Udiana Ñwed Timoti4
Kwọrọ Ikọ Abasi
1Mmenekke unọ fiin ewʌhọ ami ke iso Abasi, ye ke iso Krais Yisọs, a-adiikpe ikpe mme aduuwem ye mme akpañkpa ke ini a-anye adiiwuọ iwọt idem inyʌñ iyaara abioubọọñ amọ.2Kwọrọ ikọ Abasi; nekke beeñe idem adinam ami, ke adooho eti ini, ye ke imiidooho eti, ke ifed abaaha ye ke ufañ afahakefaha; kama anyanime ye eti ukpeeb wọt mme awo ndudue ammọ, sua nọ ammọ nyʌñ sọọñọ ammọ idem.3Sia ini asʌk adi a-mme awo imiidiinyịmmeke adikop eti ukpeebñkpọ aba. Utu ke ado, nọ akem ye udọñ ammọ, ammọ eyaekịppe ekeene nsio-nsio mme andikpeeb e-ediikpeep se utọñ adeebeke ammọ ayem adikop.4Ammọ eyaewọññọ utọñ ekpọñ akpanikọ enyʌñ ekappa ekeene mme mbʌk esed.5Amaado afo, ba ke ñkọọkiwuod ke afịd usʌñ, yọ nsọñọñkpọ, nam utom ifañyere, nam afịd ubiọñutom mfo ma.6Sia enduọduọk miin nte uwa uduọk ukọd, ndin ini a-akem ami adikpọñ ndufo.7Mmenwana eti anwan, mmekweñe nduba mmi, mmemʌm mbuọdidem ñkama.8Ndin idahami, e-ebeeñe anyanya eti ido enịm ennọ miin, A-Abọọñ, unen Abiideikpe, adinnọ miin ke usen ado, ndin idooho ami ikpọọñ ke ediinọ, eyaenọ afịd mbon e-enieghe udọñ ebaña anye aditịmme ndi.Ikọ Idem Mmi
9Domo afịd ukeme mfo adisọp ndi imbịne miin,10sia Demas amaafeghe añkpọñ miin akaa Tesalọnika, ato ke uwʌrọ ñkpọ ederimbod ami. Kresens akaa Kalesia; ndin Taitọs akaa Dalmasia.11Luk ikpọọñ asʌhọ ye ami. Saña ye Maak di, sia anye annọ miin unwam ke utom ami.12Ami mmaadọñ Taikikọs nte aka Efisọs.13Amaabiidi, ben ekamba afọñidem mmi añkenịmme ye Kaapus ke ini ñkebaaha ke Troas di; ñko ye mme ikpañwed mmi, akpan-akpan mme ñwed mmi e-ekamake ikpa unam ewet.14Aleksanda, adomutịm, amannam ibak eti-eti. Abasi ayaasio usiene nọ akekem ye se anye anam.15Kpeme idem mfo ñko ye anye, sia anye amaanekke anwana ye etob ikọ Abasi ñnyịn.16Ke akpa ikpe a-ami ñkedaaha adinyaaña idem, ami ñkenieghe unwam nto awo ndomokeed. Ado afịd awo emaefeeñe eñkpọñ. Abasi akpekap afeen anọ ammọ.17Ado Abasi amaada ye ami, anyʌñ annọ adudu adikwọrọ ikọ ayọhọ-ayọhọ, adinyʌñ nnam mme Gentile ekop. Ndin emaemfak miin esio ke inua ekpe.18Abọọñ ayañnyaaña miin asio ke afịd idiọọk ubịne; ayaanyʌñ añkpeme miin tutu akesịm abioubọọñ hefịn. Ubọọñ anie anye ke nsi-nsi. Amen.Akpatre Ekọọm
19Kọọm Prisila ye Akwila, ye mbon ufọk Onesifọrus.20Erastus amaasʌhọ ke Kọrint, ndin ami mmaanyʌñ ñkpọñ Trofimus ke Miletus sia anye akedọọdọñọ.21Domo ukeme mfo adikisịm do mbemiso ini ekarika.Yibulọs, ye Pudens, ye Lainus, ye Klaudia, ye afịd nditọeka ke Krais e-enọ ekọọm.22Abọọñ aba ye sịbidịd mfo. Mfọn aba ye afịd ndufo.
Biblica, Inc.