Udiana Ñwed Timoti3
Utịd Ayio
1Nekke diọọñọ ami ate ke akpọsọñ mfịna ayaaba ke utịd ayio.2Mme awo eyaedoñño mme amaidem, mme ama akʌk, enyʌñ ewọk inua, ekokko idem, enyʌñ etañ abʌd-abʌd ikọ. Ammọ eyaesọñ iwuod ye mme ete ye mme eka ammọ, enana esịd ekọọm ye uteeñe Abasi,3enana ima uduudawo, ifeene inọ awo, ebiat awo anyịñ, enana mfadidem, edu afai-afai uwem, imaaha eti ñkpọ.4Ammọ eyaetap mme awo enọ mme asua, enie ifiobesịd, enyʌñ ema inem uwem ederimbod ami ekan ima Abasi,5enie ido ukpono Abasi ado ekañ adudu amọ. Kuudʌk ndʌk ye utọ ibon ado.6Sia ammọ ekama ñkara edʌk ufọk awo; ebiaña ibaan i-imiinieghe nsọọñọnda, ibaan i-idiọọkñkpọ ye idiọọkitọñ ekarake uwem ammọ, enyʌñ editịn usʌñ ke ntak ndiọi udọñ ammọ.7Utọ ibaan ami etak ke ukpeebñkpọ afịd ini, ado ikanna inie ifiọk akpanikọ.8Ukem-ukem naña Yannes ye Yambres ekebiọọñọ Moses, ukem ado ke mme andikpeeb ami ebiọọñọ akpanikọ. Esịd ammọ ayọhọ ye abiaña, sia emaesịn ammọ ke abaña mbuọdidem.9Ado ammọ idiikanna inam ñkpọ ndomokeed, kpa naña akedo ye ibon ado, ndisịme ammọ ayaayaara anaa inwañ-inwañ ke iso afịd awo.Akpatre Item a-Pọọl Anọọhọ Timoti
10Ado afo amediọọñọ abaña afịd se ami ñkpeep, eduuwem mmi, ye uduak mmi, mbuọdidem mmi, anyanime mmi, ima mmi, ye ñwaidem mmi,11ukọbọ, ufen, mme ñkpọ se ikitịppe innọ miin ke Antiọk, Aikonium, ye Listra, mme ukọbọ se ami ñkebọọ. Kpayeado, Abọọñ amañnyaaña miin asio ke afịd ammọ.12Ke akpanikọ, eyaekọbọ afịd awo e-eyemme edidu eti uwem ke Krais Yisọs.13Ado ndiọi awo ye mbon abiaña, eyaesʌk ekaa iso ediọi, enyʌñ ekaa iso ebiaña awo; mme awo enyʌñ ebiaña ammọ.14Amaado afo, yịre ke se afo akekpeep anyʌñ adiọọñọ ke ado akpanikọ; sia amediọọñọ mbon a-afo akekpeebe ato.15Ñko afo amediọọñọ Ndisana Ikọ Abasi e-ewette tọọñọ ke uyịn, a-akemeke adinam afo ado awo aniọñ, anyʌñ anie adinyaaña ato mbuọdidem ke Krais Yisọs.16Ekewet afịd ikọ Abasi ke adudu Sịbidịd Abasi, ndin a-afọn se ekama ekpeep awo ñkpọ, esua enọ awo, enyʌñ etemme awo usʌñ a-anenne ye ukpeebñkpọ ke adinenido,17nọ ato do awo Abasi akan anie ayọhọ ifiọk, anyʌñ atʌm abeeñe idem ke afịd usʌñ, adinam afịd nti utom.Biblica, Inc.