LUKA19
1Mwa mango Yesu ahikaa mwa mulungu we Yeriko, abaa abalanganana muo.2Na mwa mulungu umo, mwabaa muli mundu muuma ni analukwa mbu ye Sakayo. Sakayo uyo, abaa mukulukulu wa bahoresi ba koli, na kandi abaa muxoki.3Abaa axondelola nga Yesu yende. Wetuwe, kubwishi abaa mufi, niatangakocha imulolako kubwishi bwa mubuanano wa bandu.4Nianalibitira ira buxondotsi. Nianauruka ku muti kwekocha ixunga ku Yesu, kubwishi mwa nchira umo ni mo Yesu akatsuka.5Mwa mango Yesu ahikaa ahandu aho, nianabatula amesha, nebwira Sakayo mbu: «Kima chuba, kubwishi nishushire ichumbika mwa mwawe munolwire.»Sakayo aurukire ku muti kwelola ku Yesu6Sakayo nianakima chuba, nianakokera Yesu mulumoo lunene.7Abandu boshe bo baxungaa kwa binwa ibyo, niabanatangira ineena mbu: «Oho! Amundu uyu ameya ichumbi mu nyumba ya mukotsi wa ntsambi!»8Wetuwe, Sakayo nianaimana mwa mbere sa Ninakuwetu neneena mbu: «Umpfa Ninakuwetu! Nikaha abachene kiche kya kwa bitwe byani. Na niri na nyaaa mundu kindu mubuxuma, nikamufulukitsakyo kane.»9Niyo Yesu amubwira mbu: «Munolwire Ongo ameufula abandu ba nyumba ino, kureba nawe uli wa mwa lubuto lwa Iburahimu.10Kureba ingye, ngye, Muala wa Mundu, nahikaa kwexonda neufula bo baherire.»11Abandu babaa bakinahulikya abinwa byo Yesu abaa aneena. Na kwabaa aharaxonda iingira mwa mulungu we Yerusalemu, abandu baanikira mbu abwami bwa Ongo bwahika mwa kashangi umo. Aho, Yesu nianaxube chirabo amushinga uyu mbu:12«Habaa murutsi muuma nianaenda mu kihuo mbinga kweimikwa nexubefuluka mwa kihuo kiwe.13Buxondotsi aende, nianabirangira bandu ikumi mwa bapfuku bewe. Nianaha kintsi mundu yo kichere kiuma kya noro , abanebwirabo mbu: ‹Mutunde mwa bitwe ibi ihikira lwire lwa refuluka rani.›14Wetuwe, abandu ba mwa kihuo kiwe babaa bamubaire. Kubwishi bwekyo, bamukulikitsa bandu kwebula mbu batabamuxonda mbu abe mwami wabo.15«Wetuwe amurutsi uyo, nianaimikwa nefuluka mwa kihuo kiwe. Abere amefuluka, nianabula mbu bamubirangirire abapfuku bewe ikumi bahaa abitwe biwe kubwishi abaa axonda imenya amunguruko wo babonekyaa.16«Amupfuku mubere nianahika aneena mbu: ‹Ninakuwetu, akichere kyowanihaa naungurukaa mukyo mo bichere ikumi.›17Ninakuwabo nianamubwira mbu: ‹Wamekola kushe! Uli mupfuku mubuya. Ko wabaa mundu we inihirwa mu bindu bike, nakuira mukulukulu wa milungu ikumi.›18«Amupfuku wa kabiri naye nianahika aneena mbu: ‹Ninakuwetu, akichere kyo wanihaa naungurukaa mukyo mo bichere bitano.›19Ninakuwabo nianamubwira mbu: ‹Nawe, nakuira mwimanitsi wa milungu itano.›20«Inyuma kwaho, na undi naye nianahika niananeena mbu: ‹Ninakuwetu, akichere kyawe kyeki! Nabishaakyo mu mutete wa lukimba.21Nabaa nikuubahire, kubwishi unaba mundu mutsibu. Iwe uneretsimba byoutabikaa, na kandi unerexola byo utabyalaa.›22Ninakuwabo nianamubwira mbu: ‹Iwe uli mupfuku mubi! Nekuchira lubancha kweimitsanya na mineenere yawe. Wamenyaa kwingye niri mundu mutsibu, nineretola kyo ndabikaa, nexola kyo ndabyalaa.23Kubwishi bwaki utahiraa abitwe byani mu nyumba yelangiramo bitwe? Na mwefuluka rani nge nikatengyabyomo na munguruko wabyo!›24«Niyo amwami uyo abwira abandu bobabaa bali aho mbu: ‹Amupfuku uyu, mumunyae abitwe ibyo, nehabyo yarali na bichere ikumi!›25Niabanamubwira mbu: ‹Ninakuwetu, ulaa ahara awete ku bichere ikumi!›26Ninakuwabo uyo niananeena mbu: ‹Anibabwira ku yawete ku kindu, yakendehabwa kindi. Wetuwe, yataweteki edenyawa na kairembire iba nako.27Wetuwe, abalenda bani bobataxondaa mbu nibe mwami wabo, muletebo hano, mukerebo mwa mbere sani!›»28Yesu abere ameotola ineena abinwa ibyo, nianaxondolera amuoba kweurukira i Yerusalemu.29Nianahika hofi na mutsi we Betifake na we Betaniya, kwa munda wa kitwa kya Miseyituni. Nianatuma babiri mwa bemitsa bewe.30Nianabwirabo mbu: «Muende mwa mutsi yali ira buxondotsi. Mukaba mwahikamo, mukashingana kyana kya punda kiabikirwe, nakyo kitetsi kya urukwako na mundu. Muabulekyo, nenireleterakyo.31Na hakeba mundu ya babutsa mbu amuabulirakyoki? Ni mwa muxubitsa mbu: ‹Ninakuwetu yalaire kukyo.›»32Abemitsa bo batumwaa niabanaenda. Bashingana abinwa ni biri ngakuno ko Yesu shabwirabo.33Babere bali yobaabula akyana kya punda ikyo, bechakyo niabanabutsabo mbu: «Era! Amuabula akyana kya punda kubwishi bwaki?»34Niabanaxubya mbu: «Ninakuwetu yalaire kukyo.»35Inyuma kwaho, niabanaletera Yesu akyana kya punda ikyo. Ni abanashesha kukyo asangimba sabo, niabanaurukya Yesu kukyo.36Abere ali yaenda, abandu bereshesha asangimba sabo mwa nchira .Yesu aingira i Yerusalemu37Yesu abere ahara hofi ne Yerusalemu, aharakima kwa kitwa kye Miseituni, amuoba woshe wa bemitsa bewe bereenda ni abamoa kutsibu. Batangira isingya Ongo mu mulenge mule kubwishi bwa tushingishiro toshe to babaa bamelolako.38Bereneena mbu:«Aashanirwe Amwami yahika mwetsina ra Ninakuwetu!Abuholo bube mu mbingu,ne Ongo ahabwe ngulu !»39Bafarisayo bauma mu bobabaa kwa muoba wa bandu, babwira Yesu mbu: «Mwiyisa, kemera abemitsa bawe mbu batsire!»40Yesu nianaxubitsabo mbu: «Anibabwira mbu, aba bangaba baketsira, amabale ni makalehya amilenge!»41Mwa mango Yesu abaa ahara hofi na mulungu we Yerusalemu, abere axungao, nianalirirao.42Nianabula mbu: «Iri iwe, munolwire ungamenyire kyo kingakuletera abuholo! Wetuwe, ikikyo kibishirwe tsene, utangaxungakyo.43Kureba, kwendehika biro abalenda bawe bendekutsungulako kwebula mbu bakulwise. Mwa mango bendeba bamehimba mupfunda weikikiritsa hofi nawe, bendekusimekeretsa kwa nyunda yoshe.44Bendekushambula neita abandu bawe. Batendekusiira kiro ne bale literekirwe ku lindi mwiwe, kureba utamenyaa akashangi ke Ongo ahikaamo kwekutabara!»45Yesu nianaingira mwa mbuwa ya hekalu. Mwa mango aingiraamo, nianatangira ihentsa bobabaa abakoleramo abutundi.46Nianabwirabo mbu: «Kiandikirwe mwa Maandiko Makomire mbu: ‹Anyumba yani yendeba nyumba ye hemeramo Ongo.› Wetuwe imwe, mwamebindulayo buali bwa bashamutsi kwebuananiramo .»47Abiro byoshe, Yesu abaa anaiisa abandu mwa hekalu. boshebakungu ba hekalu, na beisa ba Muomba na batambobabaa abaxonda imwita.48Wetuwe, bahusha nchira ye mwita, kubwishi abandu boshe ni abamuumpfira kushe.
The Seed Company