Lefitikọs9
Mme Aku Etọọñọ Utom Ammọ
1Akema ke ayọhọ usen itiaita Moses amaakoot Erọn ye nditọ amọ ye mme ñkpisọñ Isrel.2Anye amaabo Erọn ate, “Dat ñyịn ayaaraenañ keed nte ñkpọ uwa idiọọkñkpọ mfo ye akukịmedọñ keed nte ufọfọb uwa mfo, naña iba inaaha enie ndo, ndin ben ammọ di ke iso Abọọñ.3Ndin dọkkọ nditọ Isrel bo: ‘Idat akpoebod keed nte ñkpọ uwa idiọọkñkpọ, ñyịn enañ keed ye ñyịn edọñ keed, yak ammọ mba eyọhọ isua keed, inyʌññọ inie ndo, nte ñkpọ ufọfọb uwa4ye abaakenañ keed ye akukịmedọñ keed nte ñkpọ uwa ewuana adidiwa ke iso Abọọñ, dian ye uwa ñkpasi ewuaha adan ọlif. Sia mfịn Abọọñ ayaiwọt ndufo idem.’ ”5Ammọ emaeben afịd se Moses akebo ammọ ekaa ke iso atayad mbono, ndin afịd esob emaesịkke ekpere edida ke iso Abọọñ.6Ndin Moses amaabo, “Se Abọọñ abo ndufo enam ado ami, nọ ato do ubọọñ Abọọñ iwọt ndufo idem.”7Moses amaabo Erọn ate, “Di akpokoro uwa diwa uwa ufeen idiọọkñkpọ ye ufọfọb uwa mfo nyʌñ nam ñkpeubọk nọ idem mfo ye atu awo; wa uwa nọ atu awo nyʌñ nam ñkpeubọk nọ ammọ, naña Abọọñ akebo.”8Ndin Erọn amaadi akpokoro uwa akewot ñyịn enañ nte uwa idiọọkñkpọ anọ idem amọ.9Nditọ ideen Erọn emaeben iyiib ado esọk anye, ndin anye amaadeep nnuunubọk amọ anyʌñ aben ayeet ke mme nnʌk ke akpokoro uwa, anye amaaben ñyọhọnsʌhọ iyiib ado aduọk ke isọñ akpokoro uwa.10Ke akpokoro uwa anye amaafọp akpọñ, mme ekpuud ye udʌk ayịreke ke ati a-atooho uwa idiọọkñkpọ, naña Abọọñ akewuuk Moses;11anye amaafọp abʌk ye ikpa unam ke esiin itie nnaa.12Ndin Erọn amaawot ufọfọb uwa. Nditọ ideen amọ emaeben iyiib ado enọ anye, anye amaanyʌñ aben asiime ke mme mben akpokoro uwa.13Ammọ emaeben ufọfọb uwa esọk anye mbai ke mbai, ye iwuod, ndin anye amaafọp ammọ ke akpokoro uwa.14Anye amaayet ñkpọ esịd idịb ye ukod anyʌñ afọp ammọ ke anyọñ ufọfọb uwa ke akpokoro uwa.15Ndin Erọn amaaben uwa mbon awo adi. Anye amaaben akpoebod uwa ufeen idiọọkñkpọ mbon awo awot anyʌñ awa anye nte uwa idiọọkñkpọ naña anye akenam ye akpa ado.16Anye amaaben ufọfọb uwa adi anyʌñ adiwa naña mbed aketemme.17Anye amaanyʌñ aben uwa ñkpasi adi, amaawoppo ekpaubọk keed anyʌñ afọp ke akpokoro uwa adian ye ufọfọb uwa ubakusen.18Anye amaawot ayaaraenañ ye akukịmedọñ nte uwa ewuana anọ atu awo. Nditọ ideen Erọn emaeben iyiib ado enọ anye, ndin anye amaasiime anye ke mben akpokoro uwa.19Ado akpọñ abaakenañ ye ake akukịmedọñ, akpọñ isịm, ekamba akpọñ, ekpuud ye udʌk ayịreke ke ati,20ammọ emaekoono mbon ami edoot ke ikọñesịd, ndin Erọn amaafọp akpọñ ado ke akpokoro uwa.21Erọn amaafʌñ ikọñesịd ye ifʌkkọ nnasia ke iso Abọọñ nte ufọfʌñ uwa, naña Moses aketemme.22Ndin Erọn amaabenne ubọk amọ ke anyọñ anyʌñ adiọñ atu awo. Ke anye amaakewa uwa idiọọkñkpọ, ufọfọb uwa ye uwa ewuana, anye amaasọiyọ.23Ndin Moses ye Erọn emaedʌk esịd atayad mbono. Ammọ ekewuọ edi, emaediọñ atu awo; ndin ubọọñ Abọọñ amaawuọ awọt afịd atu awo idem.24Ikañ amaato ke iso Abọọñ awuọ anyʌñ ata ufọfọb uwa ye akpọñ ke akpokoro uwa. Ke ini afịd atu awo ekekịtte ami, ammọ emaesio ñkpo idaara enyʌñ eduọ ekʌp iso ke isọñ.Biblica, Inc.