Nọmba26
Ayọhọ Ubadawo Iba
1Ke unọmọ ado amaakekweeñe Abọọñ amaabo Moses ye Eliasa ayịn Erọn, a-akedooho aku,2“Inam ibad afịd nditọ Isrel ke ekpək ke ekpək, afịd mbon se iyọhọ isua edịb me ekpono ekan ekemeke ediba ke udịmekọñ Isrel.”3Ndin Moses ye Eliasa a-akedooho aku emaetañ ikọ ye ammọ ke unaisọñ Mọb ke mben Yọdan ke edem Yeriko ebo,4“Inam ubadawo inọ ideen se isịm isua edịb me akanna ado kpa naña Abọọñ akedọkkọ Moses.”Nditọ Isrel se ikiwuọ ito Iyib edo ami:5Mbon se ito Rubịn, akpan Isrel, ekedoñño: Se ikito Hanọk, ubon Hanọk; Se ikito Palu, ubon Palu;6Se ikito Hesrọn, ubon Hesrọn; Se ikito Kaami, ubon Kaami.7Ubon Rubịn akedo ami; mbon se ekebat ekedo tọsịn aba mme ita mme ikie itiaba mme edịb mme duob (43,730).8Ayịn awodeen Palu akedo Eliab,9ndin nditọ ideen Eliab ekedo Nemuel, Datan ye Abiram. Kpa Datan ye Abiram ekedo mme ikpọ mbon utom idʌñ ekesọññọ iwuod ye Moses ye Erọn ekenyʌññọ eba ke atu udịmekọñ Kora ke ini ammọ ekesọññọ iwuod ye Abọọñ.10Isọñ amaakʌppọ inua anyʌñ amen ammọ ye Kora, u-udịm se ikikeene anye ekekpaññake ke ini ikañ aketaaha ideen ikie iba mme aba mme duob (250). Ndin ami amaakappa aba nte idiọọñọ ndʌdutọñ.11Kpayeado, nditọ Kora ikikpaaha ima.12Nditọ Simiọn ke ubon ke ubon ekedo: Se ito Nemuel, ubon nditọ Nemuel; Se ikito Yamịn, ubon nditọ Yamịn; Se ikito Yakịn, ubon nditọ Yakịn;13Se ikito Seera, ubon nditọ Seera; Se ikito Sọọl, ubon nditọ Sọọl.14Ami akedo mbon se ikito ubon Simiọn; mbon se ekebat ekedo tọsịn edịb mme iba mme ikie iba (22,200).15Mme nditọ Kad ke ubon ke ubon ekedo: Se ikito Safọn, ubon nditọ Safọn; Se ito Hakai, ubon nditọ Hakai; Se ikito Suni, ubon nditọ Suni;16Se ikito Osni, ubon Osni; Se ikito Eri, ubon Eri;17Se ikito Arodi, ubon Arod; Se ikito Areli, ubon Areli.18Mbon ami ekedo ubon Kad; mbon se ekebat ekedo tọsịn aba mme ikie ition (40,500).19Er ye Ọnan ekedo nditọ ideen Yuda, ado ammọ emaekpa ke Kenan.20Mme nditọ Yuda ke ubon ke ubon ekedo: Se ikito Sela, ubon nditọ Sela; Se ikito Peres, ubon nditọ Peres; Se ikito Seera, ubon nditọ Seera.21Mme nditọ Peres ekedo: Se ikito Hesrọn, ubon nditọ Hesrọn; Se ikito Hamul, ubon nditọ Hamul.22Mme mbon ami ekedo ubon nditọ Yuda; mbon se ekebat ekedo tọsịn ata mme duob mme itiokeed mme ikie ition (76,500).23Mme nditọ Isaka ke ubon ke ubon ekedo: Se ikito Tola, ubon Tola; Se ikito Pua, ubon Pua;24Se ikito Yasub, ubon Yasub; Se ikito Simrọn, ubon Simrọn.25Mme mbon ami ekedo mbon ubon Isaka; mbon se ekebat ekedo tọsịn ata mme inaañ mme ikie ita (64,300).26Mme nditọ Sebulọn ke ubon ke ubon ekedo: Se ikito Sered, ubon nditọ Sered; Se ikito Elon, ubon nditọ Elon; Se ikito Yaleel, ubon nditọ Yaleel.27Mme mbon ami ekedo ubon nditọ Sebulọn; mbon se ekebat ekedo tọsịn ata mme ikie ition (60,500).28Mme nditọ Yosef ke ubon ke ubon se ikito Manase ye Ifrem ekedo:29Mme ubon nditọ Manase: Se ikito Makia, ubon nditọ Makia (Makia akedo ete Kilied); Se ikito Kilied, ubon nditọ Kilied.30Ami akedo ubon nditọ Kilied; Se ikito Iyesa, ubon nditọ Iyesa; Se ikito Helek, ubon nditọ Helek;31Se ikito Asriel, ubon Asriel; Se ikito Sekem, ubon Sekem;32Se ikito Semida, ubon Semida; Se ikito Hefa, ubon Hefa.33(Selofehad ayịn Hefa ikinieghe ayịn ndomokeed; anye akenie nditọ ibaan ikpọọñ, e-ekekereke Mahla, Nua, Hokla, Milka ye Tisa.)34Ami akedo ubon nditọ Manase; mbon se ekebat ekedo tọsịn aba mme duob mme iba mme ikie itiaba (52,700).35Ami akedo ubon nditọ Ifrem ke ubon ke ubon: Se ikito Sutela, ubon nditọ Sutela; Se ikito Beka, ubon nditọ Beka; Se ikito Tahan, ubon nditọ Tahan.36Mme mbon ami ekedo ubon nditọ Sutela Se ikito Eran, ubon Eran.37Mbon nditọ Ifrem akedo ami; mbon se ekebat ekedo tọsịn edịb mme duob mme iba mme ikie ition (32,500). Ami akedo ubon nditọ Yosef ke ubon ke ubon.38Mme ubon nditọ Benyamin ke ubon ke ubon akedo: Se ikito Bela, ubon nditọ Bela; Se ikito Asbel, ubon nditọ Asbel; Se ikito Ahiram, ubon nditọ Ahiram;39Se ikito Sufam, ubon nditọ Sufam; Se ikito Hufam, ubon nditọ Hufam.40Mme ubon nditọ Bela se ikito Ard ye Neman ekedo: Se ikito Ard, ubon Ard; Se ikito Neman, ubon Neman.41Ami akedo mme ubon Benyamin; se ekebat ekedo tọsịn aba mme ition mme ikie itiokeed (45,600).42Ubon nditọ Daan akedo ami ke ubon ke ubon: Se ikito Suham, ubon nditọ Suham. Ami akedo ubon nditọ Daan:43Afịd ammọ ekedoñño ubon nditọ Suham; ñko se ekebat ekedo tọsịn ata mme inaañ mme ikie inaañ (64,400).44Mme nditọ Asaa ke ubon ke ubon ekedo: Se ikito Imna, ubon nditọ Imna; Se ikito Isfi, ubon nditọ Isfi; Se ikito Beria, ubon nditọ Beria;45Ñko se ikito Beria, ubon nditọ Beria: Se ikito Heba, ubon nditọ Heba; Se ikito Malkiel, ubon nditọ Malkiel.46Asaa amaanie ayịn awonwaan a-akekereke Sera.47Ami akedo ubon nditọ Asaa; mbon se ekebat akedo tọsịn aba mme duob mme ita mme ikie inaañ (53,400).48Mme nditọ Naftali ke ubon ke ubon ekedo: Se ikito Yaseel, ubon nditọ Yaseel; Se ikito Kuuni, ubon nditọ Kuuni;49Se ikito Yesa, ubon Yesa; Se ikito Silem, ubon Silem50Ami akedo ubon Naftali; se ekebat ekedo tọsịn aba mme ition mme ikie inaañ (45,400).51Afịd ibad ideen ke Isrel akedʌk tọsịn ikie itiokeed mme keed mme ikie itiaba mme edịb mme duob (601,730).52Abọọñ amaabo Moses ate,53“Ediideeme isọñ inọ ammọ nte udeemeñkpọ ammọ akeene ibad anyịñ se enie.54Mbon se ubon ammọ awak, nọ udeemeñkpọ se ikpon, mbon se ido etək-etək nyʌñ nọ udeemeñkpọ etək-etək; ammọ keedekeed ana ebọ udeemeñkpọ ammọ akeene ibad se ekebat.55Kịt bo ke edeeme isọñ ke adisịn afia. Se ekpək keedekeed edat adiikeene anyịñ eteete ammọ.56Afịd udeemeñkpọ ammọ ado se ediideeme ikeene naña esịn afia eka ke ufọọd ikpọ ye ntək ikpeghe.”57Mbon ami edo mme Lifai e-ekebatta ke ubon ke ubon ammọ: Se ikito Kesọn, ubon nditọ Kesọn; Se ikito Kohad, ubon nditọ Kohad; Se ikito Merari, ubon Merari.58Mbon ami ñko ekedo nditọ Lifai: Ubon Libni, Ubon nditọ Hibrọn, Ubon nditọ Mahli, ubon nditọ Musi Ubon nditọ Kora, (Kohad akedo nsọbom Amram;59anyịñ anwaan Amram akedo Yokebed, a-aketooho ubon Lifai, a-akemanake anọ mme Lifai ke Iyib. Anye amaaman Erọn, Moses ye Miriam ayịneka ammọ awonwaan.60Erọn akebon Nadab ye Abihu, Eliasa ye Itama.61Ado Nadab ye Abihu emaekpa ke ini ammọ ekenamma uwa ke iso Abọọñ ye ikañ a-awo imiikinọọhọ ammọ adudu).62Afịd nditọ ideen Lifai tọọñọ ke afiọñ keed ye se ikpon ikan ado ekedo tọsịn edịb mme ita (23,000). Awo ikibatta ammọ idian ye mbon Isrel mbon ako sia ammọ ikibọọhọ udeemeñkpọ ndomokeed ke atu ammọ.63Mme mbon ami edo mbon se Moses ye Eliasa a-akedooho aku ekebat ke ini ammọ ekebatta nditọ Isrel ke unaisọñ Mọb ke ñkpere Yọdan ke edem Yeriko.64Awo ammọ ndomokeed ikibaaha ke atu mbon se Moses ye Erọn a-akedooho aku ekebat ke ini ammọ ekebatta nditọ Isrel ke Akpautatan Sainai.65Sia Abọọñ amaadọkkọ nditọ Isrel ke ammọ ana ekpa ke anaan, ñko awo ammọ nte keed ikisʌhọke ibọhọke Kaleb ayịn Yefune ye Yọsua ayịn Nọn.
Biblica, Inc.