Lefitikọs10
Ñkpa Nadab ye Abihu
1Akema nditọ ideen Erọn, Nadab ye Abihu, emaeben ñkpọ ufọp insensi ammọ, esịn ikañ ke esịd enyʌñ edọñ insensi; ndin emaeben ikañ a-mmiikinieghe unyịmme edi ke iso Abọọñ, ñkpọ a-adooho Abọọñ ikiibooho enam.2Ndin ikañ amaato iso Abọọñ awuọ anyʌñ ata ammọ, ammọ emaekpañña ke iso Abọọñ.3Ndin Moses amaabo Erọn ate, “Se Abọọñ aketañ abaña ado ami ke ini anye akebooho ate:“ ‘Ke atu mbon e-esañake eñkpere miinñyaawọt idem mmi nte adisana;ke iso afịd awoeyaeñkpono miin.’ ”Erọn ikisioho uyio.4Moses amaakoot Miseel ye Elsafan, nditọ ideen Usiel, ayịneka ete Erọn, anyʌñ abo ammọ ate, “Idi mi; iben nditọete ndufo ami isio ke itie nnaa, isio ke iso adisana itieukpono.”5Ndin ammọ emaedi ediben ammọ esio, naña ekenyʌñ esịne tunik ammọ, ewuọ ke itie nnaa, naña Moses akewuuk.6Ndin Moses amaabo Erọn ye nditọ ideen amọ Eliasa ye Itama ate, “Ikiiyak ided ndufo asuakka, ikiinyʌñ iwai afọñidem ndufo, imiidooho ntoro eyaekpañña ndin Abọọñ ayaayat esịd ye afịd abio. Ado nditọete ndufo, afịd Isrel ekeme adifʌhọ mbaña mbon ake Abọọñ asoboke ke ikañ.7Ikiidakka ikpọñ inuausʌñ atayad mbono imiidooho ntoro eyaekpañña, sia adan unịm idiọọñọ Abọọñ mmọ ke idem ndufo.” Ndin ammọ emaenam naña Moses aketemme.8Ndin Abọọñ amaabo Erọn ate,9“Afo ye nditọ mfo inaaha enwọñ ukọd me ndañ ukọd ini akeedodo a-ndufo edʌkkọ atayad mbono, imiidooho ntoro ndufo eyaekpañña. Ami ado nsi-nsi ewʌhọ ke afịd emana,10nọ ato do afo akan akịt ukpʌhọde a-abaaha ke ufọọd mbon se isana ye mbon mfen, ke ufọọd se ideghe ye se isana,11ñko mbaak afo akan akpeep nditọ Isrel afịd ewʌhọ se Abọọñ aboiyo ke Moses anọ ammọ.”12Moses amaabo Erọn ye Eliasa ye Itama, nditọ amọ se ikisʌhọ, ate, “Dat uwa ñkpasi a-asʌhọke ke atu uwa ndidia a-adooho akenam awo isịnne yiis, e-ekenọọhọ Abọọñ, inyʌñ idia anye ke mben akpokoro uwa, sia anye ado ataa adisana.13Idia anye ikpere itieukpono, sia ado udeeme ndufo ye ake nditọ ndufo ke uwa ndidia ekenọọhọ Abọọñ; sia ewʌhọ ekeñwuuhọ ado ado.14Ado afo ye nditọ ideen ye ibaan mfo emekeme edita ikọñesịd ekefʌññọ ye ifʌkkọ se ekenọọ. Idia ke itie se isana; unọ fiin ye nditọ mfo mbon ado nte udeeme uwa ewuana nditọ Isrel Abọọñ akenọọ ewʌhọ.15Ana eben ifʌkkọ ekenọọhọ ye ikọñesịd ekefʌññọ edi ye akpọñ uwa ndidia, nọ efʌñ ke iso Abọọñ nte ufọfʌñ uwa. Ami adiido nsi-nsi udeeme mfo ye nditọ mfo, kpa naña Abọọñ awuuk.”16Ke ini Moses akebịppe abaña ebod uwa idiọọkñkpọ ndin adidiọọñọ ke emaefọp, anye amaayat esịd ye Eliasa ye Itama, nditọ ideen Erọn se ikisʌhọ, amaanyʌñ abịp ate,17“Ntaha a-ndufo imiikidiaha uwa adifeen idiọọkñkpọ ke nte akpere itieukpono-o? Anye ado ataa adisana; ekinọ ndufo nọ ato do esọọk ndudue abio efep ke ndufo edinam ñkpeubọk nnọọ ammọ ke iso Abọọñ.18Sia awo imiikibenne iyiib amọ idʌk Adisana Itie, akpekena eta ebod ado ekpere itieukpono, kpa naña ñkewuuk.”19Erọn amaabọọrọ Moses ate, “Mfịn ammọ emaewa uwa ufeen idiọọkñkpọ ye ufọfọb uwa ammọ ke iso Abọọñ, ado utọ ñkpọ ntom adiñwuọñọ miin. Ado nte akpaakenem Abọọñ esịd adieke ñkpekediaha uwa idiọọkñkpọ ado mfịn?”20Ke Moses amaakekop ami, anye amaakop uyʌkkọ.Biblica, Inc.