Zozue18
1Hapata ka hio wi mɔ Israel baa nua fɛt, zugiri fɛt wesaramay ha Silo. Haki mbwa bɛa Twa la kpamay hinɛ Sɔ.2Hio kandɔ mɔrkɔ zanga bwa ha soko hio wi mɔ Israel tɛ kpa nu ka ɛ baa kapini na.3Zozue tɔa ha hio wi mɔ Israel nde: «Ɛnɛ kɛri nɛ nge ngimɔ, mɔ nɛa banu ka Wankpoo, Sɔ pɛ ngbabafa ɛnɛ a ha ɛnɛ kari ge nde?.4Ɛnɛ ku hio wi tar hazang kandɔ ndang ndang fɛt. Mɛgi, mibe tomsi hio wi ndɔng nde mbwa nɛ yal hazang nua, mbwa nɛ mbari hio nu pɛ hio kandɔ pɛ mbwa ndang ndang, nɛ mbwa be nduki pɛ bhasiri pata mɔ ka mbwa zɔka haki ha mi nɛ wal ngɛrkamɔ.5Mbwa be kapini soko nua mɔrkɔ zanga bwa. Mɛgi, hio bezang pɛ Zuda bedung hazang nu pɛ mbwa ha wal gdɔk, nɛ bezang pɛ Zozɛf mbwa bedung hazang nu pɛ mbwa ha wal kala.6Ɛnɛ be bhɔngiri ngɛrkamɔ mɔ hio nu ndɔng mɔrkɔ zanga bwa nɛ ɛnɛ betɛ tɛ osi pata ha mi. Mɛgi ha sɔngsi Wankpoo, Sɔ pɛ ɔ, mi bede mbala mɔ kapini nɛ nu ha soko hio kandɔ pɛ ɛnɛ ndang ndang.7Maa pɛ hio bezang pɛ Levi mbwa lɛm mɔ kpa pɛ mbwa ma nu ndang ka ɔ be kapini na, hazu tom pɛ mbwa bedung nɛ tom hasadaka ha Wankpoo. Hio kandɔ pɛ Gad nɛ pɛ Ruben nɛ titi kandɔ pɛ Manase kpaa pɛ mbwa hio nu sɔngsi nɛ wal nɛ wal gutɛ swe mɔ Zurdain. Yo badung nɛ Moize wan tom pɛ Wankpoo nɛ tɛwa kabaa ha hio nu ndɔng ha mbwa.››8Hio wei ka ɛ sala mbwa mɔ mbari nua mbɔngara tɛ mɔ pen. Sɔngsi nde mbwa pen, Zozue ha nu ha mbwa mɛngɛ: ‹‹ Ɛnɛ yal hazang nua ɛnɛ mbari yo nɛ dedea nɛ ɛnɛ nduki tɛ ngɛrki ha mi mɔka ɛnɛ zɔka. Ha kɛ ha Silo, mi bede mbala ha sɔngsi Wankpoo, mɔ kapini nɛ hio nu ka betɛ pɛ ɛnɛ.››9Hio wei ndɔng yala hazang nua fɛt. Mbwa ngɛrka hio mɔ ka mbwa zɔka hazang nu ka ɛ kɛtana mɔrkɔ zanga bwa ndang ndang fɛt, hinɛ ling hio le ndang ndang, hapata, mbwa nduko sanga nɛ Zozue ha guru mɔ Silo.10Zozue dea mbala mɔ hio nu ndɔng ha sɔngsi Wankpoo nɛ wɛnɛ kapana hio nua ha soko hio wi mɔ Israel; wɛnɛ haa nu ha mbwa lɛm nɛ kandɔ ndang ndang hazang lea.11Bosi nu ka ɛ haa nɛ wal dea mbala nɛ pɛ hio pɛl nam mɔ zang kandɔ pɛ Bezamin. Nu pɛ mbwa dung ha soko nu pɛ hio bezang pɛ Zuda nɛ pɛ hio bezang pɛ Zozɛf.12Lingia mɔ wal kala guotɛ ha Zurdain, danga ha wal kara mɔ Zeriko, bhɔna ka nɛ̂a ha wal ɔnu swe yo pena hazang kandɔ nu zu ngari gboa kpɛnu mɔ Bet-Aven.13Hakɛ, yo nɛ̂a ha wal Luz yo pena ha wal gdɔk mɔ Luz ka ɛ sa fin nde Betel, hapata yo zilo ha Atrot-Adar gɔna soko ngari mɔ wal gdɔk Bet-Horon-mɔ-gdɔk.14Ha wal ɔnu swe mɔ zungari ɛngi lingia sanza wal. Yo kiforo ha wal gdɔk haa Kiriat-Baal ka ɛ saa fin nde Kiriat-Yearim ka dung nɛ pɛ kandɔ pɛ Zuda. Zɔk liwal ka lingia mɔ wal ɔnu swe pena ang.15Lingia mɔ nu nɛ wal gdɔk angiri ha Kiriat-Yearim, yo nɛa ha wal ɔnu swe, nɛ nɛ gɔsa hazu hio ndog li pɛ Neftoa.16Ha kɛ yo zilo ha nanga ngari ka kuso pen bikonu mɔ Hinom ha wal kala mɔ bikonu pɛ hio mɔ Refa. Yo baa pɛtɛ bikonu mɔ Hinom, mɔ wal gdɔk bebe ngari pɛ hio wi mɔ Yebus, nɛ yo nɛa nɛ zil gboa ha En-Rogel.17Yo zifolo nɛ̂ ha wal mɔ En-Semes fin nɛ mɔ Gelilot, ha sɔngsi ngari mɔ Adumim. Hapata yo zilo ha wal ta pɛ Bohan, ma ndangi bem pɛ Ruben.18Hapata, yo pena ha wal kala mɔ bikɔnu zungari mɔ Zurdain nɛ yo zilo hazang bikɔnua fin.19Hapata, yo bhɔna ha nɛa ha wal kala mɔ Bet-Hogla nɛ yo nɛ̂a gbo hazua nɛ wal kala mɔ Fea nana li tɔng, ha bhandi ka Zurdain gɔsi ang. Zɔk wal ka lingia mɔ wal gdɔk pen ang.20Zurdain nɛ lingia mɔ wal gutɛ swe.
Yo mɛgi ka ɛ baa kapini nɛ nu ha hio pɛl nam mɔ kandɔ pɛ Benzamin.21Hio le pɛ hio pɛl nam pɛ Benzamin nɛ hio ɛndɔng: Zeriko, Bet-Hogla, Emek-Kesis,22Bet-Araba, Semaraim, Betel,23Avim, Para, Ofra,24Kefar-Amona, Ofni nɛ Geba, tɛ gbosi hio lea nɛ bhukɔ ngbala bwa nɛ hio bebe le fɛt hapɛtɛa.25Hio ma lea fin nɛ: Gabaon, Rama, Beerot,26Mispe, Kefira, Mosa,27Rekem, Irpeel, Tarala,28Sela, Elef, le mɔ Yebus, osi nde Zerusalɛm, Gibea nɛ Kiriat-Yearim, tɛ gbosi hio lea nɛ bhukɔ gbala nar nɛ hio bebe le fɛt hapɛtɛa.
Ɛndɔng fɛt nɛ hio nu pɛ hio pɛl nam pɛ Benzamin.
Yo mɛgi ka ɛ baa kapini nɛ nu ha hio pɛl nam mɔ kandɔ pɛ Benzamin.21Hio le pɛ hio pɛl nam pɛ Benzamin nɛ hio ɛndɔng: Zeriko, Bet-Hogla, Emek-Kesis,22Bet-Araba, Semaraim, Betel,23Avim, Para, Ofra,24Kefar-Amona, Ofni nɛ Geba, tɛ gbosi hio lea nɛ bhukɔ ngbala bwa nɛ hio bebe le fɛt hapɛtɛa.25Hio ma lea fin nɛ: Gabaon, Rama, Beerot,26Mispe, Kefira, Mosa,27Rekem, Irpeel, Tarala,28Sela, Elef, le mɔ Yebus, osi nde Zerusalɛm, Gibea nɛ Kiriat-Yearim, tɛ gbosi hio lea nɛ bhukɔ gbala nar nɛ hio bebe le fɛt hapɛtɛa.
Ɛndɔng fɛt nɛ hio nu pɛ hio pɛl nam pɛ Benzamin.
The Seed Company