Psalms13
1לַמְנַצֵּחַ מִזְמוֹר לְדָוִד2עַד אָנָה יַהְוֶה תִּשְׁכָּחֵנִי נֶצַח עַד אָנָה תַּסְתִּיר אֶת פָּנֶיךָ מִמֶּנִּי3עַד אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד אָנָה יָרוּם אֹיְבִי עָלָי4הַבִּיטָה עֲנֵנִי יַהְוֶה אֱלֹהָי הָאִירָה עֵינַי פֶּן אִישַׁן הַמָּוֶת5פֶּן יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט6וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לְיַהְוֶה כִּי גָמַל עָלָי ⸋ וַאֲזַמְּרָה שֵׁם יַהְוֶה עֶלְיוֹן ⸌ {פ}
Stephen L. Brown