ammọ usʌñ aboiyo;anye amaanam mmọọñ adakka ada nte ndibene.14Anye amaakama ntọñanyọñ adat ammọ usʌñ ke uweemeayioanyʌñ akama unwana ikañ ke akonayio.15Anye amaasiak mme ikpọitiad ke anaananyʌñ anọ ammọ mmọọñ a-awakka nte mmọọñ akpainyañ;16anye amaanam mme idịm esakka ewuọ ke abaitiadanyʌñ anam mmọọñ afeghe nte mme inyañ.17Ado ammọ emaenenekke enam idiọọkñkpọ,esọñ iwuod ye Andikoñ Ñkan ke anaan.18Ammọ emaekokoi edomo Abasi idomoke edibịp ndidia ake ammọ eyemme.19Ammọ emaetañ idiọọk ikọ edian Abasi;ammọ ekebo ete, “Nte Abasi a-akemeadibịt akpokoro ke anaan?20Ado akpanikọ ke anye amaamia itiad,ndin mmọọñ amaatop awuọ,mmọọñ amaafeghe awuọ awak,ado nte anye akeme inyʌñ inọọ ñnyịn uyio?Nte anye akeme adinọ mbon amọ unam?”21Ke ini Abọọñ akekoppo ami, anye amaayat esịd;ikañ amọ amaabịppe abaña Yekọbifiobesịd amọ amaanyʌñ adọọk abịne Isrel,22sia ammọ ikinịmme Abasi ke akpanikọikiinyʌññọ ibuọt idem ke adinyaaña amọ.23Ado anye amaanọ mme ikpaanyọñ uyio;anyʌñ akʌkkọ udọk mme hefịn;24anye amaanam mana adep anọ ikọd amọ yak edia,anye amaanọ ammọ abakpa ake hefịn.25Mme awo emaedia ndidia ake mme enyere;anye amaanọ ammọ afịd ndidia se ammọ ekekan adidia.26Anye amaatat afịm a-atooho usakkautịn ke mme hefịn asuananyʌñ akama adudu amọ anam afịm usuuk afịme.27Anye amaanam unam adep aduọkkọ ammọ ke idem nte ntọñ,anyʌñ anam mme inuen eyọhọ nte ntan ke mben esʌk.28Anye amaanam mme ñkpọ ami edʌk ebịne ammọ ke itie nnaaekọñ ammọ,ekanna mme atayad ammọ ekʌk.29Ammọ emaedia tutu ebọ uyʌkkọ;anye amaanọ ammọ se ikidọñ ammọ itọñ.30Ado mbemiso ammọ ekweeñe se ikidọñ ammọ itọñ,kpa ke idaha ndidia asʌkkọ adọñọ ammọ ke inua,31iyadesịd Abasi amaabịmme ye ammọ;anye amaawot ataa ñkpọsọñ awo ke atu ammọ,akpook ñkparawa Isrel aduọọñọ.32Ke afịd ami, ammọ ekesʌk ekaka iso enam idiọọkñkpọke afịd mme utịppeñkpọ amọ, ammọ ikinịmme Abasi ke akpanikọ.33Ndin anye amaatre usen ammọ ke ikpu-ikpuye mme isua ammọ ke ndịk.34Ini akeedodo Abasi akewotto ammọ, ammọ emaeyem iso amọ;ammọ emaetịmme edem usọp-usọp emaana ebịne anye.35Ammọ emaetoiyo ke Abasi akedo Itiad ammọ,ke Abasi Andikoñ Ñkan akedo Andifak ammọ.36Ado ammọ ekesitiik anye ke ñkpọkinua,esʌhọ nsu enọ anye ke edeme ammọ;37esịd ammọ ikisọññọ ida mme anye,ammọ ikinamma akpanikọ ke edioomo amọ.38Ado anye akesʌk anenie mbọm;anye amaafeen ndudue ammọikinyʌññọ isobo ammọ.Ke ini ke ini anye amaamʌm iyadesịd amọ akamaikinyʌññọ ibịmme ataa iyadesịd amọ.39Anye amaatoiyo ke ammọ ekedo kpa abʌk,afịm a-adooho amaafrọ itịmmeke aba idi.40Ñke mfañ ke ammọ imiikitọọñọke nsọñiwuodye anye ke anaanenyʌñ ebuuñ anye esịd ke mbiadaisọñ!41Kwa ini kwa ini ammọ emaedomo Abasi idomo,ammọ enọ Adisana Abasi Isrel ifiobesịd.42Ammọ ikitoiyoke adudu amọ,ke usen anye akefakka ammọ ke ubọk asua,43usen anye akewọttọ mme idiọọñọ amọ ke Iyibmme utịppeñkpọ amọ ke idịd Soan.44Anye amaanam akpainyañ ammọ akappa iyiib;ammọ ikikanna inwọñ mmọọñ idịm ammọ.45Anye amaadọñ mme udịm nsʌñ nọeketaañ ammọ ewot,ye mme mfuọd ekesoboke ammọ.46Anye amaasịn ataktak nọ ata ñkpọ inwañ ammọñko ñkukuñkpọyọriyọ amaabiat ñkpọ idọk ammọ.47Anye amaadat edịmitiad asobo fain ammọmme eto fik-sikamọ ammọ ye ndedeñ.48Anye amaakappa mme enañ ammọ anọ edịmitiad,ndin anọ ufene ammọ aduma ikañ.49Anye amaanwañña ufiob iyadesịd amọ afʌk ammọ,ifiobesịd, ikpakkaesịd ye ndutịme,udịm mme enyere nsobo.50Anye amaadiọñ usʌñ anịm anọ iyadesịd amọ;anye ikifakka uwem ammọ isio ke ñkpaññaado amaayaak ammọ anọ idiọọk udọñọ.51Anye amaawot afịd mme akpan ke Iyib,mme akpa mfịd awodeen ke mme atayad Ham.52Ado anye amaakoono ikọd amọ asio nte udịmedọñ;anye amaadat ammọ usʌñ nte mme edọñ ewuọ ke anaan.53Anye amaadat ammọ usʌñ ke ifuuro, ndin ammọ ikinieghe ndịk;ado akpainyañ amaakọt afʌk mme asua ammọ.54Ndin anye amaaben ammọ akewuọ adaña adisana isọñ amọ,idʌñ etəkabod ake ubọk nnasia ammọ akebọọhọ.55Anye amaabịne mme idịd asịññe ke iso ammọanyʌñ abaaña mme isọñ mbon ado anọ ammọ nte asaña-asaña udeeme ammọ;ñko anye amaanam mme esiin Isrel edʌñ ke mme ufọk ammọ.56Ado ammọ emaedomo Abasi idomoenyʌñ esọñ iwuod ye Andikoñ Ñkan;ammọ ikinịmme mme ewʌhọ amọ.57Ammọ emaetre utọñ enyʌñ enana mbuọdidem nte mme eteete ammọ,idooho se enie idodanyen nte idiọọk utịgha.58Ammọ emaeyat Abasi esịd ato ke mme akpokoro uwa ammọ;ammọ emaedịppe ufịb Abasi ato mme nsu-nsu abasi ammọ.59Abasi amaanekke ayat esịd, akekop se ammọ etañ;anye amaakanna edem afịd-afịd awọt Isrel.60Anye amaasịn tabanakịd amọ ke Silo,atayad ake anye akenamma anịm ke ufọọd mme awo.61Anye amaadọñ akebe edioomo adudu amọ akaa ñkọbntem,asịn ñkpọ uyai amọ ke ubọk mme asua.62Anye amaanọ ikọd amọ yak ekpañña ke akañkañ;anye amaayat esịd ye akpan udeeme amọ.63Ikañ amaata ñkparawa ammọ,ndin ubọikpa ammọ ikinieghe mme ikwọ ndọ;64akañkañ amaasobo mme aku ammọ,ndin mme ebekpa ammọ ikikanna itua ayịd.65Ndin Abọọñ amaademme nte akedaadaiya,nte awo ekọñ ademme ke idab inaam ukọd.66Anye amaakan mme asua amọ,anye amaasịn ammọ ke nsi-nsi abuud.67Ke ntoro anye amaasịn mme atayad Yosefanye ikimekke esiin Ifrem;68ado anye amaamek esiin Yuda,Abod Saiyọn, a-anye akemaaha.69Anye amaabọp adisana itie amọ nte ñkoñ-ñkoñ anyọñ,ukem nte ederimbod ake anye akenamma anịm ke nsi-nsi.70Anye amaamek Defid ayịnufọk amọanyʌñ asio anye ke atu mme abaedọñ;71akeben anye akpọñ adikpeme mme edọñnọ adido andikpeme edọñ ufọk Yekọb,ake Isrel asaña-asaña udeeme amọ.72Ñko Defid amaabọọk ammọ ke esịd akpanikọ;amaadat ammọ usʌñ ke ubọk ikike.Biblica, Inc.