Mme Saam38
Saam Defid. Ebeeñe.
Akam E-ebọññọ Ke Ini Afanekọñ
1Abọọñ, kunduat miin ke iyadesịd mfokuunyʌñ untʌnọ miin ke ifiobesịd mfo.2Mme idañ mfo eñkịm miin,ndin ubọk mfo anyʌñ amfiik miin.3Ke ntak iyadesịd mfo, nsọñidem imbaaha miin ke idem;akpọ mmi inieghe nsọọñọ anọ idiọọkñkpọ mmi.4Ndudue mmi amfiik miinnte ndodoppo mbiomo ake awo imiikanna ibiom.5Mme unan mmi etebe enyʌñ ebuanọ ndisịme idiọọkñkpọ mmi.6Ami mmenʌhọ tutu ñkọbọ ñnyʌñ mba ke ataa usuuk-usuuk itie;nsaña ntua ayịd afịd usen.7Akpọsọñ ubiak ambuuñ edem;ñkoppo nsọñidem.8Idem ammem miin, ñko mmenyʌñ mbʌñọ afịd-afịd;ami mmetua ñnyʌñ mmịm-mmịm ke esịd.9Abọọñ, afịd udọñ mmi una fiin inwañ-inwañ ke iso,nsiama mmi inyʌññọ udịbe fiin.10Esịd anduọ, inweek ambọkkọ;ukpọk unwana imbaaha aba ke anyen.11Mme ufan ye mme nsaña mmi emfeefeeñe miin ke ntak mme unan mmi;mme mbọhọidʌñ mmi etie ke ataa anyan usʌñ.12Mbon e-eyemme ediñwot miin ekọọk afia ammọ,mbon e-eyemme edinnam miin idiọọk etañ ebaña nsobo mmi;ammọ etie edinam ndudiọ ñnyʌñ nsʌhọ nsu afịd usen.13Ami mba nte inan, ake imiikoppo ñkpọ,nte imuum, ake imiitañña ikọ;14Ñkappa mba nte awo ake imiikoppo ñkpọ,nte awo ake inua imiikanna ibọọrọ ikọ.15Abọọñ, ami ubet fiin;afo ayañyie miin, Abọọñ Abasi mmi.16Sia ami mmaabo, “Kuuyak ammọ edat esịd embañame eduaak inua embaña ke ini ukod mmi afiọnnọke.”17Sia aba nte ñyaaduọ,ubiak mmi anyʌñ aba ye ami afịd ini.18Ami mmeyaara nnamndue mmi;idiọọkñkpọ mmi amfịna miin.19Uwak awo edikappa edo mme asua mmi ke unana ntak;mbon se insua ke unana ntak ewak.20Mbon se idat idiọọk insio usiene etietaañ mme ikọ usua endian,akpesʌkado ami ñyemme adinam se ifọn kpọd.21Abọọñ, kuñkpọñ miin;kuunyọọñ usʌñ uñkpọñ, Abasi mmi.22Sọp di, di ñnyaaña miin,Abọọñ mmi ye Andinyaaña mmi.Biblica, Inc.