Mme Saam77
Ake etubom ikwọ. Ake Yedutun. Ake Asaf. Saam.
1Ami mmaabọñ ñkoot Abasi nọ añnyaaña;Ami mmaabọñ ñkoot Abasi yak akop uyio mmi.2Ke ini ami ñkebaaha ke ukuud, ami mmaayem iso Abọọñ;ke akonayio ami mmaanyan ubọk, nduọkkọ adudu,ami ñkinyʌññọ ñkop idọñesịd.3Ami mmautoiyo fiin, O Abasi, mmaanyʌñ mmịm mmịm ayịd;ami mmaakere ke esịd mmi, sịbidịd mmi amaanyʌñ asuuhọ.4Afo amaanam anyen mmi ataba idab;mfịna ikiyakka ami nsio uyio.5Ami mmaakere mbaña mme usen edem,mme anyan isua ini edem;6Ami mmaatoiyo mme ikwọ mmi ke akonayio.Mmaakere ke esịd mmi, ndin sịbidịd mmiamaabịp abo:7“Nte Abọọñ Abasi ayaisịn ke nsi-nsi?Nte anye idiiwọttọ mfọn amọ aba?8Nte nsọọñọnda ima amọ asop ke nsi-nsi?Nte enwọñọ amọ akpu ke afịd emana?9Nte Abasi afre aditua mbọm?Me anye amʌm mbọm amọ akama ke ntak iyadesịd?”10Ndin ami mmaakere mbo nte, “Ami ñyaabeeñe:mme isua Andikoñ Ñkan akesioho ubọk nnasia amọ anyan.”11Ami ñyaatoiyo mme edinam Abọọñ;ntoro, ami ñyaatoiyo mme utịppeñkpọ usen edem.12Ami ñyaakere mbaña afịd mme utom mfoñnyʌñ ñkere mbaña afịd ikpọ edinam mfo ke esịd mmi.13Mme usʌñ mfo, Abasi, edo adisana.Akee abasi ikpon nte Abasi ñnyịn?14Afo ado Abasi a-anamma mme utịppeñkpọ;afo amewọt adudu mfo ke atu mmeidịd.15Afo amaafak ikọd mfo ke akpọsọñubọk mfo,kpa nditọnditọ Yekọb mme Yosef.16O Abasi, mme mmọọñ emaukịt fiin,mme mmọọñ emaukịt fiin ndin edịkke;mme udem inyañ emaetəkko.17Ntọñanyọñ emaenwañña mmọọñ edịm eduọkmme hefịn emaeyomo ye aduma;mme idañ mfo emaefeeñe iso ye edem.18Emaekop uyom aduma mfo ke idio,akebkeb mfo amaanọ ederimbod unwana;isọñ amaatịmede anyʌñ anyeñ.19Akpọusʌñ mfo amaasaña akefrọ ke ufọọd akpainyañ,usʌñ mfo amaasaña aboiyo ke ikpọ mmọọñ,akpesʌkado awo imikikịtte mbọn ikpad mfo.20Afo akedat ikọd mfo usʌñ nte udịm ufeneke ubọk Moses ye Erọn.Biblica, Inc.