Psalms14
1לַמְנַצֵּחַ לְדָוִד אָמַר נָבָל בְּלִבּוֹ אֵין אֱלֹהִים הִשְׁחִיתוּ הִתְעִיבוּ עֲלִילָה אֵין עֹשֵׂה טוֹב2יַהְוֶה מִשָּׁמַיִם הִשְׁקִיף עַל בְּנֵי אָדָם לִרְאוֹת הֲיֵשׁ מַשְׂכִּיל דֹּרֵשׁ אֶת אֱלֹהִים3הַכֹּל ⸃ סָג ⸂ יַחְדָּו נֶאֱלָחוּ אֵין עֹשֵׂה טוֹב אֵין גַּם אֶחָד4הֲלֹא יָדְעוּ כָּל פֹּעֲלֵי אָוֶן אֹכְלֵי עַמִּי אָכְלוּ לֶחֶם יַהְוֶה לֹא קָרָאוּ5שָׁם פָּחֲדוּ פָחַד ⸋ לֹא הָיָה פָּחַד ⸌ כִּי אֱלֹהִים בְּדוֹר צַדִּיק6עֲצַת עָנִי תָבִישׁוּ כִּי יַהְוֶה מַחְסֵהוּ7מִי יִתֵּן מִצִּיּוֹן יְשׁוּעֹת יִשְׂרָאֵל בְּשׁוּב יַהְוֶה שְׁבוּת עַמּוֹ יָגֵל יַעֲקֹב יִשְׂמַח יִשְׂרָאֵל {פ}
Stephen L. Brown