LUKA18
1Inyuma kwaho, Yesu nianachira abemitsa bewe amushinga uyu, kwebwerekyabo ku bashushire ihema Ongo abiro byoshe butsira itama.2Nianabula mbu: «Mu mulungu muuma mwabaa muchamancha. Amuchamancha uyo, ni ataubahire Ongo, ni atanapfire na mundu yo xoni.3Na mwa mulungu umo kandi, ni munaba muxumbakatsi muuma. Amuxumbakatsi uyo abaa muhanga weendera amunchamancha uyo, nemuhema mbu: ‹Unichire kushe alubancha lo ninaba nalo na mulenda wani.›4«Wetuwe, kutsuka biro bingi amuchamancha uyo ni atindire imunchiralo. Mwa ntsindiro, nianayibwira mwa mutima uwe mbu: ‹Ingye ndaubaha Ongo, ndapfa na mundu yo xoni.5Wetuwe kwa muxumbakatsi uyu amenilungyalungya, nihera nikamuchira alubancha luwe lo kushe. Nikakola batyo, kubwishi ni yatikiendexuba hano kwenilungyalungya.›»6Niyo, Ninakuwetu aneena mbu: «Muumpfe kushe kya muchamancha mubi aneena!7Abandu bo Ongo naye alondolaa, bobanamulirira kiro na mwishi, endechirabo lubancha lukwirire. Atendeba neleama kweasikyabo.8Anibabwira, endechirabo lubancha chuba. Wetuwe, mwa kashangi Muala wa Mundu endefuluka, mbeni endetimana kwa kihuo kuno ni kuli bandu bobali na bwimire?»9Nianachirabo kandi amushinga uyu kubwishi bwa bandu bo baixunga ku baimirire netunganana mwa mbere sa Ongo, nesuntsuura abandi bandu mbu:10«Lwire luuma, bandu babiri baya ihema Ongo mwa hekalu. Amuuma abaa Mufarisayo, na undi ni mufutishi wa koli.11aMufarisayo uyo, nianaimana nehematya mwa mutima uwe mbu: ‹Ongo, anikusima kubwishi nitali ngakuno abandi bandu. Ibo betsi, na babi, na basingitsi. Anikusima kandi kubwishi nitali ngakuno amufutishi wa koli uyu.12Ninakola mahemo meihangira ilya kabiri kweinga. Ninerekutula muhango muuma wekumi wa bitwe byani byoshe byo ninabonekya.›13«Wetuwe amufutishi wa koli, iye, nianaimana hale, atalinda iereka ibatula amesha kwelalamira mu mbingu. Nianaibandanga kwa kipfuba kubwishi bwa buyongwa nehema shashi mbu: ‹Ee Ongo, unipfire bwoncho, ngye mukotsi wa santsambi!›»14Yesu nianaxubebula mbu: «Anibabwira kwa muhoresi wa koli uyu, afulukaa mwamwe Ongo niamemuxunga nga mundu atunganene. Wetuwe aMufarisayo uyo, ihi. Kubwishi kintsi mundu yandaiurukya endekimibwa. Wetuwe yandaihohya, iye, endeurukibwa.»15Bandu bauma niabanaletera Yesu sinabe na sancholyana kwebula mbu ahire kuto asaminwe. Abemitsa bewe babere bamexunga batyo, niabanakemera abandu abo.Yesu akokera abana balere16Wetuwe, Yesu nianabula mbu bamuletere abanabo. Nianabula kandi mbu: «Mulike abana bahike ho niri! Mutahangiraabo, kubwisi abandu bo bali ngakuno ibo, bo becha abwami bwa Ongo.17Mwa kuli, anibabwira ku yataangirire abwami bwa Ongo nga mwana, atibaingire mubo kiro na hake.»18Mukulukulu muuma nianabutsa Yesu mbu: «Mwiyisa mubuya, nishushire ikolaki kwebula mbu nibe na buingo bwa biro byoshe?»19Yesu nianamuxubitsa mbu: «Kubwishi bwaki wameniluka mubuya? Hataba mundu mubuya ali ate Ongo yewene.20Uhabire kwa mateeko ma Ongo mabwire mbu: ‹Uteresingira, utereita, utereiba, uterebehera mundu, werepfa ababuti bawe bo xoni .›»21Amundu uyo, nianaxubya mbu: «Amateeko moshe ayo, ninakola nga ko mabwire, ihuluka abwana bwani.»22Yesu abere aumpfatyo, nianamubwira mbu: «Ukinahushire kindu kiuma: Yauutse abyoshe byo uli nabyo, na bitwe bya bindu ibyo bikapfa, uabirebyo abachene. Ukeirotyo ni ukaba na buxoki mu mbingu. Inyuma kwaho, hika, unikulikire.»23Wetuwe amundu uyo abere aumpfatyo, nianayongwa kutsibu kubwishi abaa muxoki kutsibu.24Yesu abere amexunga ku ameyongwa kutsibu, niananeena mbu: «Litsibu kwa baxoki kweingira mwa bwami bwa Ongo!25Litsibuhire kwa ngamiya kwetsuka mwa lisha ra nandi. Wetuwe, likaramire kandi kutsibu kwa muxoki kweingira mwa bwami bwa Ongo.»26Na bandu bo bahulikyaa abinwebyo, niyo baneena mbu: «Alikye! Nende ni yangaufulwano?»27Yesu nianaxubya mbu: «Kya bandu batangakocha, Ongo, iye, angakochakyo.»28Niyo Petero abula mbu: «Ninakuwetu lola, itwe twasiire abyoshe byo twabaa tuweteko nekukulikira!»29Yesu nianabwirabo mbu: «Anibabwira mwa kuli, ku kintsi mundu akesia anyumba iwe, neri mukatsi uwe, neri baala babo, neri ababuti bewe, neri abana bewe, kubwishi bwa bwami bwa Ongo,30endebonekya bingi mwa kianiro kino akinali kwa kihuo. Na mwa biro byo byendehika, endehabwa abuingo bwa biro byoshe.»31Inyuma kwaho, Yesu nianaisiika na sandumwa siwe ikumi nebiri nianabwirato mbu: «Muumpfe! Twebano, twaurukira mwa mulungu we Yerusalemu. Mwa mulungu umo, mo mukabererera abyoshe bya batahwa baandikaa kubwishi bwa ingye, ngye Muala wa Mundu.32Nikahirwa mwa minwe sa bandu ba sindi nganda. Bakanisheka, nenikamba nenichirako mate.33Bendenihirako mihumbo nenita, na mwa lwire lwa kashatu nikapfuka.»34Wetuwe, asandumwa sitamenyaa kwa binwa ibyo byabaa bibwire, kubwishi byabaa bibishirwe kubo. Niyo batamenya ku Yesu asimola kuluendaki.35Mwa mangomo Yesu abaa ahara hofi nehika kwa mulungu we Yeriko. Habaa mundu muuma ahumire ni aikere kwa musike wa nchira, ni ahemeretsa.36Na mundu uyo, abere ahulikya amirenge ya muoba wa bandu bo batsuka, nianabutsa mbu: «Kiki kyono?»37Niabanamuxubitsa mbu: «Yesu we Nasareti yatsuka.»38Nianalehya amulenge mbu: «Yesu, Muala wa Ndauti, mpfire bwoncho!»39Abandu bobabaa ira buxondotsi bamukemera mbu atsire. Wetuwe, iye, nianalengeretsa mwelehya amulenge mbu: «Muala wa Ndauti, mpfire bwoncho!»40Yesu nianatindira nebula mbu bamuletere amundu uyo. Abere aipfunda hofi, Yesu nianamubutsa mbu:41«Auxonda mbu nikukolereki?» Naye nianamuxubitsa mbu: «Ninakuwetu, anixonda mbu nixube nilole.»42Ne Yesu nianamubwira mbu: «Xubelola! Abwimire bwawe bwamekulamya.»43Na mwa kashangi umomoho, amundu uyo nianaxubelola. Nianakulikira Yesu ni asingya Ongo. Na bandu boshe babere bamexunga kwikyo, nabo, basingya Ongo.
The Seed Company