Nọmba27
Nditọ Ibaan Selofehad
1Mme nditọ ibaan Selofehad a-akedooho ayịn Hefa, ayịn Kilied, ayịn Makia, ayịn Manase, akesịne ke ubon Manase ayịn Yosef. Mme anyịñ nditọ ibaan ado ekedo Mahla, Nua, Hokla, Milka ye Tisa. Ammọ emaewuọñọ edi iso2edida ke iso Moses, iso Eliasa a-akedooho aku, mme adadusʌñ ye afịd eboho ke ntondʌk atayad mbono emaenyʌñ ebo,3“Ete ñnyịn amaakpa ke anaan. Anye ikisịneke ke atu mbon se ikikeene Kora, akekọọhọ iwuod enwana ye Abọọñ, ado anye akekpa ke ntak idiọọkñkpọ amọ ndin anye ikibonno nditọ ideen.4Nsoo ido ntak yak anyịñ ete ñnyịn akpesop ke ubon amọ ke ntak anye imiikinieghe nditọ ideen? Inọ ñnyịn ñkpọ ete ñnyịn ke atu nditọete ete ñnyịn.”5Ke ntoro, Moses amaaben mfịna ammọ akaa iso Abọọñ.6Abọọñ amaanyʌñ abo Moses,7“Se nditọ ibaan Selofehad etañ anen. Ana afo anọ ammọ udeemeñkpọ ete ammọ ke atu nditọ ete ammọ anyʌñ ayaak inie ete ammọ anọ ammọ.”8“Dọkkọ nditọ Isrel bo, ‘Adieke awodeen akpaaha ibonno ayịn, yak eyaak udeemeñkpọ amọ enọ ayịn amọ awonwaan.9Akpedo inieghe nditọ ibaan ñko, ana eyaak udeemeñkpọ amọ enọ nditọeka amọ ideen.10Adieke anye imiinieghe nditọeka ideen, yak eyaak inie amọ enọ nditọeka ideen ete amọ.11Adieke ete amọ imiikinieghe nditọeka ideen yak enọ nditọete ete amọ se ikpere ikan ke ubon amọ inie amọ, yak ammọ adat anie. Ami ado adinam mbed anie nsọọñọnda ke atu nditọ Isrel, kpa naña Abọọñ akedọkkọ Moses.’ ”Yọsua Adiidat Itie Moses
12Akema Abọọñ amaadọkkọ Moses abo, “Dọọk kaa ke abod ke Abarim nyʌñ se isọñ ami nnọọhọ nditọ Isrel.13Afo umause uma, eyaenyʌñ uben fiin ñko ekenịm ye aduuk mfo kpa naña ekenam ye Erọn ayịneka mfo,14sia ke ini abio ekemiommo uyio mmi ke mben mmọọñ a-abaaha ke Akpautatan ke Sịn, naña ndufo mba emaetre utọñ enọ ikọ mmi adiñkpono miin nte adisana ke iso ammọ.” (Ami ekedoñño mmọọñ Meriba Kades, ke Akpautatan Sịn.)15Moses amaabo Abọọñ,16“Yak Abọọñ, Abasi andinọ afịd aduuwem ñkpọ inweek, amek awo yak adikara abio ami.17Ke adiwuọ ye ke adidʌk, awo se idiidat ammọ usʌñ iwuọ inyʌñ idʌk, mbaak mbon ubon Abọọñ ediba nte edọñ i-imiinieghe andikpeme.”18Ndin Abọọñ amaabo Moses, “Ben Yọsua ayịn Nọn, awodeen a-anieghe sịbidịd adikara, nyʌñ dot anye ubọk.19Nam anye ada ke iso Eliasa a-adooho aku ye ke iso afịd esob Isrel nyʌñ nọ anye item ke iso ammọ.20Nyʌñ yak usʌk adudu mfo dot anye ke idem nọ afịd ubon Isrel ekop uyio amọ.21Anye ana ada ke iso Eliasa a-adooho aku, a-adiibọ ikọ inọ anye ke adibịp Urim ke iso Abọọñ. Ke uyio amọ, anye ye afịd abio Isrel eyaewuọ ke uyio amọ, ñko afịd abio Isrel eyaenyʌñ edʌk edi.”22Moses amaanam naña Abọọñ aketemme anye. Anye amaaben Yọsua akaa iso Eliasa a-akedooho aku ye ke iso afịd esob.23Ndin anye amaadot anye ubọk anyʌñ anọ anye item uwem, kpa naña Abọọñ akebo Moses anam.Biblica, Inc.