Zozue19
1Mɔ ze bwaa kapana nu nɛ wal dea mbala, nɛ pɛ hio pɛl nam mɔ kandɔ pɛ Simeon. Nu pɛ mbwa zikoro nɛ nu mɔ kandɔ pɛ Zuda.2Hazu nu pɛ mbwa ɛ bekpa hio le tuka: Berseba, Seba, Molada,3Hasar-Sual, Baala, Esem,4Eltolad, Betul, Horma,5Siklag, Bet-Markabot, Hasar-Susa,6Bet-Lebaot nɛ Saruen, tɛ gbosi hio lea nɛ bhukɔ gbala tar nɛ hio bebe le fɛt hapɛtɛa.7Hio ma lea fin nɛ: Ain, Rimon, Eter nɛ Asan, tɛ gbosi hio lea nɛ nar nɛ hio bebe le fɛt hapɛtɛa.8Hio ma bebe le fin ka zikoro pɛtɛ hio le ndɔng gboa Baalat-Ber nɛ Ramat-Negev. Ɛndɔng fɛt nɛ hio nu pɛ hio pɛl nam pɛ Simeon.9Ma Bhal nu pɛ hio wi mɔ kandɔ pɛ Zuda ha ɛ haa hio wi mɔ kandɔ pɛ Simeon mɔ tɔ nde atɛ pɛ mbwa, hazu, nu pɛ hio bezang pɛ Zuda gasa pentɛ tɛ mbwa. Yo nɛ ɛngi, nu pɛ hio wi mɔ Zuda zikoro nu pɛ hio wi mɔ kandɔ pɛ Simeon fɛt.10Mɔ ze tar kapana nu nɛ wal dea mbala, nɛ pɛ hio pɛl nam mɔ kandɔ pɛ Zabulon. Nu pɛ mbwa gutɛ ha wal gdɔk tee gboa Sarid.11Hakɛ, lingia danga ha wal ɔnu swe tee gboa Marala, fin tee gboa Dabeset, ha ngbang nɛ kolo ka fok ha wal gutɛ swe mɔ Yokneam.12Lingia gutɛ ha wal Sarid, nɛ̂a ha wal gutɛ swe, yo ndɔa nu mɔ Kislot-Tabor, yo pena ha Dabrat, yo danga tee gboa Yafia.13Hapata, yo nɛ̂a fin ha wal gutɛ swe tee gboa Gat-Hefer nɛ Et-Kasin, yo ndukɔ fin nɛ kpa Rimon nɛ yo zifolo ha wal Nea.14Ha wal kala, lingia muyo hapɛtɛ Hanaton nɛ yo hɔa hazang bikonu mɔ Ifta-El.15Nu ɛngi baa hio le tuka: Katat, Nahalal, Simron, Idala nɛ Betlehem. Hio lea nɛ bhukɔ gbla bwa nɛ hio bebe le fɛt hapɛtɛa.16Hio bebe le ndɔng fɛt ndung hazang nu ka ɛ ha a hio pɛl nam mɔ zang kandɔ pɛ Zabulon.17Mɔ ze nar kapana nu nɛ wal dea mbala, nɛ pɛ hio pɛl nam mɔ kandɔ pɛ Isakar.18Nu pɛ mbwa nɛ hio ɛ ndɔng: Yizreel, Kesulot, Sunem,19Hafaraim, Sion, Anaharat,20Rabit, Kision, Ebes,21Remet, En-Ganim, En-Hada nɛ Bet-Pases.22Lingia ndɔa Tabor, Sasaim nɛ Bet-Semes yo hɔa Zurdain. Hio lea fɛt nɛ bhukɔ zanga mɔrkɔ gbala dang nɛ hio bebe le fɛt hapɛtɛa.23Hio bebe le ndɔng fɛt ndung hazang nu ka ɛ ha a hio pɛl nam mɔ zang kandɔ pɛ Isakar.24Mɔ ze mɔrkɔ kapana nu nɛ wal dea mbala, nɛ pɛ hio pɛl nam mɔ zang kandɔ pɛ Azer.25Nu pɛ mbwa nɛ hio ɛ ndɔng: Helkat, Hali, Beten, Akesaf,26Alamelek, Amad nɛ Misal. Ha wal ɔnu swe lingia pɛ mbwa ndɔa ngari mɔ Karmel hɔa ha ngbang nɛ kolo mɔ Sihor-Libnat.27Ha gutɛ swe, yo danga ha wal mɔ Bet-Dagon, yo ndɔa nu pɛ Zabulon nɛ bikonu mɔ Ifta-El. Fin yo danga ha wal kala mɔ nɛ̂a kpa Bet-Emek nɛ Neiel. Hapata yo bhɔna ka nɛ̂a ha ndangi tɛ wal, pena ha Kabul,28Abdon, Rehob, Hamon nɛ Kana, nɛa sanga nɛ le mɔ Sidon.29Mɛgi yo ziforo ha wal Rama nɛ sɛnga ngeng ka pam le mɔ Tir. Hapata, lingia nɛa ha Hosa nɛ yo hɔa ha gasa nana li tɔng mɔ Mediterane yo pena ha wal Mahaleb, Akzib,30Um, Afek nɛ Rehob. Gbosi, hio lea fɛt nɛ bhuze bwa gbala bwa nɛ hio bebe le fɛt hapɛtɛa.31Hio bebe le ndɔng fɛt, dung hazang nu ka ɛ haa ha hio pɛl nam mɔ kandɔ pɛ Azer.32Mɔ ze mɔrkɔ zanga ndang kapana nu nɛ wal dea mbala, nɛ pɛ hio pɛl nam mɔ kandɔ pɛ Neftali.33Ha wal gdɔk, lingia pena ha Helef nɛ nana te Saananim, yo pena ha Adami-Nekeb nɛ Yabneel, yo hɔa ha Lakum nɛ yo gɔsa ha Zurdain.34Ha wal ɔnu swe lingia kiforo ha wal Aznot-Tabor, yo ziforo kpamay ha Hukok, pena ha lingia nu pɛ Zabulon mɔ wal gdɔk, fin nɛ nu pɛ Azer ha wal ɔnu-swe. Hal wal gutɛ swe lingia nɛ Zurdain.35Hio le ka ɛ sɛnga nɛ ngeng nɛ hio ɛ ndɔng: Sidim, Ser, Hamat, Rakat, Kineret,36Adama, Rama, Hasor,37Kedes, Edrei, En-Hasor,38Iron, Migdal-El, Horem, Bet-Anat nɛ Bet-Semes. Gbosi hio lea nɛ bhukɔ zanga mɔrkɔ gbala nar nɛ hio bebe le fɛt hapɛtɛa.39Hio bebe le ndɔng fɛt, dung hazang nu ka ɛ haa hio pɛl nam mɔ kandɔ pɛ Neftali.40Mɔ ze mɔrkɔ zanga bwaa kapana nu nɛ wal dea mbala, nɛ pɛ hio wi mɔ kandɔ pɛ Dan.41Nu pɛ mbwa nɛ hio ɛ ndɔng: Sora, Esetaol, Ir-Semes,42Saalabin, Ayalon, Itla,43Elon, Timna, Ekron,44Elteke, Gibeton, Baalat,45Yehud, Bene-Berak, Gat-Rimon,46li mɔ Yarkon, Rakon, nɛ nu ka zikoro Zafa.47Ha ngimɔ ka ɛ baa nu ha kɔ̂ kandɔ pɛ Dan. Mɛgi hio wi mɔ kandɔ pɛ Dan bio bulo sungiri nɛ le mɔ Lesem. Mbwa baa lea, nɛ mbwa gbɛa hio wi ka ɔnu hazang lea; mbwa baa lea fɛt nɛ mbwa ɔanu hazanga. Mɛgi, mbwa haa ling gbabafa mbwa haa lea nde Dan.48Hio bebe le ndɔng fɛt dung hazang nu ka ɛ haa ha hio pɛl nam mɔ kandɔ pɛ Dan.49Ka hio wi mɔ Israel karsa kapana lea ha soko mbwa kari, mbwa haa ma nu pɛ mbwa ndang ha Zozue bem pɛ Nun.50Lɛm nɛ haanu pɛ Wankpoo, mbwa haa ha wɛnɛ le ka wɛnɛ ana: Timnat-Sera ha kandɔnu mɔ zungari ha Efraim, Zozue bhɔngara lea nɛ wɛnɛ ɔ ang.51Wan hasadaka Elazar nɛ Zozue bem pɛ Nun, nɛ hio wan pɛ hio nam hazang kandɔ mɔ Israel, kapana hio nu pɛ mbwa nɛ wal dea mbala. Mbwa dea mɛgi ha Silo ha sɔngsi Wankpoo, ha nu Twa la kpamay hinɛ Sɔ. Mbwa karsa kapana nua tuka ɛngi.
The Seed Company