Yoob5
1Koot adieke afo ayemme adikoot, ado anie awo iduubọọrọ fiin?Anie ke atu mme ndisana awo ke afo uduukanna anyen use?2Iyadesịd awowot ndisịme awo,ñko ufịb mme idiọọkesịd anyʌñ awot mmeem-mmeem awo.3Ami ke idem mmi mmekịt naña ndisịme anie adʌñ,ado ikpeenekekpeene emaesuuñọ ufọk amọ.4Nditọ amọ enyọọñ usʌñ ekpọñ adinyaaña,enuak ammọ ke esob ke ini andibededem imiibaaha.5Awo abiọọñ akweeñe idọk amọ,asio anye ato ke ufọọd ñkukịm,awo nsaditọñ anyʌñ ayem imọ amọ.6Sia nsọñọñkpọ itooho ntan iwuọ,mfịna ñko itịppeke ito isọñ.7Ado awo amana anọ ukuudkpa naña nduwai ikañ afuurọ adọọk anyọñ.8“Ado, akpedo ñkudo fiin, ñkpekap ñkpe Abasi ubọk;ñkpaayaak afịd mbaba mmi nnịm anye ke iso.9Anye anam mme utịppeñkpọ ñkpaidem e-eyaññake awo ifiọk,mme utịppeñkpọ a-awo imiikanna ibat.10Anye anam edịm adep anọ isọñanyʌñ adọñ mmọọñ akaa abioinwañ.11Anye adịppe awo usuuk itie ke anyọñ,anyʌñ abenne mbon e-efʌhọke asịn ke ifuuro.12Anye abiat uduak mbon ñkara,mbaak ubọk ammọ adinie uforo.13Anye amʌm mbon aniọñ ke ñkara ammọ,ndin uduak mbon abiaña aboiyo afep.14Ekịm afʌk ammọ ke uweemeayio;ke ufọọd uweemeayio ammọ efiọññọ ubọk nte ke akonayio.15Anye anyaaña mbon unana asio ke akañkañ a-asịneke ammọ ke inua;anye anyaaña ammọ asio ke ubọk ñkpọsọñ awo.16Anam uweene anie idodanyen,ukwañ ikpe anyʌñ akʌp inua.17“Afọfọn anọ awo ake Abasi adʌttọ utọñ;kuusịn ndin item Abasi Andikoñ Ñkan.18Sia anye anọ unan, anye anyʌñ asọbọ unan;anye anọmọ, ado ubọk amọ ñko anyʌñ akọk.19Ke mfịna itiokeed anye ayausio fiin;ñko ke itiaba idiọọkñkpọ iduusịmme.20Ke ini akañ anye ayaufak fiin asio ke ñkpa,ke ini ekọñ ñko ayaufak asio ke iso akañkañ.21Ke awo amiaha edeme, anye ayaukpeme fiin,uboho unyʌñ udịkke ke ini afanekọñ adiighe.22Afo ayaasak nsobo ye akañ,uduunyʌññọ unie ndịk ubaña ndiọi unam.23Sia afo ayaanie edioomo ye mme itiad inwañ,ndin ndiọi unam eyaeba emem-emem ye afo.24Afo ayaadiọọñọ ke atayad mfo anie nsọọñọnda;afo ayaabat mme inie mfo anyʌñ akịt ke ñkpọ ndomokeed isoppo.25Afo ayaadiọọñọ ke nditọ mfo eyaewak,ubon mfo enyʌñ ewak nte mbid isọñ.26Afo ayaakaa udi ke ataa usọñ,nte abek abakpa e-ekoonoke ke akem ini.27“Ñnyịn imiduuñọ ñkpọ ami, inyʌñ ikịt ke ado akpanikọ.Ntoro kop ikọ ami nyʌñ ben nam ñkpọ nọ idem mfo.”
Biblica, Inc.