Lefitikọs27
Adifakka se Inie Abọọñ
1Abọọñ amaabo Moses ate,2“Tañ nọ nditọ Isrel bo ammọ: ‘Awo ndomokeed akpenam asaña-asaña akaaña adinọ Abọọñ awo ke ukem-ukem ekọmudua awo ado,3yak ekọmudua awodeen tọọñọ ke isua edịb tutu asịm isua ata ado sekel silfa aba mme duob, akeene sekel adisana itie;4akpedo awonwaan, nịm ekọmudua amọ ke sekel edịb mme duob; 5awo akpedo isua ition tutu asịm isua edịb, yak ekọmudua awodeen ado sekel edịb, ake awonwaan ado sekel duob; 6tọọñọ ke ayịn afiọñ keed wuọ isua ition, yak ekọmudua awodeen ado sekel silfa ition, ake awonwaan ado sekel silfa ita; 7awo amaayọhọ isua ata me akanna ado, yak ekọmudua awodeen ado sekel duob mme ition, ake awonwaan ado sekel duob.8Akpedo awo a-anamma akaaña inieghe ñkpọ ikem se akpe ibad akʌk se enyịmme, yak eben awo e-ekamake enam akaaña do esọk aku, aku ndin ayaanịm ekọmudua akeene se awo a-anamma akaaña ado adiikan ikpe.9“ ‘Adieke se ammọ ekekaañake adooho unam a-afọnnọ se enọ Abọọñ, utọ unam ado e-enọọhọ Abọọñ do akappa ado adisana.10Inaaha ammọ ekpəho anye me edat eti esịn ke itie idiọọk, me idiọọk ke itie eti; adieke anaaha ammọ edat unam keed ekpəho ye mfen, anye ado ye se edat ekpəho anye ediido ndisana.11Adieke se ammọ ekekaañake adooho ndedeghe unam, anye i-imiifọnnọ se ewa enọ Abọọñ, ana eben unam ado eka iso aku,12ndin aku ayaatañ ekọmudua amọ, me ado eti me ado idiọọk. Se ekọmudua aku anịm, ado ke adiido.13Adieke andinie ayemme adifakka unam ado, ana anye adian mbakka keed ke itie ition ekọmudua ado.14“ ‘Awo akpeben ufọk amọ anịm nte adisana anọ Abọọñ, aku ayaakpe udua amọ akeene naña aba, me ado eti me idiọọk. Se ekọmudua aku anịm, ntoro ke adiido.15Adieke awo a-anịmme ufọk amọ nte adisana ayemme adifakka ufọk ado, ana ammọ edian mbakka keed ke itie ition ekọmudua ufọk ado, ndin ufọk ado ayaamaana akappa ado ake ammọ.16“ ‘Adieke awo ndomokeed adiaññake ubaak isọñ ufọk ammọ anịm asaña-asaña anọ Abọọñ, ekọmudua amọ adiikeene ibad mfịd se isọñ ado akeme adiben, sekel silfa aba mme duob ke udomo homa baali keed. 17Ekpediañña isọñ enịm ke Isua Yubili, ekọmudua emaekebebiere ayaasọñ ada.18Ado ammọ ekpediañña isọñ enịm ke Yubili amaakeboiyo, aku ayaanịm ekọmudua akeene ibad isua se isʌhọ mbemiso Isua Yubili mfen, ndin eyaesuuho ekọmudua ado.19Adieke awo a-anịmme isọñ amọ nte adisana ayemme adifakka anye, ana edian mbakka keed ke itie ition ekọmudua ado, ndin isọñ ado ayaamaana atịmme ado ake ammọ.20Akpedo anam ammọ ifakkake isọñ ado, me adooho ammọ e-enyam anye enọ awo mfen, awo ikemeke adifakka anye aba.21Emaesaana ikọd inwañ ado eyaak ke Isua Yubili, ayaakappa ado adisana, nte isọñ e-enịmme nte adisana enọ Abọọñ; anye ayaakappa ado inie mme aku.22“ ‘Awo akpediañña isọñ a-ammọ edeppedep enịm nte asaña-asaña enọ Abọọñ, i-imiidooho isọñ ufọk ammọ,23aku ayaabiide ekọmudua amọ akewuọ Isua Yubili, ndin andinie ana akpe ekọmudua amọ ke usen ado nte ñkpọ a-adooho adisana anọ Abọọñ.24Ke Isua Yubili isọñ ado ayaatịmme abịne andikinyam anye, andikinie isọñ ado.25Enie edinịm afịd ekọmudua nte asañake akekem ke sekel adisana itie, kera edịb ke sekel.26“ ‘Inaaha awo ndomokeed adiañña akpa ñyịn unam anịm nte adisana, sia akpa ñyịn amaanenie Abọọñ; me abaakenañ me edọñ, ado Abọọñ anie.27Adieke adooho keed ke atu mme ndedeghe unam, e-ekeme adifakka anye ke ekọmudua amọ, ke edianna mbakka keed ke itie ition ekọmudua ado. Adieke awo imiifakkake anye, enie edinyam anye ke ekọmudua amọ.28“ ‘Ado inaaha enyam me efak ñkpọ ndomokeed a-awo anieghe anyʌñ adiañña anịm anọ Abọọñ, me awo me unam me isọñ ufọk ammọ; afịd se ekediañña enịm ke utọ usʌñ ado ado ataa adisana anọ Abọọñ.29“ ‘Inaaha efakka awo ndomokeed ekediaññake enịm enọ nsobo; ana ewot anye.30“ ‘Mbaak keed ke itie duob afịd ñkpọ se ito isọñ, me ñkpasi inwañ me mfịd eto, anie Abọọñ; ado adisana anọ Abọọñ.31Awo akpeyem adifakka mbaak keed ke itie duob ado, ana adian mbaak keed ke itie ition ekọmudua amọ.32Afịd ayọhọ mbaak duob ke udịmenañ ye ke udịmedọñ, afịd ayọhọ unam duob a-asañake aboiyo ke idak esañ akpemeedọñ, adiido adisana anọ Abọọñ.33Ikpinaaha awo ndomokeed asio se ido eti ke atu ndiọi, me anam ukpəho ñkpọ. Adieke awo ndomokeed anamma ukpəho ñkpọ, unam ado ye anye e-edatta ekpəho eyaekappa edo ndisana ndin awo ikemeke adifakka ammọ.’ ”34Ami edo mme ewʌhọ se Abọọñ akenọọ Moses ke Abod Sainai anọ nditọ Isrel.Biblica, Inc.