Akpa Ñwed Pita5
Item E-enọọhọ mme Adaiwuod Ufọkabasi ye Ikọd Abasi
1Ke abaña mme adaiwuod ufọkabasi e-ebaaha ke atu ndufo, ami nnam ebeeñe ami nte keed ke atu mme adaiwuod, nte ntiense ndutʌhọ Krais ye awo keed a-adiikeene iwuana ke ubọọñ e-ediiyaara.2Idoñño mme akpemeedọñ inọ atu edọñ Abasi a-abaaha ke idak ndufo. Itịñ anyen ise ammọ, idooho nte inyeenyịk, ado ke unyịmme esịd ndufo naña Abasi ayem ndufo eba; idooho ke idiọọk itọñ akʌk, ado sia emenie udọñ adinam utom;3ikiifiik mbon e-eyakka isịn ndufo ke ubọk, ado inịm idem nte uwọdñkpọ inọ atu edọñ.4Ndin Ekamba Akpemeedọñ amaayaara idem, ndufo eyaebọ anyanya ubọọñ i-imiidiibiarake.5Kpa ke ukem usʌñ ado, ndufo mme iwaad, isuuk idem inọ mme ñkpisọñ. Afịd ndufo, iben nsuukidem isịne ke idem inọ emọ-emọ, sia,“Abasi a-abiọọñọ mbon ntañidem,ado anọ mbon nsuukidem mfọn.”6Isuuk idem ndin ke idak akpọsọñ ubọk Abasi nọ anye ibenne ndufo anịm ke anyọñ ke akem ini.7Itop afịd mfịna i-itịmekede ndufo esịd idot ke anye, sia anye a-akere ibaña ndufo.8Inie mfadidem, inyʌñ ikpeme. Asua ndufo, andidiọọk ayoyo nte ekpe a-akuunọ ayem awo se ata.9Isọọñọ ida ke mbuọdidem inwana ye anye, sia ndufo emediọọñọ ke ubon mme andinịm Abasi ke akpanikọ ke afịd ederimbod esʌk ebọ ukem ndutʌhọ ami.10Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo imaikikịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.11Yak adudu anie anye ke nsi-nsi nsi-nsi, Amen.Akpatre Ekọọm
12Ke unwam Sailas , a-ami ndatta nte ayịneka ke Krais, mmewet imʌk-imʌk ñwed ami nnọ isọk ndufo, adisọọñọ ndufo ukod, ñnyʌñ idọkkọ ndufo mbaña ataa mfọn Abasi. Isọọñọ ida ke ado.13Ayịneka ñnyịn awonwaan ke Krais a-abaaha ke Babilọn, e-ekemekke ye ndufo a-anọ ekọọm. Maak ayịn mmi anyʌñ anọ ekọọm.14Ikọọm emọ-emọ ye ntʌminua asañake ye ima.Yak emem aba ye afịd ndufo e-ebaaha ke Krais.
Biblica, Inc.