Mme Ñke11
1Abọọñ asua udomoñkpọ abiaña,ado eti udomoñkpọ akịt mfọn ke iso amọ.2Ntañidem amaadi, ndin asuenne adi ñko,ado nsuukidem asaña ye aniọñ.3Etiido ndinen awo adat ammọ usʌñ,ado nsu-nsu uwem asobo mbon ñwo.4Inie ado ikpu-ikpu ke usen abom,ado adinenido afak awo asio ke ñkpa.5Adinenido mbon mfọnmma anam usʌñ ammọ anen,ado mbon ibak ekịt nsobo eto ke ndiọi ido ammọ.6Adinenido nti awo afak ammọ,ado ndiọi udọñ mbon mbubịk asịn ammọ ukad.7Idodanyen ke idem ñkaña awo akpa ye ammọ;afịd enwọñọ adudu ammọ ado ikpu-ikpu.8Emaenyaaña adinen awo isio ke mfịna,mfịna ado akappa akeene awo ibak.9Abʌd-abʌd awo akama inua amọ abiat mme mbọhọidʌñ amọ,ado ato ke ifiọk ndinen awo ebọkkọ.10Ndinen awo emaeforo, abio edaara;ado mbon ibak emaekịt nsobo, esio ñkpo idaara.11Ato ke adidiọñ ndinen awo abio aforo,ado ato ke inua mbon ibak abio akịt nsobo.12Awo akeedodo a-asuenneke mbọhọidʌñ amọ inieghe eti iwuod,ado awo mbufiọk afat edeme amọ.13Awo mbia ayaara ikọ esịdidịb,ado awo akpanikọ anịm ndedịbe ikọ.14Unana ndadusʌñ anam idịd aduọ,ado adikan ato uwak mme anọitem.15Awo akeedodo a-atieghe ubiọñ anọ asenawo itreke adidʌk mfịna,ado awo akeedodo a-asịnne aditie ubiọñ aba ke ifuuro.16Awonwaan esịd mbọm abọ ukpono,ado ideen unana mbọm ebọ inie kpọd.17Mbon e-efọnnọ ido efọn mfọn enọ idem ammọ,ado mbon ndoom eben nsobo esọk idem ammọ.18Awo ibak adia akʌk atahade,ado awo a-atọọhọ adinenido adọk eti udod.19Ke akpanikọ adinen awo anie uwem,ado awo akeedodo a-afegheke akeene idiọọk ido akịt ñkpa.20Esịd a-atek Abọọñ abaña mbon e-enieghe abʌd-abʌd esịd,ado anye a-akop inemesịd abaña mbon u-usʌñ ammọ ananake ndo.21Nekke diọọñọ ami: Awo ibak idiitreke adibọ ufen,ado ndinen awo eyaebọkkọ.22Naña ñkpannuun kold aba ke inua edikpa ukem ado ke uyaiya awonwaan ammiinieghe mfarakeidem aba.23Udọñ adinen awo atre ke eti kpọd,ado idodanyen awo ibak atre ke iyadesịd.24Awo a-adooho ubọk enọenọ, asʌk anenekke amọinyọ;ado awo efaam atak kpa ke uweene.25Awo ubọk enọenọ ayaaforo;awo akeedodo a-afọnnọ mfọn ye mbon mfen eyaefọn mfọn ye anye ñko.26Mme awo esịn isuuñọ enọ awo a-amʌmmọ ñkpọ ndidia anịm,ado ebeeñe adidiọñ Abasi enọ awo a-abeeñeke idem adinyam ndidia.27Awo akeedodo a-ayemme eti ñkpọ akịt mfọn,ado mfịna asịm awo a-ayemme nsobo.28Mbon e-ebuọttọ idem ke inie ammọ eyaeduọ,ado ndinen awo eyaeseghe nte awawa mfañ.29Afịm kpọd adiido udeeme awo ndomokeed a-adatta nsobo asọk ufọk amọ,ndin ndisịme adiido ayịnufọk anọ awo aniọñ.30Mbunwịm adinen awo ado eto uwem,ndin awo a-anieghe aniọñ anyaaña mme uwem.31Adieke ndinen awo ebọọhọ utịb ammọ mi ke isọñ,nwaanwa dise mbon i-imiidiọọñọke Abasi ye mme anam idiọọkñkpọ!
Biblica, Inc.