Mme Saam39
Ake etubom ikwọ. Ake Yedutun. Saam Defid.
Akam Ñkpeubọk
1Ami mmaabo, “Ñyaakpeme usʌñ mmiñnyʌñ ñkpan edeme mmi mbaña idiọọk;ñyaaben ñkreñ mfʌk inua mmike ini mbaaha ke iso mbon ibak.”2Anam ami mmaadop uyio nte imuum,ntañña ukpọk se ifọn.Ado ubiak mmi anenekke akpon;3esịd amaamfiop miin ke idem.Ke ini ami ñketieghe ñkere, ikañ amaabịppe asak;ndin ami mmaadat edeme mmi ntañ ikọ:4“Abọọñ, ñwọt miin utịd uwem mmiye ibad usen uwem mmi;nam nọ ndiọọñọ naña uwem mmi imiidooho ñkpọ ndomokeed.5Afo amenam usen uwem mmi aba nte ibifịk ekaubọk;ayio uwem mmi idooho ñkpọ ndomokeed ke iso mfo.Afịd awo edo kpasʌk ibifịk,kpa ye idem mbon ekereke ke mmimọ imida afọn.6“Ke akpanikọ afịd awo esaña nte ndukpọñ;ke ikpu-ikpu ke ammọ efeeñe ekanna, ekoono inie ebonoidiọọñọke awo ake adiinie ke utịd.7“Ado idahami, Abọọñ, nsoo ke ñyem?Idodanyen mmi ado ke afo.8Ñnyaaña miin sio ke afịd ndudue mmi;kuunam ami ndo ñkpọ nsaha nnọ mbon ndisịme.9Ñketie imuum; ñkʌppọke inua,sia ado afo akenam ami.10Sio ufen mfo ke idem mmi fep;eta ubọk mfo ammia miin abet.11Umauduat unyʌñ utʌnọ awo ke idiọọkñkpọ amọ,afo ata inie ammọ nte utañkpọ,ke akpanikọ afịd awo edo ñkaña ibifịk.12“Kop akam mmi, Abọọñ,kpañ utọñ kop aseeme mmi;kuusiit utọñ unọ ntuaña mmi.Ndʌñ ye afo nte awo asenidịd,asenawo, naña afịd mme eteete mmi ekedo.13Fep anyen ke idem mmi, nọ ami ñkan mmaana ñkop inem uwemmbemiso ami ndakka ñnyʌññọ mba aba.”Biblica, Inc.