Mme Ñke10
1Mme ñke Sọlọmọn:Ayịn awodeen a-anieghe aniọñ aben inemesịd asọk ete amọ,ado ndisịme ayịn aben mfʌhọ asọk eka amọ.2Ndiọi inie iseeneke awo ikpeene,ado adinenido afak awo asio ke ñkpa.3Abọọñ iyakka adinen awo atie abiọọñ,ado anye abiat udọñ mbon ibak.4Ubọk ifu anam awo aweene,ado ubọk anam utom akọ inie.5Awo a-akọọhọ mbunwịm ke ini idọk ado adiọọñọidem ayịn,ado anye a-adaiyake idab ke ini idọk ado ayịn ndọk.6Uwak adidiọñ ado anyanya adinen awo,ado afai akan inua awo ibak.7Anyịñ adinen awo ke ekama ke adidiọñ,ado anyịñ awo ibak ayaabiara.8Awo aniọñ anyịmme mme ewʌhọ,ado akprak inua ndisịme akịt nsobo.9Awo akeedodo a-asañake ke akpanikọ asaña ke ifuuro,ado awo akeedodo a-asañake ke ñkwaña usʌñ, awo idiitreke adiyaara anye.10Awo akeedodo a-akeppe anyen ke idiọọk usʌñ aben mfʌhọ adi,ndin akprak inua ndisịme adʌk nsobo.11Inua adinen awo ado idịm mmọọñuwem,ado inua awo ibak adịp afai.12Usua asịn utọk,ado ima afʌk afịd ndudue.13Aniọñ aba ke inua awo eti iwuod,ado ikpa ana anọ edem ndisịme.14Awo aniọñ abok ifiọk anịm,ado inua ndisịme akoot nsobo.15Inie imọ awo ado akpọsọñ abio ammọ,unana ado nsobo mbon uweene.16Utịb adinen awo ado uwem,ado udod awo ibak ado idiọọkñkpọ ye ñkpa.17Awo akeedodo a-akoppo ntʌnọ awọt usʌñ uwem,ado awo akeedodo a-asuaha item atịn mbon mfen usʌñ.18Awo akeedodo a-akamake nsu-nsu ñkpọkinua adịp usuaanyʌñ asuan ikọedem ado ndisịme.19Idiọọkñkpọ itreke ke uwak ikọ,ado mme adiọọñọidem awo efat edeme ammọ.20Edeme adinen awo ado nsọñudua silfa,ado esịd awo ibak inieghe ufọn ndomokeed.21Ñkpọkinua adinen awo abọọk uwak awo,ado mme ndisịme ekpañña eto unana ifiọk.22Adidiọñ Abọọñ asaña ye inie,akpọsọñ ufen isịneke.23Ndisịme akop inem ke ibak akikere,ado awo mbufiọk akop inem ke aniọñ.24Se mbon ibak efeghe ayaasịme ammọ,eyaenọ adinen awo udọñ esịd amọ.25Ayobio amaafịme iboiyo, mbon ibak esop,ado ndinen awo esọọñọ eda ke nsi-nsi.26Kpa naña fineka aba ke eded ye naña nsʌñikañ aba ke anyen,kpa ntoro ke mbon ifu eba ye mbon se idọñ ammọ.27Uteeñe Abọọñ adian isua ke uwem,ado eyaesio isua uwem awo ibak.28Idodanyen adinen awo ado inemesịd,ado idodanyen awo ibak ayaatak.29Usʌñ Abọọñ ado itie udịbe anọ mfọnmma awo,ado anye ado nsobo anọ mme anamidiọọk.30Tutu amama awo idiisịkkeke adinen awo,ado awo ibak idiidʌññọ ke isọñ.31Mbunwịm aniọñ ato ke inua adinen awo,ado atịme edeme ayaadobo.32Ñkpọkinua ndinen awo e-ediọọñọ ñkpọ se ikịt mfọn,ado inua awo ibak adiọọñọ ñkpọ se idiọọk kpọd.
Biblica, Inc.