Nọmba1
Ubadawo
1Abọọñ Abasi amaadọkkọ Moses ke atayad mbono ke Akpautatan Sainai ke akpa usen ke ayọhọ afiọñ iba ke ayọhọ isua iba ke nditọ Isrel emaekewuọñọ ke Iyib, ate:2“Wet anyịñ ibad awo ke afịd esob Isrel ke aduuk ye ke ubon ammọ, wet afịd anyịñ ideen, keedekeed.3Afo ye Erọn enie edibat afịd ideen ke Isrel akeene ekpək ammọ, mbon se ido isua edịb, me ekpoono ekan ado, ekemeke edidʌk ekọñ.4Awo keedekeed kwa aduuk; ndin mme adaiwuod keedekeed ke ekpək amọ anie adunwam fiin.5“Mme anyịñ mbon se iduunwam fiin edo ami:“ke ubon Rubịn, Elisọ ayịn Sedọọ;6ke ubon Simiọn, Selumiel ayịn Surisadai;7ke ubon Yuda, Nasọn ayịn Aminadab;8ke ubon Isaka, Natandiel ayịn Suaa;9ke ubon Sebulọn, Eliab ayịn Helọn;10ake nditọ ideen Yosef: ake Ifrem, Elisama ayịn Amihud; ake Manase, Kamaliel ayịn Pedasọ;11ake Benyamin, Abidan ayịn Kidiọni,12ake Daan, Ahiesa ayịn Amisadai;13ake Asaa, Pakiel ayịn Okran,14ake Kad, Eliasaf ayịn Dewel;15ake Naftali, Ahira ayịn Enan.”16Mbon se ekesio ke atu afịd esob Isrel, mme adadusʌñ ke mme aduuk mme eteete ammọ edo ami. Ammọ ekedo mme adaiwuod ke mme esiin Isrel.17Moses ye Erọn emaeben afịd mbon ekesaiya anyịñ,18enyʌñ enam afịd esob edisoobo ke akpa usen afiọñ ke ayọhọ afiọñ iba. Mme awo emaewet anyịñ imaan ammọ akeene mme aduuk ye ubon ammọ, ndin emaewet keedekeed anyịñ afịd ideen e-ekeyọhọke isua edịb,19kpa naña Abọọñ akenọọ Moses uyio. Ndin anye amaabat ammọ ke Akpautatan Sainai:20Se ikito ke mme ubon Rubịn, akpa ayịn awodeen Isrel: Emaewet anyịñ afịd ideen e-ekeyọhọke isua edịb me ekponno ekan ado, ekekemme se edidʌk ekọñ, keedekeed, akeene ñwed ubon ye ufọk ammọ.21Ibad awo se ikito esiin Rubịn akedo tọsịn aba mme itiokeed mme ikie ition (46,500).22Mme ubon ake Simiọn: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.23Ibad awo se ikito esiin Simiọn akedo tọsịn aba mme duob mme usʌkkeed mme ikie ita (59,300).24Mme ubon Kad: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.25Ibad awo se ikito esiin Kad akedo tọsịn aba mme ition mme ikie itiokeed mme aba mme duob (45,650).26Mme ubon ake Yuda: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.27Ibad awo se ikito esiin Yuda akedo tọsịn ata mme duob mme inaañ mme ikie itiokeed (74,600).28Mme ubon Isaka: Emaewet mme anyịñ afịd ideen e-ekeyọhọke isua edịb me ekpono ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.29Ibad awo se ikito esiin Isaka akedo tọsịn aba mme duob mme inaañ mme ikie inaañ (54,400).30Mme ubon ake Sebulọn: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.31Ibad awo se ikito esiin Sebulọn akedo tọsịn aba mme duob mme itiaba mme ikie inaañ (57,400).32Mme nditọ ideen Yosef: Se ito ke ubon Ifrem: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.33Ibad awo se ikito esiin Ifrem akedo tọsịn aba mme ikie ition (40,500).34Mme ubon ake Manase: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.35Ibad awo se ikito esiin Manase akedo tọsịn edịb mme duob mme iba mme ikie iba (32,200).36Mme ubon ake Benyamin: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.37Ibad awo se ikito esiin Benyamin akedo tọsịn edịb mme duob mme ition mme ikie inaañ (35,400).38Mme ubon ake Daan ekedo: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.39Ibad awo se ikito esiin Daan akedo tọsịn ata mme iba ye ikie itiaba (62,700).40Mme ubon ake Asaa: Emaewet mme afịd anyịñ ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.41Ibad awo se ikito esiin Asaa akedo tọsịn aba mme keed mme ikie ition (41,500).42Mme ubon ake Naftali: Emaewet mme anyịñ afịd ideen e-ekeyọhọke isua edịb me ekponno ekan ado, ekekemme se edʌk ekọñ, keedekeed, ekeene ñwed ubon ye ufọk ammọ.43Ibad awo se ikito esiin Naftali akedo tọsịn aba mme duob mme ita mme ikie inaañ (53,400).44Mbon ami edo ideen se Moses ye Erọn ye mme adadusʌñ duob mme iba ke Isrel ekebat, ammọ keedekeed ekeda ke iwuod ufọk ammọ.45Emaebat afịd ideen ke Isrel e-ekekemme isua edịb me ekponno ekan ado enyʌñ edoñño mbon se ikikem adidʌk ekọñ ke Isrel, akeene mme ubon ammọ.46Afịd ibad awo akedo tọsịn ikie itiokeed mme ita mme ikie ition mme aba mme duob (603,550).47Ado awo ikibatta ubon mme Lifai idian ye mme esiin mbon ñko.48Sia Abọọñ amaadọkkọ Moses abo,49“Inaaha afo abat ubon Lifai me asịn ammọ ke atu ubadawo ake nditọ Isrel mbon ñko.50Utu ke ado, mek mbon Lifai nọ ese ñkpọ ebaña tabanakịd akebe edioomo mbed, ye afịd ñkpọ mbanaufọk ye afịd ñkpọ se inie anye. Ammọ enie edibiom tabanakịd ye afịd ñkpọ mbanaufọk amọ; ammọ enie edise ñkpọ mbaña anye enyʌñ eba ekanna anye ekʌk.51Mme Lifai enie edidooro akebe edioomo ke ini e-eyemme iben anye, ammọ enyʌñ enie edidiọọk anye ke emaebiisio inịm. Ana ewot awo akeedodo mfen asañake akpere akebe edioomo.52Nditọ Isrel enie adituak mme atayad ammọ ke ikpeghe ke ikpeghe, ammọ keedekeed ke itie nnaaekọñ ammọ naña idaha ammọ ado.53Ado mme Lifai enie edituak mme atayad ammọ ñkanna tabanakịd mbed edioomo ñkʌk mbaak ifiobesịd mmi adisọiyọ adoro esob nditọ Isrel. Ubiọñutom mme Lifai ado adise ñkpọ mbaña tabanakịd mbed edioomo Abasi.”54Nditọ Isrel emaenam afịd mme ñkpọ ami, kpa naña Abọọñ akenọọ Moses ewʌhọ.
Biblica, Inc.