Nọmba23
Akpa Etob Balaam
1Balaam amaabo Balak, “Bọp akpokoro uwa itiaba mi nnọ miin, diọñ ñyaaraenañ itiaba ye akukịmedọñ itiaba nnọ miin.”2Balak amaanam se Balaam aketañ, ndin ammọ awo iba emaewa ayaaraenañ keed ye akukịmedọñ keed ke akpokoro uwa keedekeed.3Ndin Balaam amaabo Balak, “Tie mi ke akpokoro uwa mfo ke ini ami ñkaaha nsan-nsan. Akemeido Abọọñ ayaadi adisoobo ye ami. Se adodo a-anye ayaarake añwọt miin ñyaadudọkkọ fiin.” Ndin anye amaadakka akaa iwuod abod ake eto imiidaha.4Ndin Abasi amaadisoobo ye anye, Balaam amaanyʌñ abo, “Ami mmediọñ akpokoro uwa itiaba, ndin ke akpokoro uwa keedekeed mmaanyʌñ ñwa ayaaraenañ keed ye akukịmedọñ keed.”5Abọọñ amaasịn ikọ ke inua Balaam anyʌñ abo, “Tịmme kaa bịne Balak nyʌñ ke tañ ikọ ami nọ anye.”6Akema anye amaatịmme abịne anye anyʌñ akekịt anye nte ada ke mben ñkpọ uwa amọ, ye afịd mme ñkpisọñ ke Mọb.7Ndin Balaam amaanọ etob amọ:“Balak akemben miin ato ke Aram,adidem Mọb ato ke mme abod usakkautịn‘Di,’ anye amambo, ‘suuñọ Yekọb nnọ miin;di, kañ Isrel.’8Die ke ami mbo nsuuñọmbon A-Abasi imiisuuñọke?Die ke ami mbo nsua nnọmbon A-Abọọñ imiisuaha inọ?9Ami ñkeda ke mme atịñe ikpọitiad ñkịt ammọ,mmaada ke anyọñ mme abod ñkịt ammọ.Ami mmaakịt mbon e-etieghe ke idem ammọidatta idem ammọ nte mbon e-ebatta esịn ke atu mme idịd.10Anie ikan adibat ntọñ Yekọbmme adibat mbakka keed ke itie inaañ Isrel?Yak ami ñkpa ñkpa adinen awo,ñko yak akpatre utịd mmi aba nte ake ammọ!”11Balak amaabo Balaam, “Nsoo ke afo annam ami? Ami ñkudat fiin ndi nọ adisuuñọ mme asua mmi, ado afo unamma ñkpọ ndomokeed ukan adidiọñ ammọ!”12Anye amaabọọrọ, “Inaaha ami ntañ se Abọọñ ansịn miin ke inua?”Ayọhọ Etob Balaam Iba
13Ndin Balak amaabo anye, “Ñkeene miin kaa itie mfen a-afo akanna adikịt ammọ; afo uduukịtte afịd ammọ ibọhọke esiin itie nnaa ammọ. Ndin ke itie ado sueeñ ammọ nnọ miin.”14Akema anye amaaben anye akaa ke inwañ Sofim ke anyọñ iwuod Piska, anye amaanyʌñ abọp akpokoro uwa itiaba ke itie ado, amaanyʌñ awa ayaaraenañ keed ye akukịmedọñ keed ke mme akpokoro uwa keedekeed.15Balaam amaabo Balak, “Tie mi ke mben akpokoro uwa mfo ke ini ami ñkesooboke ye anye ke edem uko.”16Abọọñ amaasoobo ye Balaam anyʌñ asịn ikọ ke inua amọ anyʌñ abo, “Tịmme kaa bịne Balak nyʌñ tañ ikọ ami nọ anye.”17Akema Balaam amaatịmme abịne anye anyʌñ akekịt anye nte ada ke mben ñkpọ uwa amọ, ye afịd mme ñkpisọñ ke Mọb. Balak amaabịp anye ate, “Nsoo ke Abọọñ atañ?”18Ndin anye amaatañ etob amọ:Dakka da, Balak, nyʌñ kpañ utọñ:kop se ami ntañ, ayịn Sipọọ.19Abasi idooho awo, ake anye akpesʌhọke nsu,idooho awo, ake anye akpekappake esịd.Nte anye atañ ikọ ndin atre adinam?Nte anye anwọñọ ndin atre adinam?20Ami mmebọ ewʌhọ adidiọñ;anye a-adiọñ, ndin ami ñkemeke adikpəho.21“Ikịtte ndiọọkiso ke Yekọb,inyʌññọ ikịt ukuud ke Isrel.Abọọñ Abasi ammọ mmọdo ye ammọ;ñkpo adidem mmọdo ke atu ammọ.22Abasi akesịññe ammọ ke Iyib;ammọ enie adudu nte ayaaraenañ.23Ubre idiọñ ibaaha inọ Yekọb,idiọọk idiọọñọ ibaaha inọ Isrel.Ke akem ini eyaetañ ebaña Yekọbye Isrel ñko, ‘Se se Abasi anam!’24Mbon ami edakka eda nte uman ekpe;ammọ ebịmme idem ammọ nte ekpei-imiiduọkkọ adudu tutu anye ata se anye amʌmanyʌñ anwọñ iyiib ñkpọ se anye awot.”25Ndin Balak amaabo Balaam, “Kuunyʌñ usuesueeñ ammọ kuunyʌñ udọdiọñ ammọ!”26Balaam amaabọọrọ Balak. “Nte ami ñketañña unọ fiin nte ke ana nnam se adodo A-Abọọñ andọkkọke?”Ayọhọ Etob Balaam Ita
27Ndin Balak amaabo Balaam, “Di, yak ami udat fiin ñkaa itie mfen. Akemeido ayaanem Abasi esịd adiyak nọ afo ada ke itie ado asuuñọ ammọ annọ miin.”28Akema Balak amaadat Balaam akaa ke anyọñ iwuod abod Pio, a-asakkaiso ase mbiara isọñ.29Balaam amaabo Balak, “Bọp akpokoro uwa itiaba mi nnọ miin, diọñ ñyaaraenañ itiaba ye akukịmedọñ itiaba nnọ miin.”30Balak amaanam se Balaam aketañ, anyʌñ awa ayaaraenañ keed ye akukịmedọñ keed ke akpokoro uwa keedekeed.Biblica, Inc.