Nọmba24
1Ndin ke ini Balaam akekịtte ke anem Abọọñ esịd adidiọñ Isrel, anye ikidotto anyen ke idiọñ nte naña akedo ke mme ini mfen, ado amaakanna iso amọ ase anaan.2Ke ini Balaam atịmmeke ase anye amaanyʌñ akịt ke Isrel ekebono ke esiin ke esiin, Sịbidịd Abasi amaadoro anye3ndin anye amaatañ etob amọ:“Ñkukịd Balaam ayịn Beo,ñkukịd awo a-anyen amọ amọọnọke inwañ-inwañ,4brọfesi awo a-akoppo ikọ Abasi,a-akịtte ñkukịd a-atooho Andikoñ Ñkan, a-aduọhọ ana anyan, a-anyen amọ anyʌññọ ana inwañ.5“Yekọb, mme atayad mfo eyaiya die,mme itie idʌñ mfo, Isrel!6“Ammọ etara nte mme abedeñ,nte mme inwañ ke mben inyañ,nte mme ñkọñ alo ake Abọọñ atọọhọ,nte mme eto sida ke mben mmọọñ.7Mmọọñ ayaafiọọrọ ato ke mme abañ ammọ;ñkpasi ammọ ayaanie mmọọñ akemme.“Adidem ammọ ayaakpon akan Akak;abio adidem ammọ eyaebenne.8“Abasi akesioño ammọ ke Iyib;ammọ enie adudu ayaaraenañ.Ammọ etata mme idịd e-edooho asuaenyʌñ eboom mme akpọ ammọ ñkeñe-ñkeñe;edat idañ ammọ ekuum ammọ.9Nte ekpe ammọ enʌhọ enyʌñ esuuk enaa,nte uman ekpe, anie ukeme adibịmme ammọ?“Mbon se udiọñ fiin yak enyʌñ ediọñ ammọMbon se usuuñọ fiin yak enyʌñ esuuñọ ammọ!”10Ndin Balak amaayat esịd ikañ-ikañ ye Balaam. Anye amaamia ubọk amọ naña iba anyʌñ abo anye, “Ami ñkukoot fiin adisueeñ mme asua mmi, ado afo ametịmme adiọñ ammọ akañ ita ado ami.11Idahami kpọñ ini keed nyọñ kaa ufọk mfo! Ami mmaabo ke ñyaunọ fiin utịb ayaiyake, ado Abọọñ iyakka afo abọ utịb ado.”12Balaam amaabọọrọ Balak ate, “Nte ami ñkedọkkọke mme isʌñutom a-afo akedọññọ annọ miin,13‘Akpekọm Balak akpennọ miin afịd silfa ye kold ke ebekpo amọ, ami ñkpikanna nnam ñkpọ ndomokeed ke idem mmi, me eti me idiọọk, adinam mbọhọ ewʌhọ Abọọñ, ndin ana ami ntañ se Abọọñ abo yak ntañ kpọd’?14Idahami ami mmetịmme ñnyọñ mbịne mbon mmi, ado di, yak ami udọkkọ fiin se mbon ami ediinam mbon mfo ke mme usen e-ediighe ke iso.”
Ayọhọ Etob Balaam Inaañ
15Ndin anye amaatañ etob amọ:“Ñkukịd Balaam ayịn Beo,ñkukịd awo a-anyen amọ akịtte inwañ-inwañ,16prọfesi awo a-akoppo ikọ ato Abasi,a-anieghe ifiọk a-atooho Andikoñ Ñkan,a-akịtte ñkukịd a-atooho Andikponñkan,a-aduọhọ ana anyan, a-anyen amọ anyʌññọ ana inwañ.17“Ami mmekịt anye, ado idooho idahami,Ami mmese anye, ado ikpereke.Ntantaafiọñ ayaawuọ ato Yekọb;esañ ubọọñ ayaadakka ato Isrel.Anye ayaanuak akoiso Mọb,mme ñkpọkpọrọ afịd mbon Sed.18Eyaekan Edọm;eyaekan Sei, asua ammọ,ado Isrel ayaakpon ke adudu.19Andikara ayaawuọ ato ke Yekọbanyʌñ asobo mme ñyọhọnsʌhọ ke abio.”Ayọhọ Etob Balaam Ition
20Ndin Balaam amaakịt Amalek anyʌñ atañ etob amọ:“Amalek akedo akpa ke atu mme idịd,ado utịd ammọ adiido nsi-nsi nsobo.”Ayọhọ Etob Balaam Itiokeed
21Ndin anye amaakịt mbon Keen anyʌñ atañ etob amọ:“Itie idʌñ mfo asọọñọada,efọk mfo asịne ke itiad;22kpayeado eyaisobo ndufo mbon Keenke ini Asiria imʌmmọ ndufo nte ifʌn.”Ayọhọ Etob Balaam Itiaba
23Ndin anye amaatañ etob amọ:“Sai! Anie ikan idu uwem ke ini Abasi anamma ami?24Mme ñkpoon nsʌñikañ eyaeto ke esʌk Saiprọs edi;ammọ eyaesuuk iwuod Asiria ye Ebee,ado eyaenyʌñ esobo ammọ ñko.”25Ndin Balaam amaadakka ada anyʌñ atịmme anyọñ ufọk amọ, Balak amaanyʌñ akaa usʌñ amọ.Biblica, Inc.