Yoob6
Yoob
1Ndin Yoob amaabọọrọ ate:2“Ekpekap eben ndutʌhọ mmi edot ke udomoñkpọenyʌñ eben afịd ukuud mmi edot ke udomoñkpọ!”3Ke akpanikọ anye ayaadoppo akan ntan inyañmmese ke mmaasọp inua ke ikọ mmi.4Mme idañ Andikoñ Ñkan eñwʌhọ miin ke idem,sịbidịd mmi anwọñ ibọkñkpa ammọ;mme ñkpọ ndịk Abasi edi ekọñ ye ami.5Nte dọñki ikọd akeme aditie abiọọñ ke ini anye amaakịt mbid,me abaakenañ akeme aditua abiọọñ ke ini anye amaanie ikịm?6Nte e-ekeme adidia ibe ndidia i-inʌñ imiibaaha,me nte inem a-aba ke mmọọñ malo?7Ami mmesịn adituuk anye;utọ ndidia ado anam ami ndọñọ.8“O, nọ ami ndiibọ ebeeñe mmi,nọ Abasi akpekap anam idodanyen mmi asu,9nọ Abasi anyịmme adinnuak miin,aditat ubọk amọ ñnyʌñ ñkpịkke uwem mmi mfep!10Ndin ami ñkpesʌk ñkaka iso nnie idọñesịd ami,idadesịd mmi ke ananautịd ubiak,ke ami ñkikañña mme ikọ Andisana Ñkan.11“Nsoo inweek ke ami nnie, a-anamma yak ami nsʌk nnie idodanyen?Nsoo ñkukịd, akpenam yak ami nnie ime?12Ado nte ami mmenie inweek se itiad anie?Me abʌkidem mmi ado brọns?13Nte ami mmenie adudu ndomokeed adinwam idem mmi,idahami a-adooho emaebịne uforo esio ke idem mmi?”14“Awo ndomokeed i-imiiwọttọ ufan amọ mfọnidoasịn mbaak Abasi Andikoñ Ñkan.15Ado nditọeka mmi ideen idooho se enie ibededem nte mme asoosio ini idịm,nte mme idịm e-efegheke etọ eduọiyọ16ke ini ais atarake anam ammọ ebreanyʌñ ayọọk nte sino atarake,17ado atre adifeghe ke ini ndaayio,ñko ke ini ufiob ammọ esat ke mme usʌñ mmọọñ ammọ.18Udịm mbon ukaisañ ewakka ekpọñ mme usʌñ ammọ;ammọ eboiyo ekedʌk anaan enyʌñ esobo.19Udịm mbon ukaisañ Tema eyem mmọọñ,mme akaisañ udua Seba eyem ye idodanyen.20Ukuud amaasịm ammọ, sia ammọ emaenie mbuọdidem;ammọ ewuọ itie ado, idodanyen ammọ akpa mfʌhọ.21Idahami, ndufo ñko emewọt ke ndufo inieghe unwam se enọọ;ndufo emekịt ñkpọ ndịk enyʌñ ekop ndịk.22Akenaanam ami mmebo, ‘Nọ ñkpọ ke iwuod mmi,dat inie mfo kpe isob iwuod mmi,23mfak miin sio ke ubọk asua mmi,ñnyaaña miin sio ke ubọk mbon isọñesịd’?24“Ñkpeep miin, ndin ami ñyaadop uyio;ñwọt miin itie nte ami ndue.25Ikọ akpanikọ asibiak die awo!Ado nsoo ke ikọ mfaaña mfo awọt?26Nte afo ayem adineeñe se ami ntañ,anyʌñ adat mme ikọ mmi ke ini ñkịmanyen nte afịm?27Ndufo eyaeyem adisịn afia nnọọ nditọakpañnyʌñ ñnyam ufan ndufo nte ñkpọ udua.”28“Ado idahami, iwọt mfọnido ke edinse miin ke iso.Nte ami mmekeme adisʌhọ nsu ke iso ndufo?29Kpọñ idem, kuunam se imiinenne;maana kere se, sia eti anyịñ mmi asịne ke udomoñkpọ.”30Nte ibak ndomokeed aba ke ñkpọkinua mmi?Nte inua mmi ikemeke adidiọọñọ ñkpọ se idiọọk?Biblica, Inc.